4. Mose 13:29 - O Debleskro Drom 2021 (Sinte)

²⁹ An o them Negev djiwenn i Amalekarja. An o pralstuno them djiwenn i Hetarja, i Jebusarja un i Amorarja. Pash o baro pani un pash o pani Jordan djiwenn i Kanaanitarja.”

O Debleskro Lab 2024 (Sinte-Manouche)

²⁹ An o them Negev djivenn i Amalekarya. An o pralstouno them djivenn i Hetarya, i Yebousarya oun i Amorarya. Pash o baro pani oun pash o pani Yordan djivenn i Kanaanitarya.”

4. Mose 13:29 ပူးပေါင်းရင်းမြစ်များ

1. Mose 14:7

Koi pal rissran pen kol star bare raja trujel un wan an ko foro En-Mishpat. Kowa hi kanna Kadesh. Un jon maran i tsele menshen an ko them, kai i Amalekarja djiwan, ninna i Amorarja, kai an Hazezon-Tamar djiwan.

Nehemia 9:8

Un har dikal, te rikrell lo pes ap tute peskro tselo djijeha, kral tu leha win un dal tu tiro lab, te dess leskre tchawende un kolengre tchawende, kai pal lende wenn, ko them, kai djiwenn i Kanaanitarja, un i Hetarja, un i Amorarja, un i Perisarja, un i Jebusarja, un i Girgasharja. Un tu rikral tiro lab. Tu hal tardo an o tchatchepen.

Debleskri gili 83:7

Kolla hi i menshe dran o Edom un dran o Ismael, dran o Moab, dran i Hagar,

2. Mose 3:17

Me dau miro wast pre: Kau djungelo djipen herell pes pre. Me, o baro Dewel, lau tumen dran o them Egiptia win, un anau tumen an ko them, kai djiwenna i Kanaanitarja, i Hetarja un i Amorarja, i Perisarja, un i Hiwarja un i Jebusarja. Un kowa hi jek them, kai hi bud thud un gwin.’

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

4. Mose 13:17

Un o Mose bitchras len, te hatsenn le win har ko them Kanaan hi. Un job penas ap lende: “Djan koi pre an o mulo tato them Negev, un palle djan ap o pralstuno them!

4. Mose 13:30

Har i menshe kowa shunan, trashan le un tchingran ap o Moseste. Koi das o Kaleb len trad, un penas: “Awenn, mer djah kote, un lah ko them menge! Mer nai ham sorleder har jon.”

4. Mose 14:25

Kol Amalekarja un kol Kanaanitarja, kai kanna kote djiwenn, atchenn an o telstuno them. Taissar rissrenn tumen trujel un djan pale an o mulo tato them ap ko drom pash o Baro Lolo Pani!”

4. Mose 14:43

Kol Amalekarja un kol Kanaanitarja hi koi wergel tardo glan tumende, un tumer wenn mulo dino o chareha. Tumer djan o baro Deblestar krik. Doleske hi lo gar tumentsa.”

4. Mose 14:45

Koi wan kol Amalekarja un kol Kanaanitarja, kai ap i berga djiwan, tele, un dan len, un lan len palla bis pash o foro Horma.

4. Mose 24:20

Un har o Bileam kol Amalekarja dikas, penas lo kal laba: “Amalek hi ko pralstuno mashkral kol natsjone. Ninna job well maredo an ko tsiro, hoi wella.”

5. Mose 20:17

Mulo dino hunte wenn le halauter: i Hetarja, i Amorarja, i Kanaanitarja, i Perisarja, i Hiwarja un i Jebusarja. Jaake penas tumenge tumaro baro Dewel, te hunte krenn.

5. Mose 7:1

Tumaro baro Dewel anell tumen an ko them, hoi tumaro well. Un job tradell bud menshen glan tumende win: I Hetarja un i Girgasharja un i Amorarja un i Kanaanitarja un i Perisarja un i Hiwarja un i Jebusarja. Kolla hi efta natsjone, kai hi bareder un sorleder har tumer.

Josua 10:5

Koi wan kol pantch bare raja pral i Amorarja khetne: kol bare raja pral i forja Jerusalem, Hebron, Jarmut, Lakish, un Eglon. Un lengre tsele lurde wan lentsa. Un jon djan khetne un tchiwan pen trul o foro Gibeon, te lenn le les dren un kuran pen lentsa.

Josua 10:6

Koi bitchran i Gibeonarja murshen pash o Josua ap koi platsa pash Gilgal, kai i Israelitarja hi, un mukan leske te penell: “Ma muk men kokres! Mer ham tire budepangre! Ab jaake sik har djala pash mende pre, un ab ap mari rig, te meras gar! I tsele bare raja pral i Amorarja, kai an o pralstuno them djiwenn, tchiwan pen khetne te kurenn le pen mentsa.”

Josua 3:10

Ap kawa dikenn, te hi o djido Dewel mashkral tumende, un te tradell lo glan tumende i Kanaanitarja win, ninna i Hetarja, i Hiwarja, i Perisarja, i Girgasharja, i Amorarja un i Jebusarja.

Josua 5:1

Un i tsele bare raja pral i Amorarja, kai ap koi rig o panjestar Jordan djiwan, kai o kham tele djal, ninna i tsele bare raja pral i Kanaanitarja, kai pash o Baro Pani djiwan, kolla halauter shunan, har las o baro Dewel o pani dran o Jordan krik glan i Israelitarja, bis te jon halauter ap i wawar rig his. Un har jon kowa shunan, was bari traash ap lende, un an kekeste atchas i soor te djal lo pre ap i Israelitarja.

Josua 9:1

Un kowa, hoi i Israelitarja kran, shunan i tsele bare raja, hoi ap i wawar rig o panjestar Jordan djiwan, an o pralstuno them un ninna an o telstuno them un pash o Baro Pani bis pash i berge Libanon. Kal bare raja his i raja pral o them Het, pral o them Amor, pral o them Kanaan, pral o them Peris, pral them Hiw un pral o them Jebus.

Čačepangre 3:5

Un jaake djiwan i Israelitarja mashkral i Kanaanitarja, i Hetarja, i Amorarja, i Perisarja, i Hiwarja un i Jebusarja.

Čačepangre 6:3

Un hako kopo, kai witsran i Israelitarja o djob an i phub, palle wan i Midianarja un i Amalekarja un wawar menshe kotar, kai o kham pre djala, un peran an o them dren.

1. Samuel 14:48

Job his i tchatcho mursh un maras i Amalekarja, un las o Israel dran kolengre wasta win, kai lendar randan.

1. Samuel 27:8

An ko tsiro peras o David peskre murshentsa an ko them dren, kai djiwenn i Geshurarja un i Girsarja un i Amalekarja. Kolla his i rah tsiro kote an o them, un djiwan bis pash o mulo them Shur un bis tele pash o them Egiptia.

1. Samuel 30:1

Un har o David un kol mursha, kai pash leste hi, pal triin diwessa an o foro Ziklag wan, his o foro paash un chatchedo. I Amalekarja peran dren an o them Negev un ninna an o foro Ziklag.

1. Samuel 7:14

Un o Israel las peske kol forja pale, kolen i Filistarja lendar krik lan an o them mank Ekron un Gat. Kal forja las o Israel win dran i wasta i Filistarendar. Un ninna mank i Israelitarja un i Amorarja his buder kek kurepen.