4. Mose 13:20 - O Debleskro Drom 2021 (Sinte)

²⁰ Dikenn ninna, hawi phub koi hi! Hi li mishto, te nai well djob kote bares? Hi ruka kote tardo un hawe? Ma trashenn, te anenn menge kolestar, hoi an ko them bares was!” Kowa his an ko tsiro, kai i molengre drake mishto his.

O Debleskro Lab 2024 (Sinte-Manouche)

²⁰ Dikenn ninna, havi phoub koy hi! Hi li mishto, te nay vell djob kote bares? Hi rouka kote tardo oun have? Ma trashenn, te anenn menge kolestar, hoy an ko them bares vas!” Kova his an ko tsiro, kay i molengre drake mishto his.

4. Mose 13:20 ပူးပေါင်းရင်းမြစ်များ

1. Familjakro liil 22:11

Kanna, miro tchawo, mu well o baro Dewel ap tiri rig, te nai kreh tiro baro Debleske i kheer, jaake har job tutar penas.

Nehemia 9:25

Jon lan sorele forja dren, un i latcho them, khera, hoi pherdo latcho koowa his, pani, hoi dran wi-dine bare barra was, drakengre ruka, djeteskre ruka, un bud wawar ruka, hoi latcho chapen hidjran. Un jon chan un wan tchalo un thullo. Un jon mukan les penge latches te djal. Jaake baro his tiro latchepen ap lende.

Nehemia 9:35

Un an ko tsiro, har his mare phure i raja an ko them, hoi tu len dal, mangan le tut gar an. An tiro latchepen dal tu len i buchlo un brawelo them. Un jon mukan gar pengro tchilatcho drom.

Ezekiel 34:14

Kote, kai latcho senlepen hi, anau len. Ap latche platse pral ap i berge an Israel nai tchiwenn le pen tele un chan pen tchalo.

Daniel 11:24

Un pokones perell lo dren an i brawele forja o themestar, un tchorell len win, un dell kolen, kai leha djan, ko tselo brawlepastar, hoi jon kote lan. Un sawo koowa, har job krell, kras kek leskre phurendar glan leste. Un ninna kol sorleder forja kamell lo an peskro wast te lell. Kowa djal leske i tikno tsiro kokres.

Micha 7:1

Me bibachtelo, mange hi har jekeske, kai bokella, un hatsell kek phabja ap o ruk, un kek drake ap i drakengro ruk. Kol tsele latche phabja un gudle drake hi krik.

4. Mose 13:19

Dikenn, har nai djiwenn le kote: mishto? – gar mishto? Dikenn ninna, har lengre forja hi! Djiwenn i menshe an plachtene khera khetne? – Djiwenn le an barrengre khera an forja?

5. Mose 1:24

Kolla kran pen ap o drom, un djan pre an o pralstuno them, un wan bis pash i tala Eshkol, un dikan pen kote trujel.

5. Mose 1:25

Jon lan kolestar, hoi an ko them bares was, un anan les pash mende. Un penan menge hoi le halauter dikan, un penan: ‘Kau them hi mishto, hoi o baro Dewel men dell.’

5. Mose 31:23

Un o baro Dewel penas ap o Josua, koleskro dad o Nun his: “Ab sorelo un ma traash! Tu aness i Israelitarjen an ko them, koleske me man sowel dom, te anau len koi. Un me kamau tuha te well.”

Hebrearja 13:6

Jaake hunte daras gar un nai penah: O Dewel hi ap miri rig, me hunte darap gar. Hoi nai krell i mensho ap mande?

Josua 1:6

Ab soreles un ma traash! Tu dess kal menshen pengro them, kai me man sowel dom glan lengre phurende, te dap len kowa!

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”

Josua 2:1

Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

Josua 2:3

Koi bitchras lo murshen pash i Rahab un mukas lake te penell: “De kol murshen win, kai pash tute an tiro kheer wan. Jon wan te dikenn le, har sorelo maro them hi.”