4. Mose 12:6 - O Debleskro Drom 2021 (Sinte)

⁶ Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

O Debleskro Lab 2024 (Sinte-Manouche)

⁶ Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya.

4. Mose 12:6 ပူးပေါင်းရင်းမြစ်များ

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

1. Mose 20:7

Un kanna, de koi romjat pale o romeste! Job hi i Debleskro rakepaskro. Un te mangell o Abraham tuke, atcheh tu djido. Te deh lat gar pale, hunte meress un lauter, hoi tiro hi.”

1. Mose 28:12

Koi das lo suni: Job dikas i treppa ap i phub tardo. Koja djas bis an o bolepen. Un o Debleskre bolepangre djan pre un tele.

1. Mose 28:16

Koi djangras o Jakob dran o sopen pre un penas: “Tchatchepah, o baro Dewel hi ap koi platsa. Un me djinom kowa gar.”

1. Mose 37:5

Un o Josef das suni, un penas kowa peskre phralenge. Koi wan jon tchilatcheder ap leste.

1. Mose 37:9

Un job das i wawar suni un penas kowa peskre phralenge: “Shunenn, me dom i wawar suni. Kau kopo witsras pes o kham un o tchon un deesh-te-jek bolepangre momlia glan mande tele.”

1. Mose 46:2

I rati rakras o Dewel leha an i suni un penas ap leste: “Jakob, Jakob!” Un job penas: “Ake hom.”

2. Samuel 7:4

Un an i rati penas o baro Dewel ap o Nataneste:

1. Rajengro liil 3:15

Un har o Salomo pre djangras, haiwas lo, kai job i suni das. Un job was an o foro Jerusalem, un atchas glan o mochton tardo, kai o Debleskre deesh laba dren his. Un job mukas viechen te marell. Bud lendar wan tseles chatchedo o Debleske. Un wawarendar chatchran le o thulepen un kotja mass, te parkrenn le pen pash o Debleste. Ko wawar mass chan le khetne. Un o Salomo kras i baro chapen un mukas i tsele pralstunen, kai leske budran, te well.

1. Rajengro liil 3:5

Kote an o foro Gibeon mukas pes o baro Dewel o Salomeske an i suni te dikell an i rati. Un o Dewel penas: “Tu nai putcheh man, hoi kameh mandar.”

Hiob 33:15

An i rat, te perell o sopen ap i menshende, dell lo len sunja. Te hi le tchiddo ap pengro tchiben,

Hiob 4:13

Rati, har sowom soreles dom djungeles suni.

Debleskri gili 105:15

“Lenn i wasta krik mire menshenge, kolen mange win rodom! Ma krenn tchilatchepen kolenge, kai mire rakepangre hi!”

Debleskri gili 89:19

Baro Dewel, tu dal men koles, kai ap mende garda della. Tu, o Dewel pral o Israel, rodal les win, te well lo maro baro rai.

2. Mose 7:1

Un o baro Dewel penas ap o Moseste: “Shun, me krom, te wess har o Dewel o Faraeske. Un tiro phraal Aron rakrell tuke. Job rakrell, hoi leske peneh.

Jeremia 23:25

Me shunom mishto, hoi kal rakepangre rakrenn, har penenn jon chochepen glan-wi un penenn: ‘Kowa well o baro Deblestar. Me dom les suni. An i suni penas o Dewel kowa mange.’

Jeremia 23:28

Te dell i rakepaskro suni, mu penell lo peskri suni! Kowa, kai lell i lab mandar, kowa te penell ko lab mishto dureder! Me, o baro Dewel penau tumenge: O phuss un o djob hi gar o emligo koowa. Jaake hi witar gar emligo ko rakepen, hoi kol chochene rakepangre rakrenna, un o rakepen, hoi mandar wella.

Ezekiel 1:1

An o 30. (triin-deshto) bersh djiwom khetne wawar menshentsa, kai pandles krik anlo wan, pash ko lengsto pani, hoi kharell Kebar. An o starto tchon ap o pantchto diwes an ko bersh djas o bolepen pre, un o baro Dewel sikras pes mande.

Daniel 10:8

Un me atchom kokres koi, un dikom ko baro dikepen. Un i tseli soor an mande djas krik; miro mui was parno, un kek soor his buder an mande.

Daniel 2:19

Un an i rati dikas o Daniel i dikepen un leske was koi suni sikedo. Un o Daniel sharas o bolepaskro Debles,

Daniel 7:1

An ko tsiro, har o Belsazar an o ersto bersh o baro rai his pral o them Babilonia, dikas o Daniel i dikepen an i suni, har his lo tchiddo ap peskro tchiben. Un job tchinas an i liil, hoi dikas lo. Un kawa hi koi suni:

Daniel 8:2

An miri suni homs an o sorelo kheer an o foro Susa an o them Elam, pash o lengsto pani Ulai.

