4. Mose 14:31 - O Debleskro Drom 2021 (Sinte)

³¹ Tumare tchawe, kolendar tumer penan: ‘Jon perenn an i wasta kolendar, kai kuram men mer’, kolen anau an ko them, kai tumer gar kaman. Ko them well lengro.

O Debleskro Lab 2024 (Sinte-Manouche)

³¹ T'mare čave, kolendar t'mer penan: Yon perenn an i vasta kolendar, kay kouram men mer, kolen anau an ko them, kay t'mer gar kaman. Ko them vell lengro.

4. Mose 14:31 ပူးပေါင်းရင်းမြစ်များ

1. Mose 25:34

Un o Jakob das maro un i linsengro chapen o Esaes te chal. Koi chas un pijas job, stas pre un djas peske. Jaake his leske lauter tchi moldo, hoi o phureder tchawo lella.

Nehemia 9:24

Un i tchawe wan an ko them un lan les dren. Un tu kral len sorleder har i Kanaanitarja, kolla, kai an ko them djiwan, un dal lengre bare rajen un ninna i menshen an lengro wast, un jon nai kran lentsa, hoi jon kaman.

Debleskri gili 106:24

Un lenge his ko shukar them tchi moldo, un patsan gar ap ko lab, hoi o Dewel len das.

Gosewe laba 1:25

Tumer mukan tumen tchi te penell, un dan gar jak ap kowa, hoi penom.

Gosewe laba 1:30

Har penom lenge, hoi lenge latcho hi, kran le kowa gar. Har dom len trad, dikan le krik.

Ezekiel 20:18

Un me penom lengre tchawenge an o mulo tato them: Ma rikrenn tumen ap kol laba, pal kolende tumare phure djiwan! Ma djiwenn pal lengre tchatchepangre laba! Rikrenn tumen pale lengre chochene deblendar, te wenn tumer gar pale-tchiddo!

4. Mose 14:3

Hoske anell men o baro Dewel an kau them, kai wah mulo dino o chareha? Un mare djuwja un tchawe perenn an i wasta kolendar, kai kuram men mer. Hi feteder, te djah pale an o them Egiptia.”

4. Mose 26:6

o Hezron un o Karmi. Kolendar wenna i Henocharja, i Palluarja, i Hezronarja un i Karmarja.

4. Mose 26:64

Mashkral kolende his kek buder djido kolendar, kolengre laba o Mose un o rashai Aron an i liil tchinan, har dikan le pal, har bud jon hi, an o mulo tato them Sinai.

Mateo 22:5

Un kolla shunan gar ap lende un djan penge. Ko jek djas ap peskro kotar phub, ko wawar ap o mangepen.

Bičepangre 13:41

Jaake penas o Dewel: Tumer, kai rikrenn o Debles dineleske, krenn bare jaka i darjatar un merenn! Shunenn, me krau i baro koowa an tumaro tsiro. Kowa patsenn tumer gar, te penell tumenge kowa jek.”

5. Mose 1:39

Palle penas o baro Dewel ap mende lauterende: “Tumer penan: ‘Mare tchawe perenn kolenge an i wasta, kai hi chojedo ap mende.’ Me penau tumenge: Jon, kai kau diwes gomme gar djinenn, hoi mishto un hoi tchilatcho hi, hi kolla, kai wenn an o them dren, te lenn le les dren.

Josua 5:7

I tchawe kolendar, kai mulo his, mukas o baro Dewel bares te well. Jon his gomme gar tchinlo ap pengro mass. Un kolen tchinas o Josua kanna ap lengro mass.