4. Mose 16:1 - O Debleskro Drom 2021 (Sinte)

^1-2 Un o Korach, – leskro dad his o Jizhar, – i Levitari kolendar, kai wan pal o Kohat, ko Korach was chojedo ap o Moseste. Khetne leha his mursha, kai wan dran o kheer Ruben: o Datan un o Abiram, kolengro dad o Eliab his, un o On, koleskro dad o Pelet his. Pash lende his ninna 250 (dui-sheel-te-paash-sheel) wawar Israelitarja, kai pralstune his mank i Israelitarja, wi-rodede un an-dikle mursha.

O Debleskro Lab 2024 (Sinte-Manouche)

^1-2 Oun o Korah, – leskro dad his o Yizhar, – i Levitari kolendar, kay van pal o Kohat, ko Korah vas rhoyedo ap o Moseste. Khetne leha his morsha, kay van dran o kheer Ruben: o Datan oun o Abiram, kolengro dad o Eliab his, oun o On, koleskro dad o Pelet his. Pash lende his ninna 250 (douy-sheel-te-paash-sheel) vavar Israelitarya, kay pralstoune his mank i Israelitarya, vi-rodede oun an-dikle morsha.

4. Mose 16:1 ပူးပေါင်းရင်းမြစ်များ

Debleskri gili 106:16

Ap lengri platsa hadan le pen pral o Moseste, un pral o Aroneste, koles o baro Dewel peske win rodas.

2. Mose 6:16

O Levi his i wawar Israeleskro tchawo. Leskre tchawe hi: o Gershon, o Kohat un o Merari. Kolendar wan i Levitarja. Un o Levi was 137 (sheel-te-trijanda-te-efta) bersha phuro.

2. Mose 6:18

O Kohat, les his tchawe. Kolla hi: o Amram, o Jizhar, o Hebron un o Usijel. O Kohat was 133 (sheel-te-trijanda-te-triin) bersha phuro.

2. Mose 6:21

O Jizhar, les his triin tchawe. Kolla hi: O Korach, o Nefeg un o Sichri.

4. Mose 15:41

Me hom tumaro baro Dewel, kai las tumen dran ko them Egiptia win, te wap me tumaro Dewel. Un me, o baro Dewel, hom tumaro Dewel.”

4. Mose 27:3

“Maro dad meras an o mulo tato them, un his gar mashkral kolende, kai djan o Koracheha un hadan pen pral o baro Debleste. Job meras peskri doshake, hoi job kras. Un les his kek mursh tchawe.

5. Mose 11:6

un hoi lo kras ap o Datan un ap o Abiram, kolengro dad o Eliab his dran o kheer Ruben: Har i phub peskro mui pre kras un len mashkral i tsele menshende Israel pre chas, len un lengre tsele menshen un lengre plachtene khera, ninna lengre budepangre un vieche, hoi pash lende his.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.