4. Mose 16:13 - O Debleskro Drom 2021 (Sinte)

¹³ Hi kowa tuke gar doha, kai lal men dran ko them, kai hi bud thud un gwin, un mukeh men te merell an o mulo tato them? Kameh tu ninna rai pral mende te well?

O Debleskro Lab 2024 (Sinte-Manouche)

¹³ Hi kova touke gar doha, kay lal men dran ko them, kay hi boud thoud oun gvin, oun moukeh men te merell an o moulo tato them? Kameh tou ninna ray pral mende te vell?

4. Mose 16:13 ပူးပေါင်းရင်းမြစ်များ

2. Mose 1:11

I Egiptarja tchiwan pralstune pral i Israelitarja. Kolla dan garda te budran i Israelitarja phares, un jaake rikran le len tele. Un jon kran i forja Pitom un Ramses, te well kote o chapen tchiddo o baro rajeske, o Farao.

2. Mose 1:22

Kanna penas o Farao ap i Egiptarja an peskro tselo them: “Kol tsele mursh tchawe, hoi newes boldo wan, witsrenn an o pani Nil! Un i tchen mukenn te djiwell!”

2. Mose 16:3

Un jon penan: “Wals feteder, te dals men o baro Dewel mulo an o them Egiptia, har hams beshdo pash i pirja pherdo mass, un kai his men doha maro, te nai cham men tchalo. Tumer anan men kate an o mulo tato them, te meras halauter i bokatar.”

2. Mose 17:3

Un lengri trush was jaake baro, te penan le i choljatar ap leste: “Hoske lal tu men dran o them Egiptia win? Kameh, te meras mer kate i trushatar, mer un mare tchawe un mare vieche?”

2. Mose 2:14

Kawa penas: “Koon penas, te wess tu rai pral mende? Kameh tu man ninna mules te dell har ko Egiptares?” Kote las o Mose traash un penas peske: “Har was kowa win?”

2. Mose 2:23

Pal i rah tsiro meras o baro rai pral o them Egiptia. Fothe phares hunte budran i Israelitarja tel dawa un dan gole, te shunas len o Dewel.

Ezekiel 34:18

hi gar doha, te chan o latcheder senlepen? Hoske stakrenn o wawar senlepen tumare herjentsa khetne? Hi gar doha, te pijenn o djudjo pani? Hoske stakrenn koi dren un krenn les tchiklo?

4. Mose 11:20

Kowa djal jek tchon, bis te nai sungenn les buder gar, un kowa dran tumaro nak win well. Tumer tchiwan o baro Debles ap i rig, koles, kai mashkral tumende hi. Un tumer rowan glan leste un penan: ‘Hoske djam mer dran o them Egiptia?’ Doleske well kau koowa kanna ap tumende.”

4. Mose 11:4

Mank i Israelitarja his ninna wawar menshe, kai lentsa djan. Kolen was i bari bok pal mass. Koi rowan kol Israelitarja ninna pale, un penan: “Koon dell men mass chapaske?

4. Mose 11:5

Har shukar his an o them Egiptia, kai men matche tchitcheske chapaske his. Men his kürbisse, melone, senlepen, purma un sirja.

4. Mose 13:27

Un jon penan: “Mer wam an ko them, kai tu bitchral men. Un tchatchepah an ko them hi bud thud un gwin. Dikenn i drake, faige un phabja, hoi kote bares wan!

4. Mose 14:2

Un i tsele Israelitarja his chojedo ap o Mose un o Aron un penan: “Ach, te merams mer an ko them Egiptia! Te merams kate an o mulo tato them!

4. Mose 14:3

Hoske anell men o baro Dewel an kau them, kai wah mulo dino o chareha? Un mare djuwja un tchawe perenn an i wasta kolendar, kai kuram men mer. Hi feteder, te djah pale an o them Egiptia.”

4. Mose 16:12

Un o Mose mukas kol dui murshen, o Datan un o Abiram, pash peste te kharell. Kolengro dad hi o Eliab. Jon penan: “Mer wah gar.

Louka 19:14

I menshe an peskro them his chojedo ap leste un bitchran murshen leske palla, te penenn le leske: Mer kamah gar, te wess tu baro rai pral mende!

Bičepangre 7:35

O Dewel bitchras kau Moses, kai pash peskre menshende tchi moldo his. Kowa dikah mer koi pre, har jon penan: Koon kras tut pral mende tchatchepaskro un rai, te hunte shunas mer ap tute? O Dewel bitchras les, te well lo rai pral lende, un te anell lo len dran ko them win, kai jon pandle budepangre his. Kowa penas leske ko bolepaskro, kai dran i subjengro bur ap leste rakras.