4. Mose 16:5 - O Debleskro Drom 2021 (Sinte)

⁵ un penas ap o Korach un ap kolende, kai pash leste his: “Taissar penell o baro Dewel, koon leskre menshe hi, kones job peske wi-rodas, un koon nai well pash leste. Un kones job win rodella, kowa nai well pash leste.

O Debleskro Lab 2024 (Sinte-Manouche)

⁵ oun penas ap o Korah oun ap kolende, kay pash leste his: “Taysar penell o baro Devel, koon leskre menshe hi, kones yob peske vi-rodas, oun koon nay vell pash leste. Oun kones yob vin rodella, kova nay vell pash leste.

4. Mose 16:5 ပူးပေါင်းရင်းမြစ်များ

Debleskri gili 105:26

Job bitchras peskro budepaskres, o Moses, un o Arones, koles job peske wi-rodas.

Debleskri gili 115:10

Tumer rashaja dran o kheer Aron, rikrenn tumen ap o baro Debleste! Job well ap tumari rig, un rikrell peskre wasta pral tumende.

Debleskri gili 65:4

Ko tchilatchepen, hoi krom, hi phares ap mande tchiddo. Tu hal kowa, kai i doosh krik lell.

2. Mose 28:1

Muk tiro phrales, o Arones, un leskre mursh tchawen glan tute te anell. Kolen rodom win dran i wawar Israelitarja, te wenn le mange rashaja: o Nadab, o Abihu, o Eleasar un o Itamar.

2. Mose 28:41

Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

2. Mose 28:43

Hako kopo kai djan le an o Debleskro plachteno kheer, ninna te chatchrenn le i viecho ap o Debleskri sasterni chatchepaskri, hunte riwell o Aron un leskre tchawe kol telstune cholopja. Jaake tchiwenn le penge kek doosh ap pende un hunte merenn gar. Un kowa well jaake o Aroneske un leskre tchawenge, hoi pal leste wenna, lauterenge, kai wenna rashaja, o tselo tsireske.

Jeremia 30:21

Un lengro rai well dran lende. Awa, lengro pralstuno hi jek lendar. Me mukau les glan mande te well. Kek nai well glan mande un atchell djido, te mukau les gar. Kowa penell o baro Dewel.

Jeremia 49:19

Har i lewo win well dran i burra pash o pani Jordan, wau me, un tradau i Edomarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!

Jeremia 50:44

Har i lewo win well dran i burra pash o pani Jordan, wau me un tradau i Babilonarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!

Ezekiel 40:46

Un koi isema, kolakri glanstuni rig kote sikrell, kai norden hi, hi kol rashajenge, kolla pengri budi ap i chatchepaskri krenn. Kolla hi kol mursha, kolengro dad o Zadok his. I tsele murshendar, kai wenn dran o kheer Levi, hi jon kokres kolla, kai nai wenn glan o baro Debleste, te budrenn le leske.

Ezekiel 43:19

Kokres i rashaja dran o kheer Levi, kolengro phuro dad o Zadok hi, nai wenn glan mande, te budrenn le mange. Kawa penell o baro Dewel, maro rai. Kal rashajenge dess tu i terno gurum, te marenn le les, te well i doosh i menshendar krik lino.

Ezekiel 45:4

Kau tselo kotar them, hoi 12,5 (deesh-te-dui-te-paash) kilometarja lengsto un 5 (pantch) kilometarja buchlo hi, hi o Debleske ap i rig tchiddo. Kate hi o Debleskro kheer tardo. Un kate nai tchiwenn leskre rashaja pengre khera pre, kolla kai budrenn glan leste an leskro kheer.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

3. Mose 8:2

Le o Arones un leskre mursh tchawen tuha, un i rashajengre koola, un o djet un ko terno gurum, hoi i doshake maredo well, un kol dui mursh bakre un koi korba, kai i mare dren hi, kai kek shutlo jarro dren hi.

Maleachi 3:18

Palle dikenn tumer pale, kai djal gar emliges kolenge, kai an o tchatchepen tardo hi un kolenge, kai krenn o tchilatchepen. Djal wawartchandes koleske, kai mangell o Debles an, har koleske, kai mangell les gar an.

