4. Mose 15:24 - O Debleskro Drom 2021 (Sinte)

²⁴ Te kran i tsele Israelitarja tchomone, hoi i doosh hi, un djinan gar, kai jon hunte krans kowa gar, palle hunte anenn i tsele menshe i terno gurum chatchepaske o baro Debleske, te sungell o sungepen, hoi pre djal ko viechestar, mishto o baro Debleske. Koi pashel denn le ninna i chapen dran jarro un koi mool, jaake bud har tchatcho hi, ninna i mursh busni, te well i doosh krik lino.

O Debleskro Lab 2024 (Sinte-Manouche)

²⁴ Te kran i tsele Israelitarya čomone, hoy i doosh hi, oun djinan gar, kay yon hounte krans kova gar, palle hounte anenn i tsele menshe i terno gouroum rhačepaske o baro Debleske, te soungell o soungepen, hoy pre djal ko firhestar, mishto o baro Debleske. Koy pashel denn le ninna i rhapen dran yarro oun koy mool, yaake boud har čačo hi, ninna i morsh bouzni, te vell i doosh krik lino.

4. Mose 15:24 ပူးပေါင်းရင်းမြစ်များ

Esra 6:17

Koleske anan le an o Debleskro kheer 100 (sheel) gurma, 200 (dui-sheel) bakre, un star-sheel (400) terne bakre, te wenn le maredo o Debleske, ninna deesh-te-dui mursh busja, jek haki bari familjake, hoi well o deesh-te-dui Israeleskre tchawendar. Kol busja wan chatchedo o Debleske, te well i doosh i Israelendar krik lino.

Esra 8:35

Un kol menshe, kai wan pale dran o pandepen, anan viechen o Israeleskro Debleske, un maran len leske: 12 (deesh-te-dui) terne gurma i tsele menshenge an Israel, 96 (enja-deesh-te-shob) mursh bakre, 77 (efta-deesh-te-efta) terne bakre. Ninna anan le 12 (deesh-te-dui) mursh busja, kai wan maredo, te well i doosh i menshendar krik lino. Un kol tsele vieche wan pre chatchedo o baro Debleske.

3. Mose 23:19

Koi pashel anenn leske i mursh busni, te well tumari doosh un tumaro pale-tchiddo koowa krik lino. Marenn ninna dui bakre, hoi jek bersh phuro hi, te chan len khetne glan o baro Debleste.

3. Mose 4:2

Rake i Israelentsa un pen lenge: Te kras jek tchomone, hoi hunte krals lo gar, anas lo doosh ap peste, ninna te djinas job gar, te penas o baro Dewel: ‘Ma kre kowa!’

3. Mose 4:22

Te kras i pralstuno tchomone, hoi hunte krals lo gar, anas lo doosh ap peste, ninna te djinas job gar, te penas o baro Dewel: Ma kre kowa!

3. Mose 4:23

Te haiwell lo pal i tsiro, kai kowa, hoi lo kras, gar tchatcho hi glan o Debleskre jaka, palle hunte anell lo leske i mursh busni, hoi gar nasselo hi.

3. Mose 5:15

Te dals jek gar o baro Debleste, hoi hunte dals lo leste, chochras lo o baro Debles, ninna te djinas lo kowa gar. Job hunte anell o Debleske i bakro, hoi sasto hi, te well leskri doosh pale mishto. Kau bakro hunte well jaake bud rupene beme moldo, har tu peneh. Jek rupeni bema hi jaake pharo har i rupeni bema an o Debleskro kheer hi.

3. Mose 5:18

Job hunte anell o rashajeske i bakro, hoi sasto hi, te well leskri doosh pale mishto. Kau bakro hunte well jaake bud moldo, har tu peneh. Koleha krell o rashai, te well lauter pale mishto mank o Debleste un ko mensheste, kai gar djinas, kai kowa, hoi lo kras, i doosh his. Un o baro Dewel bistrell leskri doosh.

4. Mose 15:23

tchomone lauterestar, hoi o baro Dewel o Moseske penas, hoi tumer hunte krenna, palle hunte denn tumer o baro Debleske i viecho, te well i doosh krik lino.

4. Mose 15:26

Awa, kai doosh, hoi ap i tsele menshende Israel tchiddo hi, well lendar krik lino, ninna kolendar, kai wi-themarja hi mank tumende.

4. Mose 28:15

Koi pashel hunte anenn i mursh busni o baro Debleske, te well tumari doosh krik lino. Kowa halauter well pash kol vieche un ko jarro un koi mool, hoi well hako diwes o Debleske anlo.