4. Mose 16:7 - O Debleskro Drom 2021 (Sinte)

⁷ Un krenn jag koi dren, un tchiwenn sungepaskro koowa koi pre, un anenn kowa glan o baro Debleste! Kones koi o baro Dewel wi-rodella, kowa hi leskro. Tumer, i Levitarja, han kolla, kai krenn, har te wans i bareder!”

O Debleskro Lab 2024 (Sinte-Manouche)

⁷ Oun krenn yag koy dren, oun čivenn soungepaskro koova koy pre, oun anenn kova glan o baro Debleste! Kones koy o baro Devel vi-rodella, kova hi leskro. T'mer, i Levitarya, han kolla, kay krenn, har te vans i bareder!”

4. Mose 16:7 ပူးပေါင်းရင်းမြစ်များ

Debleskri gili 106:16

Ap lengri platsa hadan le pen pral o Moseste, un pral o Aroneste, koles o baro Dewel peske win rodas.

4. Mose 16:3

Un jon halauter wan khetne pash o Mose un o Aron, tchingran ap lende un penan: “Tumer krenn, har te wans bareder har mer wawar! O tselo kheer Israel hi o Debleskre menshe. Un o baro Dewel hi mashkral lende. Hoske hadenn tumer tumen pral o baro Debleskre menshende?”

4. Mose 16:5

un penas ap o Korach un ap kolende, kai pash leste his: “Taissar penell o baro Dewel, koon leskre menshe hi, kones job peske wi-rodas, un koon nai well pash leste. Un kones job win rodella, kowa nai well pash leste.

4. Mose 16:6

Taissarlakro lenn tumenge pirja, tu o Korach un kol tsele mursha, kai pash tute hi!

4. Mose 16:8

Un o Mose penas ap o Korach: “Shunenn, tumer Levitarja!

Efesarja 1:4

Har o bolepen un i phub gar koi his, rodas lo men win, te djas ap o Jesuseskro drom. Job rodas men win, te dell lo men i djudjo dji, te hatsell lo kek doosh ap mende. Jaake bud kamas lo men,

2. Tessalonikarja 2:13

Mire phrala, mer hunte parkras men tumenge pash o Debleste hako tsiro. Maro rai Jesus kamell tumen o djijestar. Glan i rah tsiro, har o Dewel kras o bolepen un i phub, rodas lo tumen win, te djiwenn leha khetne an leskro railepen. Har patsan tumer leskro tchatcho lab, das lo peskro Ducho an tumende. Un kowa krell, te djiwenn tumer i djudjo djipen glan leste.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.