4. Mose 13:31 - O Debleskro Drom 2021 (Sinte)

³¹ Kol mursha, kai djan leha, penan: “Na-a, mer nai kurah men gar kol menshentsa! Jon hi sorleder har mer.”

O Debleskro Lab 2024 (Sinte-Manouche)

³¹ Kol morsha, kay djan leha, penan: “Na-a, mer nay kourah men gar kol menshentsa! Yon hi zorleder har mer.”

4. Mose 13:31 ပူးပေါင်းရင်းမြစ်များ

4. Mose 13:30

Har i menshe kowa shunan, trashan le un tchingran ap o Moseste. Koi das o Kaleb len trad, un penas: “Awenn, mer djah kote, un lah ko them menge! Mer nai ham sorleder har jon.”

4. Mose 32:7

Te krenn kowa, lenn i wawar Israelitarja daar un kamenn gar an ko them te djal, kai o baro Dewel len della.

4. Mose 32:9

Un har jon koi pre wan pash ko pani Eshkol, un dikan ko them, wan le pale pale un rakran jaake i Israelentsa, te lan jon daar, un kaman gar an ko them te djal, kai kamas o baro Dewel lende te dell.

5. Mose 1:28

Kai djas koi? Mare phrala kran mare djia darenes, har penan le ap mende: Kolla menshe hi sorleder un bareder har mer, lengre forja hi baro un lengre massurja djan pre bis pash o bolepen. Un ninna dikam mer o Anakarja kote!’

5. Mose 9:1

Shunenn, tumer menshe Israel! Tumer djan kau diwes pral o pani Jordan, te lenn themma tumenge dren kol menshendar, kai hi bareder un sorleder har tumer. Lengre forja hi bares, un bare massurja djan trul lende pre an o bolepen.

Hebrearja 3:19

Jaake dikah mer: Kolla, kai patsan gar, hoi o Dewel penas, hi kolla, kai wan gar an o Debleskro them dren.

Josua 14:8

Mire phrala, kai mantsa pre djan, kran i menshenge daar. Me rikrom ap o baro Debleste, kai miro Dewel hi, un patsom leske.

1. Samuel 17:33

O Saul penas ap o David: “Tu nai djah gar pash ko Filistari, te kuress tut leha. Tu hal i terno mursh, job hi i kurepaskro fun tiknes pre.”