4. Mose 16:14 - O Debleskro Drom 2021 (Sinte)

¹⁴ Hi kawa them i them, kai hi bud thud un gwin? Un dal tu men i hachetikri phub un drakengre themma, kai menge hi? Ma pande kol menshen i jaka! Mer wah gar.”

O Debleskro Lab 2024 (Sinte-Manouche)

¹⁴ Hi kava them i them, kay hi boud thoud oun gvin? Oun dal tou men i harhetikri phoub oun drakengre themma, kay menge hi? Ma pande kol menshen i yaka! Mer vah gar.”

4. Mose 16:14 ပူးပေါင်းရင်းမြစ်များ

2. Mose 22:5

Te krell jek i jag, un koi jag taprella i subjengre burra, un palle djob, hoi tardo hi, ninna djob, hoi khetne pandlo hi, palle hunte plaissrell kowa, kai koi jag kras, ko tselo djob, hoi i jag chatchras.

2. Mose 23:10

Shob bersha witsress tu o djob ap tiri phub win. Un te was ko djob bares, aness les dren.

2. Mose 23:11

An o eftato bersh ma witse tiri djob ap tiri phub win! Un ko djob, hoi an ko bersh pre djal un bares well, kowa muk i tchorwelenge tardo! Un kowa, hoi i tchorwele pral mukenn, kowa muk i diwje viechenge tardo! An ko eftato bersh muk ninna i molengre drake un i olivtikre drake ap i ruka i tchorwelenge. Un kowa, hoi jon pral mukenn, well i diwje viechenge.

2. Mose 3:17

Me dau miro wast pre: Kau djungelo djipen herell pes pre. Me, o baro Dewel, lau tumen dran o them Egiptia win, un anau tumen an ko them, kai djiwenna i Kanaanitarja, i Hetarja un i Amorarja, i Perisarja, un i Hiwarja un i Jebusarja. Un kowa hi jek them, kai hi bud thud un gwin.’

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

3. Mose 20:24

Tumenge penau: Lengro them dau tumende, te well lo tumaro. Kowa hi i them, kai bud thud un gwin hi. Me, o baro Dewel, hom tumaro Dewel, un rodom tumen mange dran i wawar themma win.

4. Mose 13:27

Un jon penan: “Mer wam an ko them, kai tu bitchral men. Un tchatchepah an ko them hi bud thud un gwin. Dikenn i drake, faige un phabja, hoi kote bares wan!

4. Mose 14:8

Te hi o baro Dewel kamlo ap mende, anell job men an ko them un dell les mende. Kowa hi i them, kai hi bud thud un gwin.

4. Mose 20:5

Un hoske anan men dran o them Egiptia ap koi tchilatchi platsa, kai nai tchiwah tchi an i phub, hoi well baro, kai kek faige, kek drake, un kek phabja hi, un witar kek pani pipaske koi hi?”

Čačepangre 16:21

Un i Filistarja tapran les, un dan leske i jaka win tchurje. Un jon anan les tele an o foro Gaza un pandan les sasterne shellentsa. Un an o stilepen hunte kras lo o djob tiknes an i djobeskri.

1. Samuel 11:2

O Nahash penas ap lende: “Kawa hi, hoi tumentsa win krau: Me dau hakeneske tumendar o tchatcho jak win. Jaake anau ladj ap o tselo Israel!”