4. Mose 14:11 - O Debleskro Drom 2021 (Sinte)

¹¹ Un o baro Dewel penas ap o Mose: “Har rah rakrenn kol menshe djungeles pral mande? Un har rah kamenn jon gar ap mande te patsell, witar gar, kai krom jaake bud baro un sorelo koowa pash lende?

O Debleskro Lab 2024 (Sinte-Manouche)

¹¹ Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende?

4. Mose 14:11 ပူးပေါင်းရင်းမြစ်များ

Debleskri gili 106:24

Un lenge his ko shukar them tchi moldo, un patsan gar ap ko lab, hoi o Dewel len das.

Debleskri gili 78:22

Jon patsan gar, te hi lengro Dewel ap lengri rig, un dikan gar ap leste, te dell lo len, hoi len hunte well.

Debleskri gili 78:32

Ninna te dikan le kowa lauter, anan le pale te pale doosh ap pende, un patsan gar ap lauter, hoi kras job an peskri bari soor.

Debleskri gili 95:8

Ma pandenn tumare djia, har tumare phure kran ap i platsa Meriba un Massa an o mulo tato them.

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

2. Mose 16:28

Kote rakras o baro Dewel ap o Moseste: “Har rah krenn tumer kowa gar, hoi me tumenge penau, un djiwenn gar jaake, har me tumenge penom?

2. Mose 23:21

Denn jak, te shunenn ap kowa, hoi job tumenge penell! Me bitchrom les. Te shunenn tumer gar ap leste, bistrell lo tumari doosh gar.

2. Mose 32:9

Un o baro Dewel penas ap o Mose: “Me dikau, kai djiwenn kol menshe pal pengro shero un kamenn gar te shunell.

Gosewe laba 1:22

Tumer, kolen tchi an o shero hi: Har rah kamenn tumer dinelo koowa te krell? Tumer sapangre, har rah kamenn tumer pral o wawareste te sal un les praassell? Tumer dinele, har rah penenn: Mer kamah gar te djinell, hoi tchatcho hi?

Jeremia 13:10

Kalla tchilatche menshe, kai kamenn mire laba gar shunell, djan pal pengro shero, un djan wawar deblenge pal, anenn lenge viechen, un mangenn len an. Jon hunte wenn har ko pereskro pandepen, hoi buder tchi molella.

Jeremia 4:14

Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

Ezekiel 20:13

Ninna an o mulo tato them mukan pen i Israelitarja tchi mandar te penell. Jon djiwan gar jaake, har lendar kamom. Un ap mire tchatchepaskre laba dan le tchi. Un mire tchatchepaskre laba hi kolla, kolentsa o mensho djido atchell, te rikrell lo pes ap lende. Un jon kran bud koowa ap o Debleskro diwes, hoi hunte krans le gar, un jaake wom gar sharedo. Kote kamom miri choli pral lende win te tchorell, te hunte merans le lauter an o mulo tato them.

Hosea 8:5

Tumer an o foro Samaria, ko sonakaskro terno gurum, koles tumer an-mangenn, hi mange pale-tchiddo. Miri choli pral tumende hi sorelo. Har rah atchell kowa jaake, te rikrenn ap ko pale-tchiddo koowa?

Zakarie 8:14

Kowa penell o baro Dewel, ko rai pral o bolepen un i phub: “Har kran man tumare phure chojedo, kamom i bibacht pral lende te anell, un tchi rikras man kolestar pale.

4. Mose 14:23

kolendar dikell kek ko them, kai lengre phurenge penom un man sowel pre dom, te dap les lende. Witar gar dikell kek ko them, kai rakras djungeles pral mande.

4. Mose 14:27

“Har rah tchingrenn kol tchilatche menshe ap mande? Me shunom, har kol Israelitarja djungeles pral mande rakran.

4. Mose 32:10

Un o baro Debleskri choli was baro an ko tsiro, un job das pes sowel un penas:

Mateo 17:17

Koi penas o Jesus: “Tumer tchilatche menshe, tumen hi kek patsepen! Har rah hunte atchap pash tumende? Har rah marap man tumentsa tele? Anenn les pash mande!”

Markus 9:19

Koi penas o Jesus ap lende: “Hawe menshe han tumer, kai hi tumen kek patsepen! Har rah hunte atchap pash tumende? Har rah rikrap me pash tumende win? Anenn les kate pash mande!”

Johanni 10:38

Te krau me, hoi o dad mange penas, patsenn ap kowa, hoi me krau! Jaake dikenn un prindjrenn tumer, kai o dad an mande hi un me an leste.”

Johanni 12:37

Ninna te kras job bud baro un sorelo koowa glan lende, kai kek mensho nai krella, patsan jon gar ap leste.

Johanni 15:24

Te kroms me gar glan lengre jaka ko baro koowa, hoi nai kek wawar kras, wals len kek doosh. Kanna dikan jon kowa. Un ninna te dikan le les, hi le tchilatcho ap mande un ap miro dadeste.

5. Mose 1:32

Ninna te dikan tumer kowa lauter, kaman tumer tumaro baro Debles gar te patsell,

Hebrearja 3:16

Penenn mange: Koon his kolla, kai shunan o Debleskro rakepen, un kaman buder gar ap leskro drom te djal? Kolla his lauter, kai djan o Moseha win dran o them Egiptia.

Hebrearja 3:18

Kanna penenn mange: Pral koneste rakras o Dewel, har job pes sowel das, te wenn le gar an leskro them, kai jon hako tsiro khere wans? Job rakras kolendar, kai shunan gar ap leste.

Hebrearja 3:8

Krenn tumaro dji gar har barra jaake, har tumare phure kran an o mulo them, har tchingran le ap o Moseste, un kaman miro drom buder gar te djal!