4. Mose 14:2 - O Debleskro Drom 2021 (Sinte)

² Un i tsele Israelitarja his chojedo ap o Mose un o Aron un penan: “Ach, te merams mer an ko them Egiptia! Te merams kate an o mulo tato them!

O Debleskro Lab 2024 (Sinte-Manouche)

² Oun i tsele Israelitarya his rhoyedo ap o Mose oun o Aron oun penan: “Ah, te merams mer an ko them Egiptia! Te merams kate an o moulo tato them!

4. Mose 14:2 ပူးပေါင်းရင်းမြစ်များ

1. Rajengro liil 19:4

Un job djas i diwes dur an o mulo them. Un kote beshas lo pes tel i burra, un kamas te merell un penas: “Kanna hi doha, baro Dewel. Muk man te merell! Me hom gar feteder har mire phure.”

Hiob 3:11

Hoske merom me gar, har boldo wom, har me dran late win wom?

Debleskri gili 106:24

Un lenge his ko shukar them tchi moldo, un patsan gar ap ko lab, hoi o Dewel len das.

Debleskri gili 106:25

An pengre plachtene khera rakran le djungeles pral leste, un shunan gar ap o baro Debleste.

Debleskri gili 106:45

palle was an leskro shero, hoi kras lo lentsa win, te hi lo lengro Dewel. Un an peskro baro latchepen khaitan le les.

2. Mose 14:11

Un jon penan ap o Moseste: “Lal tu men doleske kai an o mulo tato them, te meras kate? His an o them Egiptia kek phub, te was mer paskedo? Hoske kral tu kowa, un lal men dran o them Egiptia win?

2. Mose 15:24

Un i menshe wan chojedo ap o Moseste un penan: “Hoi pijas mer?”

2. Mose 17:3

Un lengri trush was jaake baro, te penan le i choljatar ap leste: “Hoske lal tu men dran o them Egiptia win? Kameh, te meras mer kate i trushatar, mer un mare tchawe un mare vieche?”

Jona 4:3

Un kanna, baro Dewel, le miro djipen mandar! Miro merepen hi mange mishto, budeder har te djiwap!”

Jona 4:8

Un har o kham ap o bolepen tardo his, mukas o baro Dewel i tato phurdepen dran o mulo them te well, un o kham das jaake tchurje ap o Joneskro shero, te nashras lo peskri soor. Un job kamas te merell un penas: “Miro merepen hi mange mishto, budeder har te djiwap!”

4. Mose 11:1

Un kol menshe penan glan o baro Debleskre kanda, kai lenge djungeles djala. Un har o baro Dewel kowa shunas, was job chojedo un bitchras i jag, hoi chatchras win ap i platsa, kai lengre plachtene khera his.

4. Mose 11:15

Te kameh tu mantsa jaake te krell, palle ab mange latcho un de man mulo, te dikap gar miri bibacht.”

4. Mose 11:5

Har shukar his an o them Egiptia, kai men matche tchitcheske chapaske his. Men his kürbisse, melone, senlepen, purma un sirja.

4. Mose 14:1

Koi stan kol tsele Israelitarja pre, un dan gole i trashatar. Un kol menshe rowan i tseli rat.

4. Mose 14:22

Kol tsele mursha, kai dikan miro railepen un ko baro un sorelo koowa, hoi krom an o them Egiptia un an o mulo tato them, un kaman bud kope gar te patsell, kai hom lentsa, un shunan gar ap kowa, hoi me penom,

4. Mose 16:13

Hi kowa tuke gar doha, kai lal men dran ko them, kai hi bud thud un gwin, un mukeh men te merell an o mulo tato them? Kameh tu ninna rai pral mende te well?

4. Mose 17:6

O wawar taissarlakro his kol tsele Israelitarja chojedo ap o Moseste un ap o Aroneste, un penan: “Tumer kran o baro Debleskre menshen mulo.”

4. Mose 20:2

Un i tsele menshen his kek pani, un wan khetne pash o Moseste un o Aroneste.

4. Mose 20:3

Un jon tchingran ap o Mose un penan: “Ach, te merams mer an ko tsiro, har mare menshe meran glan o baro Debleste!

4. Mose 20:4

Hoske anan tumer o baro Debleskre menshen an kau mulo tato them, te meras mer kate mare viechentsa?

4. Mose 21:5

Un jon tchingran ap o Debleste un ap o Moseste un penan: “Hoske anal tu men dran o them Egiptia win, te meras mer an o mulo tato them, kai hi kek maro un kek pani? Un menge well djungelo ko chapastar, kai kek thulepen dren hi?”

1. Korintarja 10:10

Ma penenn, kai kowa gar mishto un doha hi, hoi o Dewel tumen das. Jaake rakran kol wawar pale te pale. Un jon wan mulo dino.

5. Mose 1:27

Un tumen tchingran an tumare plachtene khera un penan: ‘O baro Dewel hi chojedo ap mende. Doleske las lo men dran o them Egiptia win, te dell lo men an i wasta fun o Amorarja, te denn kolla men mulo.

5. Mose 9:23

Un har bitchras o baro Dewel tumen dran o foro Kadesh-Barnea win un penas: “Djan pre un lenn o them tumenge dren, hoi me tumen dom”, koi shunan gar ap leste, un patsan les gar un kran gar, hoi lo tumenge penas.

Hebrearja 3:16

Penenn mange: Koon his kolla, kai shunan o Debleskro rakepen, un kaman buder gar ap leskro drom te djal? Kolla his lauter, kai djan o Moseha win dran o them Egiptia.

Judas 1:16

Kolla hi sawe menshe, kolenge kowa gar mishto doha hi, hoi o Dewel len das. Un jon choirenn pen, kai lenge gar feteder djal. Jon djiwenn pal pengro shero. Jon hi sharede, kai rakrenn shukar labentsa i menshentsa, te lenn le lendar latcho koowa.