4. Mose 13:17 - O Debleskro Drom 2021 (Sinte)

¹⁷ Un o Mose bitchras len, te hatsenn le win har ko them Kanaan hi. Un job penas ap lende: “Djan koi pre an o mulo tato them Negev, un palle djan ap o pralstuno them!

O Debleskro Lab 2024 (Sinte-Manouche)

¹⁷ Oun o Mose bičras len, te hatsenn le vin har ko them Kanaan hi. Oun yob penas ap lende: “Djan koy pre an o moulo tato them Negev, oun palle djan ap o pralstouno them!

4. Mose 13:17 ပူးပေါင်းရင်းမြစ်များ

1. Mose 12:9

Pal kowa djas job dureder un was pash ko them Negev.

1. Mose 13:1

O Abram djas dran o them Egiptia: job un leskri romni un halauter hoi les his, un leskro phraleskro tchawo Lot. Un jon djan an o them Negev.

1. Mose 13:17

Dja trujel an o tselo them! Tut dau ko tselo them.”

1. Mose 13:3

Un ko themestar Negev djas job dureder fun jek platsa ap i wawar. Un was pash o foro Betel ap koi platsa mank Betel un Ai, kai leskro plachteno kheer o ersto kopo tardo his.

1. Mose 14:10

An i tala Siddim his bud chebja an i phub, kai pherdo teera his. I raja pral i forja Sodom un Gomorra pengre lurdentsa hunte nashan penge. Un bud peran an kol chebja. Un kol wawar, kai pral atchan, nashan an i berge.

4. Mose 13:18

Un dikenn tumen an ko them trujel, har kowa hi, un kitse menshe kote djiwenn, un har sorelo jon hi.

4. Mose 13:29

An o them Negev djiwenn i Amalekarja. An o pralstuno them djiwenn i Hetarja, i Jebusarja un i Amorarja. Pash o baro pani un pash o pani Jordan djiwenn i Kanaanitarja.”

4. Mose 14:40

Un jon djan taissarlake pral ap i berga, un penan: “Mer anam doosh ap mende. Ake ham, un kamah an ko them te djal, kolestar o baro Dewel rakras.”

5. Mose 1:44

Un i Amorarja, kai kote djiwan, wan win un djan ap tumende pre, un tradan tumen an o them Seir, har biene jekes palla lenn. Un dan tumen pash o foro Horma.

Josua 10:40

Jaake las o Josua o tselo them dren: o pralstuno them, un o them, kai o kham pralstunes hi, ninna o telstuno them un o them ap i berge, – ko tselo them mank Kadesh-Barnea un Gaza, un mank Gosen un Gibeon. O Josua das i tsele bare rajen mulo, ninna lengre tsele menshen. Un job mukas kekes ap o djipen te atchell, jaake har penas leske o baro Dewel, – o Dewel pral o Israel.

Josua 15:3

dureder pash i berga Akrabbim, un kotar dureder an o mulo them Zin, un pale dureder trul o foro Kadesh-Barnea ap koi rig, kai o kham pralstunes tardo hi, un dureder bis pash kol forja Hezron un Addar, un dureder pash o foro Karka,

Josua 2:1

Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

Čačepangre 1:15

Un joi penas ap leste: “De man latchepen! I phub, hoi tu man dal, kote kai o kham pralstunes hi, hi gar sapeno. De man ninna i them, kai panjengre hi!” Un job das lat pestar kol panja, hoi kharenna pralstuno pani un telstuno pani.

Čačepangre 1:19

O baro Dewel his i murshentsa dran Juda. Doleske las o Juda o pralstuno them dren. Kolla, kai an o telstuno them djiwan, len his sasterne wurdja o kurepaske. Doleske nai tradan le len gar win.

Čačepangre 1:9

Pal kowa djan i mursha dran o kheer Juda tele, te kurenn le pen kolentsa an o them Kanaan, kai ap i berge djiwenn, un kote kai o kham pralstunes tardo hi, un kolentsa, kai an o telstuno them djiwenn.