4. Mose 16:3

Un jon halauter wan khetne pash o Mose un o Aron, tchingran ap lende un penan: “Tumer krenn, har te wans bareder har mer wawar! O tselo kheer Israel hi o Debleskre menshe. Un o baro Dewel hi mashkral lende. Hoske hadenn tumer tumen pral o baro Debleskre menshende?”

4. Mose 16:6

Taissarlakro lenn tumenge pirja, tu o Korach un kol tsele mursha, kai pash tute hi!

4. Mose 17:5

jaake har penas o baro Dewel kowa o Moseske. Kol sane sasterne patria his i sikepen, te denn kol Israelitarja jak, te well kek mursh, kai gar o Aroneskre menshendar hi, un anell sungepaskro koowa glan o baro Debleste, te djal leske gar jaake har o Koracheske un kolenge, kai pash leste his.

4. Mose 17:8

Un o Mose un o Aron djan glan o Debleskro plachteno kheer.

Johanni 15:16

Tumer rodan man gar win. Me rodom tumen win, te djiwenn jaake, te well dran tumaro djipen latcho koowa, hoi atchella. Un o dad dell tumen halauter, hoi mangenn lestar an miro lab.”

Bičepangre 1:2

jaake rah har job gomme gar an o bolepen djas. Glan kowa, kai djas lo an o bolepen, rakras lo kolentsa, kolen job win rodas, te wenn le leskre bitchepangre, un penas lenge an i soor, hoi das les o Debleskro Ducho, hoi jon hunte krenna.

Bičepangre 1:24

Palle mangan jon o Debles un penan: “Rai, tu prindjreh i tsele menshengre djia. Sike mende, kones tu kol dujendar win rodal,

Bičepangre 13:2

His i diwes, kai sharan le o Debles un chan tchi, te wenn le leske feteder koi. Koi penas lenge o Debleskro Ducho: “Bitchrenn o Barnabes un o Saules win, te krenn le koi budi, hoi me len dau. Me dom len gole, te krenn le kowa.”

Bičepangre 15:7

Har jon pen i rah tsiro tchingran, stas o Petro pre, un penas: “Mire phrala, tumer djinenna, kai o Dewel rodas man glan rah tsiro win, un kamas, te penap me o latcho lab o Jesus Kristestar kolenge, kai kek bibolde hi. Un kolla shunan un patsan.

Bičepangre 22:14

Palle penas lo ap mande: “Ko Dewel mare dadendar rodas tut win, te djiness tu, hoi job kamella, un te dikess tu koles, kai hi kek tchilatchepen an leste, un shuness, hoi job penella.

Efesarja 2:13

Ap ko tsiro hans tumer dur o Deblestar. Kanna prindjrenn les. O Jesus Kristo anas tumen ap peskro drom, har job ap o trushel peskro rat tumenge ratas.

2. Timoteo 2:19

Ninna te hi sawe menshe koi, kai rakrenn chochepen, djinah mer: Kowa, hoi o Dewel kras, nashte krell kek paash. Kowa hi har i bar, hoi soreles tardo hi. Kek nai witsrell les trujel. Ap leste hi tchinlo: O rai prindjrella kolen, kai leskre hi. Un ninna hi tchinlo: Koon o rajes an-mangella, hunte mukell o tchilatcho drom.

Hebrearja 12:14

Krenn lauter, te well tumen kek tchingepen i wawar menshentsa! Tchiwrenn o tselo tchilatchepen dran tumende win! Kek mensho dikell o Debles, te mukell lo o tchilatchepen an peste te djiwell.

Debleskro tsiro 1:6

Job kras men raja un rashaja o Debleske, peskro dadeske. Leske hi o railepen un i soor kanna un hako tsireske! Amen.

1. Samuel 2:28

Dran i tsele familje, kai wenna kol deesh-te-dui Israeleskre tchawendar, rodom me o kheer Aron win, te wenn kol mursha rashaja mange, te chatchrenn le mange viechen ap miri chatchepaskri, ninna te chatchenn le mange sungepaskro koowa. Me dom len i rashajengre damdira, te riwenn le len, te wenn le glan mande. Ninna dom len o tchatchepen, te chan le ko massestar, hoi mange chatchedo wella.