4. Mose 16:22 - O Debleskro Drom 2021 (Sinte)

²² Kol dui mukan pen ap pengro mui te perell, un penan: “Ach Dewel, tu hal o Dewel, kai das hakenes o djipen! Te kras jek mursh i tchilatcho koowa, kameh tu doleske tiri choli pral i tsele menshende te tchiwell?”

O Debleskro Lab 2024 (Sinte-Manouche)

²² Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

4. Mose 16:22 ပူးပေါင်းရင်းမြစ်များ

1. Mose 18:32

Koi penas o Abraham: “Miro rai, me mangau tut, ab gar chojedo! Me kamau gomme jek kopo tuha te rakrell. Hoi, te hatseh kote deesh?” Penas job: “Te hi kote deesh, kamau ko foro tchi te krell.”

2. Samuel 24:1

Un o baro Dewel was pale chojedo ap o Israel. Un job kras, te anell o David bibacht ap kol menshende an Israel, un penas leske: “Dja koi un hatse win, har bud mursha hi an Israel un an Juda!”

2. Samuel 24:17

Har o David kol bolepaskres dikas, kai marell kol menshen, penas job ap o baro Debleste: “Shun, kowa hom me, kai anom doosh ap mande. Me krom i tchilatcho koowa. Kol menshe kate kran kek tchilatcho koowa. Jon hi har bakre, ap kolende kek doosh hi. Mangau tut, muk koi phagi ap mande un miro dadeskro kheer te well!”

Hiob 12:10

An leskro wast hi o djipen halauterestar, hoi djiwella, ninna o djipaskro ducho i tsele menshendar!

Debleskri gili 99:6

O Mose un o Aron his leskre rashaja, un o Samuel his mank kolende, kai les an-mangan. Jon dan ap o baro Debleste gole, un job shunas len.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Jesaja 57:16

Kamau gar hako tsiro pral i menshende te tchingrell un man choirell. te merenn le gar lauter glan mande, kol menshe, kolen me krom.

Jeremia 32:27

Dik, me, o baro Dewel, hom o Dewel pral i tsele menshende. Dell tchomone ap i phub, hoi nai krau gar?

Jeremia 38:16

Kote das pes o baro rai Zedekja tchorchanes sowel un penas: Glan o djido Debleste, kai men maro djipen das, penau tuke: Me mukau tut gar te marell, un me dau tut witar gar an o wast kol murshendar, kai kamenn tut te marell.

Ezekiel 18:4

Djinenn, man hi o djipen hakenestar an miro wast – o dadeskro djipen jaake har o tchaweskro djipen. Kokres kowa, kai anell doosh ap peste, hunte merell.

3. Mose 10:6

O Mose penas ap o Aron un koleskre wawar dui tchawende, o Eleasar un o Itamar: “Mukenn tumare phralen, kol wawar Israelitarjen, te rowenn le kolenge, kai o baro Dewel koi jagah maras. Tumer hunte mukenn gar tumare balla ap tumaro shero diwjes trujel tchiddo, un hunte tserdenn gar tumare koola an kotja, te sikrenn, har phares tumare djia hi. Te krenn kowa, hunte merenn. Un o baro Debleskri choli well pral o tselo kheer Israel.

3. Mose 4:3

Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

Zakarie 12:1

Kawa hi o lab, hoi penas o baro Dewel pral o Israel: Kowa penell o baro Dewel, kai kras o bolepen buchlo un tchiwas i phub soreles tardo, un das o menshes o ducho.

4. Mose 14:5

Un o Mose un o Aron witsran pen glan i tsele Israelitarja ap pengro mui.

4. Mose 16:23

Un o baro Dewel rakras o Moseha, un penas:

4. Mose 16:4

Har o Mose kowa shunas, witsras lo pes ap peskro mui,

4. Mose 27:16

“Mo rai, tu baro Dewel, kolestar o tselo djipen well, tchip i murshes pral i Israelitarja,

Remarja 5:18

Jaake dikah: O Adam kras i tchilatcho koowa, un doleske wan le lauter pale-tchiddo glan o Debleste un hunte meran. O Jesus Kristo kras i tchatcho koowa, un doleske wenn le lauter tchatcho glan o Debleste un lenn o Debleskro djipen.

1. Korintarja 13:7

Te hi les o Debleskro kamlepen an o dji un i menshe dukrenn les, hi job gar chojedo pral kowa. Kones hi o Debleskro kamlepen an o dji, kowa patsell halauter. Job dell o wawares gar pre, un rikrell lauter win.

Hebrearja 12:9

Har tchawe hams, dan men mare dada i phagi. Un mer hunte shunam ap lende. Kitse budeder hunte shunas ap maro dadeste an o bolepen, te djiwas.

Josua 22:18

Un tumer rissrenn tumen kau diwes o baro Deblestar tele. Dikenn tumer gar, hoi wella? Kau diwes hadenn tumen pral o baro Debleste. Un taissar well leskri choli pral i tsele menshende Israel.