4. Mose 16:19 - O Debleskro Drom 2021 (Sinte)

¹⁹ Un o Korach las i tsele menshen khetne ap peskri rig, un was lentsa glan o Debleskro kheer pash o wudar. Koi was o baro Debleskro railepen glan i tsele menshende.

O Debleskro Lab 2024 (Sinte-Manouche)

¹⁹ Oun o Korah las i tsele menshen khetne ap peskri rig, oun vas lentsa glan o Debleskro kheer pash o voudar. Koy vas o baro Debleskro raylepen glan i tsele menshende.

4. Mose 16:19 ပူးပေါင်းရင်းမြစ်များ

2. Mose 16:10

Har o Aron ap i tsele Israelitarja rakras, dikas hakeno kote, kai o mulo tato them hi. Un ap jek kopo was o railepen o baro Deblestar an i wolka diklo.

2. Mose 16:7

Un taissarlakro dikenn tumer o railepen o baro Deblestar. Job shunas, har tumer tumen ap leste choiran. Har choiran tumen ap mende, choiran tumen tchatchepah ap leste, gar ap mende. Hoi ham mer, te choirenn tumen ap mende?”

3. Mose 9:23

Un o Mose un o Aron djan pale an o Debleskro plachteno kheer. Un har le pale win wan, rakran le o Debleskri bacht win pral i tsele menshende. Kote sikras pes o baro Debleskro railepen glan i tsele menshende.

3. Mose 9:6

un o Mose penas: “O baro Dewel penas, te krenn tumer kawa, te sikrell lo pes tumenge an peskro railepen.”

4. Mose 12:5

Un koi was o baro Dewel tele an i wolka, un djas an ko wudar glan o Debleskro kheer, un kharas o Aron un i Mirjam. Un kol dui djan kote.

4. Mose 14:10

Kol tsele menshe penan: “Witsrenn len mulo i barrentsa!” Koi was o baro Debleskro railepen pral o Debleskro kheer. Un i tsele Israelitarja dikan kowa.

4. Mose 16:18

Un hakeno las peskri piri, un tchiwas jag koi dren, un ko sungepaskro koowa koi pre. Un jon djan pash o wudar glan o Debleskro kheer, ninna o Mose un o Aron.

4. Mose 16:20

Un o baro Dewel rakras o Moseha un o Aroneha, un penas:

4. Mose 20:2

Un i tsele menshen his kek pani, un wan khetne pash o Moseste un o Aroneste.

4. Mose 20:6

Koi djas o Mose un o Aron i tsele menshendar krik, pash o wudar glan o Debleskro kheer, un jon witsran pen ap pengro mui. Un o Debleskro railepen mukas pes lendar te dikell.