4. Mose 15:31 - O Debleskro Drom 2021 (Sinte)

³¹ Job shunas gar ap o baro Debleskro lab. Un kowa, hoi o baro Dewel penas, kras job gar. Doleske well job infam, un leskri doosh atchell ap leste.

O Debleskro Lab 2024 (Sinte-Manouche)

³¹ Yob shounas gar ap o baro Debleskro lab. Oun kova, hoy o baro Devel penas, kras yob gar. Doleske vell yob infam, oun leskri doosh ačell ap leste.

4. Mose 15:31 ပူးပေါင်းရင်းမြစ်များ

2. Samuel 12:9

Hoske rikral tut gar ap miro lab? Hoske kral, hoi gar mishto hi glan mire jaka? O Urija, ko Hetares, dal o chareha mulo. Leskri romjat lal tu, te well joi tiri romni. Un tu tchiwal les kote an o kurepen, kai i Ammonarja les mulo dan.

Debleskri gili 107:11

Jon shunan gar ap o Debleste, kai hi o Dewel pral halauter, un tchiwan leskre laba ap i rig.

Debleskri gili 119:126

Kanna hi o tsiro, kai o baro Dewel hunte krell tchomone. Jon peran tiro dromestar tele.

Debleskri gili 38:4

Ap miro mass hi buder tchi sasto dran tiri choli. Ninna mire kokale dukrenna. Dran miri doosh was kowa ap mande.

2. Mose 30:33

Koon peske sawo djet krella, nai atchell gar djido mank peskre menshende. Temerl dino well ninna kowa, kai makell jekeste, kai hi kek rashai.

Gosewe laba 13:13

Koleske, kai i latcho lab i herjentsa stakrell, djal djungeles. Koleske, kai rikrell pes ap ko lab, djal mishto.

Jesaja 30:12

Doleske penell o Israeleskro Dewel, kai kokres o tchatcho Dewel hi: Tumer kamenn tchi kolestar te djinell, hoi penom. Un rikrenn tumen ap kolende, kai rikrenn i wawaren tele, un kamenn chochepah dureder te well.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Ezekiel 18:20

Kokres kowa, kai doosh ap peste anell, hunte merell. I tchawo hunte hidjrell gar i doosh peskro dadestar. Witar gar hunte hidjrell o dad koi doosh, hoi o tchawo ap peste anas. Kowa, kai o tchatchepen kras, ap leste well leskro tchatchepen pale. Un kowa, kai doosh ap peste anas, ap leste well leskri doosh pale.

3. Mose 26:15

un krenn gar, hoi tumendar kamau, un djiwenn gar pal miro tchatchepen, un rikrenn jaake gar dren, hoi tumentsa win krom,

3. Mose 26:43

Glan kowa hunte djan le dran ko them win, te atchell o them tchiddo, un nai lell pale newi soor an jaake bud bersha, hoi leske gar dren rikedo wan. Un i Israelitarja hidjrenn pengri phagi tele. Jon djiwan gar pal miro tchatchepen, un kolestar, hoi lendar kamom, kaman le tchi te djinell.

3. Mose 5:1

Te well jek glan i tchatchepangre anlo, te penell lo, hoi lo dikas un shunas, un job rikrell kowa peske, un penell tchi, ninna te dikas oder shunas lo, hoi koi his. Palle anas lo i doosh ap peste un hunte hidjrell lat.

4. Mose 9:13

Koon gar pale-tchiddo hi un gar ap o drom hi, kowa hunte rikrell o Passa ap o tchatcho diwes. Te krell lo kowa gar, hunte well lo infam un atchell buder gar pash peskre menshende. Koi phagi lell lo doleske, kai was lo gar ap o tchatcho tsiro glan o baro Debleste, te anell lo leske i bakro. Leskri doosh atchell ap leste.

5. Mose 17:12

Te hi jek koi, kai hi jaake pre-phurdo, te shunell lo gar ap o rashajeste, kai krell i budi o baro Debleske, oder ap o tchatchepaskro mursheste, palle hunte well ko mursh maredo. Tumer hunte lenn o tchilatchepen dran Israel win.

1. Tessalonikarja 4:8

Koon kamell kol laba gar te shunell, kowa tchiwell o Debles ap i rig, un gar i menshes. Un o Dewel hi kowa, kai das peskro Ducho an tumende.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.

2. Petro 2:21

Jon prindjran o tchatcho drom, un mukan les. Jon kamenn buder tchi te shunell o Debleskro lab, hoi lenge penlo was. Lenge wals feteder, te djinans jon o Debleskro drom gar.

1. Samuel 3:14

Me dom man sowel glan leste, te nai lell tchi koi doosh krik, hoi leskri familja ap peste anas. Kek viecho, witar kek chapen dran jarro, hoi jon mange anenn, nai lell koi doosh krik.”