4. Mose 15:20 - O Debleskro Drom 2021 (Sinte)

²⁰ Dran ko ersto jarro hunte pekenn tumer leske i merkli.

O Debleskro Lab 2024 (Sinte-Manouche)

²⁰ Dran ko ersto yarro hounte pekenn t'mer leske i merkli.

4. Mose 15:20 ပူးပေါင်းရင်းမြစ်များ

Nehemia 10:37

Mer anah hako phureder mursh tchawes un hako vieches, hoi o phureder peskri datar hi, an maro Debleskro kheer. Ninna i grumjendar un i bakrendar anah ko phureder pash kol rashajende, kai budrenn an maro Debleskro kheer.

2. Mose 23:19

Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

2. Mose 34:26

Hako bersh anenn o feteder halauterestar, hoi ap tumari phub bares was, an o Debleskro kheer! Job hi tumaro baro Dewel. Kerenn gar i terni busni an o thud lakro datar!

Ezekiel 44:30

Ninna o feteder djob kolestar, hoi newes baro was, un kowa, hoi hunte denn i menshe o Debleske, hi i rashajenge. Anenn lenge ninna i erste mare, hoi o newo djobestar peklo wan. Koon kowa krell, ap koleste un leskri familja well o Debleskri bacht.

3. Mose 2:12

Ap ko tsiro, kai anenn o newo djob o baro Debleske, nai anenn tumer shutlo jarro un gwin, – ap leskri chatchepaskri nai chatchrenn kowa gar. Kowa hi kek koowa, hoi chatchedo well, te sungell lo latches o Debleske.

3. Mose 2:14

Te kameh tu tiro newo djob glan o baro Debleste te anell, palle le ko djob un peke les pral i jag, un kre les tikno un an les glan o Debleste!

3. Mose 23:10

Pen ap i Israelitarja: Te wenn an ko them, hoi me tumen dau, un tumer tchinenn o newo djob tele un pandenn les khetne, palle anenn ko ersto pandepen newo djob glan o rashajeste.

3. Mose 23:20

O rashai hadell kolen pre glan o baro Debleste, ninna kol mare dran o newo jarro, te sikrell lo, kai jon o baro Debleske hi. Un i rashaja nai chan kowa.

4. Mose 15:21

Ninna hunte denn tumer leste ko ersto jarro. Ko lab atchella hako tsireske.

4. Mose 18:12

Ko tselo latcheder djet, un ko latcheder mool un djob, ninna lauterestar hoi glanstunes bares was ap i hachetikri phub, kowa halauter, hoi jon o baro Debles dan, dau me tumende. Koon gar pale-tchiddo hi an tiro kheer nai chal kolestar.

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

Remarja 11:16

Hako bersh well o djob tchinlo, un dell newo maro. Te denn le i kotar newo maro o Debleste, hi kowa jaake, har te well o tselo maro o Debleste dino. Jaake hi ninna pash o ruk. Te was leskro drab o Debleste dino, palle hi ninna leskre kashta o Debleske.

1. Korintarja 15:20

Ko tchatchepen hi: O Jesus Kristo hi o ersto, koles o Dewel i mulendar djido kras.

5. Mose 14:22

Hako bersh tchiwess tu o baro Debleske ap i rig o deshto kotar halauterestar, hoi ap tiri hachetikri phub bares was.

5. Mose 14:23

An ko deshto kotar tiro djobestar, tiri moljatar un tiro djetestar glan tiro baro Debleste ap koi platsa, hoi job peske win rodella, te well lo kote an-mangedo. An leske ninna kol grumja, bakre un busja, kai hi o phureder lengre dajendar. Cha kote ko chapen un ko mass kal viechendar. Jaake bistreh gar, te djiwess tiro baro Debleha tiro tselo djipen.

5. Mose 16:13

Un pal i nijal, te dan tumaro tselo djob win un anan i drake dren, rikrenn kol bare diwessa dren, kai djiwenn an patjengre khera. Efta diwessa djiwenn an lende,

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.

Debleskro tsiro 14:4

Kolengro djipen hi djudjo. An kek tsireske wan le khetne i djuwjah. Un jon djan o terno bakreske palla, kai job ninna djala. Dran i menshende ap kai phub las job len khetne peske un o Debleske.