4. Mose 16:28 - O Debleskro Drom 2021 (Sinte)

²⁸ Un o Mose penas: “Koi pre hunte dikenn tumer, kai bitchras man o baro Dewel, te krap ko tselo koowa, un kai me kowa gar mandar krau.

O Debleskro Lab 2024 (Sinte-Manouche)

²⁸ Oun o Mose penas: “Koy pre hounte dikenn t'mer, kay bičras man o baro Devel, te krap ko tselo koova, oun kay me kova gar mandar krau.

4. Mose 16:28 ပူးပေါင်းရင်းမြစ်များ

1. Rajengro liil 18:36

Un har ko tsiro was, kai rati o Debleskro chapen anlo was, djas o Elija pash koi chatchepaskri un kharas: “Baro Dewel, tu o Dewel o Abrahamestar, o Isaakestar un o Israelestar, kau diwes mu well diklo, kai tu hal o Dewel an Israel, un me hom tiro budepaskro, un krom kau tselo koowa jaake, har tu mange penal.

2. Mose 3:12

Koi penas o Dewel: “Me hom pash tute. Te anal tu mire menshen dran o them Egiptia win, palle djan tumer pash kai berga un marenn kate viechen mange. Kowa hi i sikepen, te bitchrom me tut.”

2. Mose 4:12

Un kanna dja pash lende! Me kamau tiro mui te well, un kamau tuke lauter sikrell, hoi tu lenge te peness!”

2. Mose 4:15

Un pen tiro phraleske halauter, hoi job hunte rakrell! Un me, tumaro Dewel, tchiwau mire laba an tiro mui un leskro mui un sikrau tumen halauter, hoi hunte krenn.

2. Mose 7:9

“Te rakrell o Farao ap tumende un penell: ‘Krenn jek baro koowa an o Debleskri soor, jaake te patsap tumen’, palle peness tu ap o Aron: ‘Le tiro kasht un witse les glan o Farao!’ Palle well o kasht i sap.”

Jeremia 23:16

Kowa penell o baro Dewel, ko rai pral o bolepen un i phub: Ma shunenn ap i laba, hoi kol rakepangre penenn! Jon chochenn tumen, un rakrenn pral dikepen, hoi well dran lengre djia un gar o baro Deblestar.

Ezekiel 13:17

Tu mensho, pen ap i djuwjende tire menshendar, kai denn glan, te hi le Debleskre rakepangre! De len trad,

Zakarie 2:9

Me kokres, penell o baro Dewel, wau i jagakri massuri trul o foro, un djiwau kote, un krau ko foro sorelo un shukar.’”

Zakarie 4:9

Un job putchas: “Djineh gar, hoi kolla hi?” Me penom: “Na-a, miro rai.”

4. Mose 24:13

Ninna te dell man o Balak peskro kheer pherdo rup un sonakai, nai tchiwau me gar o Debleskro lab ap i rig. Me nai rakrau gar latchepen un tchilatchepen har me kamau. Hoi o baro Dewel rakrella, kowa rakrau ninna.

Johanni 11:42

Me djinau, kai tu man hako tsiro shuneh. Me penau kawa kol bud menshenge, kai hi kai tardo, te dikenn le un te patsenn le, kai tu man bitchral.”

Johanni 14:11

Patsenn man, kai me an o dadeste hom, un kai o dad an mande hi. Te patsenn tumer kowa gar, palle patsenn ap kowa, hoi me krau!

Johanni 5:30

Mandar nai krau me tchi. Me rakrau o tchatchepen win, jaake har o Dewel mange penella. Kowa, hoi rakrau pral i mensheste win, hi tchatcho. Me krau gar, hoi me kamau. Me krau halauter, hoi kowa kamella, kai bitchras man.”

Johanni 5:36

Man hi tchomone, hoi penell tumenge feteder o tchatchepen pral mande win har o Johanni. Kowa hi ko koowa, hoi krau, kolestar o dad mange penas, te krap kowa. Kowa sikrella, kai o dad bitchras man.

Johanni 6:38

Me wom gar dran o bolepen te krap kowa, hoi me kamau. Me wom te krap, hoi kowa kamella, kai bitchras man.

5. Mose 18:22

Djinenn: Te rakrell ko Debleskro rakepaskro an o lab o baro Deblestar, un kowa hoi job rakras well gar tchatcho, jaake his ko lab hoi job rakras gar o baro Deblestar. Ko rakepaskro kamas pes peskro rakepah bares te krell. Tu daress gar lestar!