4. Mose 15:15 - O Debleskro Drom 2021 (Sinte)

¹⁵ Kal laba, hoi penenn tumenge, hoi te krenn an kau koowa hi tumenge lauterenge: tumenge, kol Israelitarja, un ninna kol wawar menshenge, kai mank tumende djiwenna. Kol laba atchenna hako tsiro tumare tchawenge, hoi pal tumende wenna: Glan o baro Debleste hi o wi-themari jaake har tumer han.

O Debleskro Lab 2024 (Sinte-Manouche)

¹⁵ Kal laba, hoy penenn t'menge, hoy te krenn an kava koova hi t'menge lauterenge: t'menge, kol Israelitarya, oun ninna kol vavar menshenge, kay mank t'mende djivenna. Kol laba ačenna hako tsiro t'mare čavenge, hoy pal t'mende venna: Glan o baro Debleste hi o vi-themari yaake har t'mer han.

4. Mose 15:15 ပူးပေါင်းရင်းမြစ်များ

Ester 9:27

lan pen i bibolde glan, te rikrenn le kol dui diwessa bares, un mukenn gar tele, te rikrenn le len hako bersh jaake har glan tchinlo was. Un jaake was kowa pash lende kerdo. Un kowa his ninna moldo lengre tchawenge, kai pal lende wenna, un kolenge, kai kek bibolde hi un pash lende rikrenna.

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

2. Mose 12:24

Doleske rikrenn tumen ap kal laba, tumer un tumare tchawe, kai wenna pal tumende, kanna un hako tsiro.

2. Mose 12:43

Un o baro Dewel rakras ap o Mose un ap o Aron: “Hako kopo, kai chan tumer o chapen, hoi kharella Passa, rikrenn tumen ap kal laba: Kek wi-themari chal kau chapen.

2. Mose 12:49

Ko lab hi tumenge un kolenge dran wawar themma, kai mashkral tumende djiwenna.”

2. Mose 28:43

Hako kopo kai djan le an o Debleskro plachteno kheer, ninna te chatchrenn le i viecho ap o Debleskri sasterni chatchepaskri, hunte riwell o Aron un leskre tchawe kol telstune cholopja. Jaake tchiwenn le penge kek doosh ap pende un hunte merenn gar. Un kowa well jaake o Aroneske un leskre tchawenge, hoi pal leste wenna, lauterenge, kai wenna rashaja, o tselo tsireske.

3. Mose 24:22

Tumenge un kolenge dran i wi-them, kai pash tumende djiwenna, hunte well jek tchatchepen, pal kowa lauter win kerdo well. Me, o baro Dewel, hom tumaro Dewel.

4. Mose 10:8

Kol rashaja, o Aroneskre tchawe, hi kolla, kai hunte phurdenn an i phurdepangre. Kowa hunte atchell jaake tumenge un tumare tchawenge hako tsireske.

4. Mose 15:14

Un te djiwell i wi-themari mashkral tumende, ninna pash tumare tchawende, hoi pal tumende wenna, un job kamell o baro Debleske tchomone te chatchrell, hoi leske shukar sungella, palle hunte krell job jaake har tumer ninna krenna.

4. Mose 15:29

Un jaake hunte well kowa hakeneske, kai anas i doosh ap peste un djinas gar, kai kaja i doosh hi – nai well i Israelitari, nai well i wi-themari, kai mank tumende djiwell.

4. Mose 18:8

Un o baro Dewel penas ap o Aroneste: Shun, tu budreh mange. Doleske dau me tut un tire tchawen i kotar lauterestar, hoi i Israelitarja mange anenna. Kowa te well jaake hako tsireske.

4. Mose 9:14

Un te hi jek mank tumende, kai gar tumendar hi, un kowa kamell ninna o baro Debleske o diwes Passa te rikrell, jaake nai krell job kowa jaake, har tumenge penom, pal mire tsele laba. Kol laba hi leske har tumenge.

Galatarja 3:28

Jaake djiwah lauter o Jesuseha khetne. Kanna hi jek, koon tumer han: bibolde un kolla, kai kek bibolde hi, budepangre un raja, mursha un djuwja. An o Jesus Kristeste hi jek har o wawar.

Kolossarja 3:11

Kote, kai o Dewel i menshen newes kras, kote hi jek jaake bud moldo har o wawar: I bibolde un kolla, kai kek bibolde hi; kolla, kai ap o mass tchinlo hi un kolla, kai gar ap o mass tchinlo hi; wi-themarja un diwje; raja un budepangre. O Jesus Kristo djiwell an hakeneste mendar.

Josua 8:33

Un i tsele Israelitarja, lengre phureder, pralstune un tchatchepangre mursha, ninna i wi-themarja mank lende, jon halauter his tardo ap kol dui rigja pash o mochton, kai i deesh laba dren hi, hoi o baro Dewel len das. Ap koi jek rig dikan le i berga Garizim, ap koi wawar rig dikan le i berga Ebal. Mank lende un o mochton his i rashaja tardo, kai o mochton hidjran, – kolla his Levitarja. I tsele menshe his jaake tardo har o Mose, o baro Debleskro budepaskro, glan i tsiro penas, te wenn le tardo ap ko diwes, kai well o Debleskri bacht pral lende wi-rakedo.

1. Samuel 30:25

Kau lab, hoi o David ap ko diwes penas, atchas tardo un was i tchatchepaskro lab. Un o Israel hunte rikras pes ap leste bis kau diwes.