4. Mose 16:29 - O Debleskro Drom 2021 (Sinte)

²⁹ Jon te merenna jaake har i tsele menshe merenna, palle bitchras man o baro Dewel gar.

O Debleskro Lab 2024 (Sinte-Manouche)

²⁹ Yon te merenna yaake har i tsele menshe merenna, palle bičras man o baro Devel gar.

4. Mose 16:29 ပူးပေါင်းရင်းမြစ်များ

1. Rajengro liil 18:36

Un har ko tsiro was, kai rati o Debleskro chapen anlo was, djas o Elija pash koi chatchepaskri un kharas: “Baro Dewel, tu o Dewel o Abrahamestar, o Isaakestar un o Israelestar, kau diwes mu well diklo, kai tu hal o Dewel an Israel, un me hom tiro budepaskro, un krom kau tselo koowa jaake, har tu mange penal.

1. Rajengro liil 22:28

Kote penas o Micha: “Te weh tu sasto pale pale, palle rakras o baro Dewel gar dran miro mui.” Un palle penas lo: “Shunenn kowa, tumer menshe an i tsele themma!”

2. Familjakro liil 18:27

Kote penas o Micha: “Te weh tu sasto pale pale, palle rakras o baro Dewel gar dran miro mui.” Un palle penas lo: “Shunenn kowa, tumer menshe ap i tseli phub!”

Hiob 35:15

Tu peneh, o Dewel mukell peskri choli gar te well. Dell lo witar gar jak ap o narwelo rakepen?

2. Mose 20:5

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

2. Mose 32:34

Un kanna dja pale! An kol menshen an ko them, kai me rakrom lestar. Miro bolepaskro djal glan tute. Te well miro tsiro, dau i Israelitarjen pengri phagi.”

Sikepaskro 3:19

O mensheske djal har o viecheske: I vieche merenna, jaake merenn ninna i menshe. Un len halauter hi i ducho. Un o menshes hi tchi glan-wi glan o viecho. Tchatchepah, kowa hi phares te haiwell.

Jesaja 10:3

Hoi kamenn tumer te krell ap ko diwes, kai well tumari phagi pral tumende? Ap ko diwes, kai well i bibacht fun dural pral tumende? Pash koneste kamenn tumer palle te nashell? Un kai mukenn tumer palle tumaro brawlepen?

Jeremia 5:9

Un me hunte dap len kek phagi? penell o baro Dewel, un dap hawe menshen har kalla gar pale, hoi jon kran?

Ropaskre gilja 4:22

Tumer an o foro Zion, palle hi tumari doosh tumendar krik lino! O baro Dewel mukell tumen buder gar pandles krik te anell. Palle anell job tumari doosh, tumer Edomarja, ap tumare sherja pale, un tchakrell ko tchilatcho koowa pre, hoi kran.

Debleskro tsiro 11:5

Un te kamell jek te dukrell lo len, palle djal i jag dran lengro mui win, un chatchrell les pre. Jaake merenn lauter kolla, kai kamenn len tchilatchepen te krell.