4. Mose 15:28 - O Debleskro Drom 2021 (Sinte)

²⁸ Un ko rashai chatchrell lat glan o baro Debleste, te well lauter pale mishto mank o Debleste un koleste, kai djinas gar, kai job tchomone tchilatches kras. Un leskri doosh well lestar krik lino.

O Debleskro Lab 2024 (Sinte-Manouche)

²⁸ Oun ko rashay rhačrell lat glan o baro Debleste, te vell lauter pale mishto mank o Debleste oun koleste, kay djinas gar, kay yob čomone čilačes kras. Oun leskri doosh vell lestar krik lino.

4. Mose 15:28 ပူးပေါင်းရင်းမြစ်များ

3. Mose 14:18

Ko djet, hoi gomme an leskro wast hi, makell lo ap o shero kolestar, kai sasto was. Jaake krell lo les pale erligo glan o baro Debleste.

3. Mose 4:2

Rake i Israelentsa un pen lenge: Te kras jek tchomone, hoi hunte krals lo gar, anas lo doosh ap peste, ninna te djinas job gar, te penas o baro Dewel: ‘Ma kre kowa!’

3. Mose 4:20

Un job krell kau viecheha jaake har job kowa ko viecheha kras, hoi job peskri doshake maras. Jaake krell o rashai, te well lauter pale mishto mank i Israelitarja un o baro Debleste. Un o baro Dewel bistrell lengri doosh.

3. Mose 4:35

Un o tselo thulepen tchinell lo tele jaake har tchinell lo o thulepen tele ko bakrestar, hoi jek o Debleske anell, te chan le les khetne glan leste. Un ko rashai chatchrell kal thulle kotja ap o Debleskri chatchepaskri khetne ko wawar masseha, hoi o baro Debleske chatchedo well. Jaake krell o rashai, te well lauter pale mishto mank o baro Debleste un ko mensheste, kai doosh ap peste anas. Un o baro Dewel bistrell leskri doosh.

4. Mose 15:29

Un jaake hunte well kowa hakeneske, kai anas i doosh ap peste un djinas gar, kai kaja i doosh hi – nai well i Israelitari, nai well i wi-themari, kai mank tumende djiwell.