4. Mose 15:30 - O Debleskro Drom 2021 (Sinte)

³⁰ Koon krell i tchilatcho koowa, un djinell, kowa hi tchilatcho, ko mensho praassas o baro Debles. Sawo mensho hunte well infam un nai djiwell buder gar mank peskre menshende. Kowa hi jek, koon job hi, – i Israelitari, – i wi-themari.

O Debleskro Lab 2024 (Sinte-Manouche)

³⁰ Koon krell i čilačo koova, oun djinell, kova hi čilačo, ko mensho praasas o baro Debles. Savo mensho hounte vell infam oun nay djivell bouder gar mank peskre menshende. Kova hi yek, koon yob hi, – i Israelitari, – i vi-themari.

4. Mose 15:30 ပူးပေါင်းရင်းမြစ်များ

1. Mose 17:14

Hako mursh, kai gar tchinlo hi ap peskro mass, kowa hunte atchell buder gar djido mashkral peskre menshende. Job rikras pes gar ap kowa, hoi mer win kram.”

Hiob 38:15

Te well diwes, nai krenn i tchilatche buder kek tchilatcho koowa an o tamlepen, un nai dukrenn buder gar wawar menshen.

Debleskri gili 19:13

Kek mendar djinell haki doosh, hoi lo ap peste anas. Le koi doosh mandar krik, hoi anom ap mande un djinau kowa gar!

Debleskri gili 69:9

Wom har i gadjo mire phralenge. I tchawe miri datar prindjrenn man buder gar.

Debleskri gili 74:18

Kanna, baro Dewel, muk tuke an o shero te well, har praassenn tut kolla, kai hadan pen pral tute. Dik, har dinele menshe tiro lab an i tchik tserdenna.

Debleskri gili 74:22

Ste pre, miro Dewel, un kre o tchatchepen win! Dik ko praassepen, koleha tut kol dinele hako diwes praassenna.

Debleskri gili 79:12

Kolla, kai an i themma trul mende djiwenn, praassan tut, maro rajes. De len kowa efta kope pale, hoi kran le ap tute!

Debleskri gili 89:51

Ma biste koi ladj, hoi hi ap mande, tiro budepaskro! Dik, har hidjrau ko tselo praassepen kolendar, kai tut gar prindjrenna.

2. Mose 21:14

Te das lo les tchorchanes un an o tchilatchepen temerl, dell kek platsa, kai atchell lo nai djido, witar gar, te nashell lo an o Debleskro kheer pash o Debleskri sasterni chatchepaskri. Lenn les kotar krik un denn les temerl!

2. Mose 30:33

Koon peske sawo djet krella, nai atchell gar djido mank peskre menshende. Temerl dino well ninna kowa, kai makell jekeste, kai hi kek rashai.

Gosewe laba 14:31

Koon sorjah i tchorweles tele rikrell, kowa praassell koles, kai o tchorweles kras. Kones leske i baro dji hi, sharell o Debles.

Ezekiel 20:27

Tu, mensho, rake ap o kheer Israel, un pen lenge: Kawa penell o baro Dewel, maro rai: Tumare phure anan ladj ap mande, har phagan le mantsa.

3. Mose 20:10

Te sowell jek i romjah i wawarestar, hunte wenn kol dui maredo.

3. Mose 20:3

Me dikau tchilatches ap hakeneste, kai kowa krell, un me mukau les buder gar te djiwell mank peskre menshende. Job das jek peskre tchawendar o Molocheste, un kras jaake miro kheer pale-tchiddo, un kras mantsa, har te woms gar kokres o tchatcho Dewel.

3. Mose 20:6

Miri choli well ninna ap koleste, kai djal pash i durkepangre un pash kolende, kai i mulen putchenn, te putchell lo lendar, hoi te krell lo. Me mukau les buder gar mank peskre menshende te djiwell.

4. Mose 15:29

Un jaake hunte well kowa hakeneske, kai anas i doosh ap peste un djinas gar, kai kaja i doosh hi – nai well i Israelitari, nai well i wi-themari, kai mank tumende djiwell.

4. Mose 9:13

Koon gar pale-tchiddo hi un gar ap o drom hi, kowa hunte rikrell o Passa ap o tchatcho diwes. Te krell lo kowa gar, hunte well lo infam un atchell buder gar pash peskre menshende. Koi phagi lell lo doleske, kai was lo gar ap o tchatcho tsiro glan o baro Debleste, te anell lo leske i bakro. Leskri doosh atchell ap leste.

Mateo 12:32

Un jek te penell djungele laba pral o Menshengro Tchaweste, jaake nai bistrell lo kowa. Jek te rakrell djungele laba pral o Debleskro Ducho, kowa bistrell lo an kek tsiro, gar an kau tsiro, un witar gar an ko tsiro, kai wella.

5. Mose 1:43

Har penom me kowa ap tumende, kaman gar te shunell, un kran gar, hoi o baro Dewel tumenge penas. Tumer djan pal tumaro shero, un djan pre an o pralstuno them.

Hebrearja 10:26

Te kamell jek ap i tchilatcho drom te djal, un krell kowa ninna, ninna te prindjrell lo o tchatchepen, koleske hi buder kek koi, kai nai merals, te lell lo leskri doosh krik.

Hebrearja 10:29

Te his kowa jaake koleha, kai kras gar, hoi o Mose penas, kitse sorleder well o Debleskri choli pral koleste, kai o Debleskro tchawes pestar stakrella, un krella, har te wals o Jesus Kristeskro rat tchi moldo. Un kau rat lals peskri doosh krik, un krals les erligo glan o Debleste. O Debleskro Ducho his leske latches, un job dukras les.

2. Petro 2:10

Palle well i phagi soreles pral kolende, kai djiwan i fullo djipen, un kaman kek rajes pral pende. Kolla chochene sikepangre hi pre-phurdo, un krenn pen bares. Jon darenn gar, te rakrenn le djungeles pral kolende, kai hi an o bolepen.

1. Johanni 5:16

Te dikeh tu, te kras i wawar patslo i tchilatcho koowa, palle hunte mangess tu o Debles leske! Un o Dewel dell les o djipen. Della ninna i doosh, hoi anell an o merepen. Un me penau gar, te mangess tu o Debles kolenge, kai koi doosh ap pende lan.

1. Samuel 2:25

Te krell jek tchilatchepen ap i wawar mensheste, hi lo an o Debleskro wast. Te krell lo tchilatchepen ap o baro Debleste, koon nai rakrell leske mishto?” Jon shunan gar ap pengro dadeste. O baro Dewel kras lengre djia pandlo. Job kamas len te marell.

1. Samuel 3:14

Me dom man sowel glan leste, te nai lell tchi koi doosh krik, hoi leskri familja ap peste anas. Kek viecho, witar kek chapen dran jarro, hoi jon mange anenn, nai lell koi doosh krik.”