Hosea 12:11

Me rakrom ap mire rakepangre, un sikrom lende bud kope, hoi wella. Dran lende mukom tumenge trad te dell.

Joel 3:1

Un pal kowa tchorau miro ducho win pral i tsele menshende. Un tumare tchawen un tchen dau i lab mandar, hoi penenn le dureder. Un tumare phure denn sunja, un tumare terne mursha dikenn dikepen.

Zakarie 1:8

Me dikom an i rati i murshes, kai klissas ap i lolo grai. Job atchas tardo an i tala mank i mirtetikre ruka. Pal leste his wawar graja: lole graja, kalo-parne graja un parne graja.

4. Mose 24:4

Kowa penella, kai shunell o Debleskro rakepen. Me dikau, hoi o sorelo Dewel mande sikrella. Mire jaka wenn pre kerdo, te djau ap i tchanga.

Mateo 1:20

Har leske kowa an o shero trujel djas, was o Debleskro bolepaskro pash leste an i suni, un penas: “Josef, tu Davideskro tchawo, ma traash, te less i Mariat pash tute, te romedineress lat! O ternepen was dran o Debleskro Ducho an late.

Mateo 2:19

An ko tsiro, har o Josef an o them Egiptia his, meras o Herodes. Koi was o Debleskro bolepaskro pash leste an i suni,

Mateo 23:31

Me penau tumenge: Te penenn tumer kowa jaake, palle sikrenn tumer, kai han i tchawe kolendar, kai o Debleskre rakepangren maran.

Mateo 23:34

Shunenn, bitchrau pash tumende mire rakepangren, mire gosewe murshen, un mire tchatchepangren. Kolen denn tumer ap o trushel, marenn len, un denn len dawa an tumare kangria. Un tumer lenn len palla an hako foro.

Mateo 23:37

Tumer menshe an o foro Jerusalem! Tumer maran o Debleskre rakepangren, un dan kolen i barrentsa mulo, kai o Dewel pash tumende bitchras. Bud kope kamom tumen pash mande te lell, te dap garda ap tumende, har i kachni ap peskre terne garda della, un lell len tel peskre phora. Un tumer kaman gar.

Mateo 27:19

Har o Pilato ap o tchatchepaskro beshepaskro beshdo his, te rakrell lo o tchatchepen pral leste win, mukas leskri romni leske te penell: “Ko mursh anas kek doosh ap peste. Muk les te djal! Taissar rati his man i tchilatchi suni, un man his bare duka dran leste.”

Louka 1:11

Ap jek kopo his o Debleskro bolepaskro tardo ap i tchatchi rig pash o Debleskro sonakaskro bob, kai o Zachari o kasht chatchrell.

Louka 1:22

Un har job kote win was, nai rakras lo buder gar. Job hadas peskro wast, te sikrell lo lende, te nai rakrell job buder gar. Koi pre dikan i menshe, kai o Dewel rakras leha an o Debleskro baro kheer.

Louka 20:6

Te penah mer leske: I menshe bitchran les, witsrenn le barrentsa ap mende, te marenn le men. Jon patsenn soreles, te hi lo i Debleskro rakepaskro.”

Bičepangre 10:11

Job dikas, har o bolepen pre djas un tchomone pral tele was ap i phub. Kowa his har i bari plachta. Koja was ap hake star rigja rikedo.

Bičepangre 10:17

O Petro haiwas gar, hoske job kowa dikas, un putchas pestar, hoi kamas o Dewel leske te penell. Koi his i mursha, kai o Kornelio pal o Simoneskro kheer bitchras, glan o wudar tardo.

Efesarja 4:11

Job hi kowa, kai das i patslen pengri budi. Koi hi kolla, kolen job bitchras, te penenn le i menshenge lestar. Wawar rakrenna, hoi job lenge an o dji tchiwas, hoi kek wawar djinella. Wawar anenn kol menshen, kai gar patslo hi, pash o Jesus Kristeste. Pale wawar rikrenn i patslen khetne, un sikrenn lende o Debleskro drom.

5. Mose 18:15

I Debleskro rakepaskro, har me jek hom, jek, kai well tumendar, koles bitchrell tumaro baro Dewel pash tumende. Ap koleste shunenn!

5. Mose 18:18

I Debleskro rakepaskro har tu jek hal, kai well lendar, koles bitchrau me lenge. Un me kamau leske mire laba an leskro mui te tchiwell. Un job rakrell ap lende halauter, hoi me leske penau.

Hebrearja 1:1

An o phuro tsiro rakras o Dewel bud kope jaake te jaake ap peskre rakepangre, un bitchras len pash mare phurende, te penenn le lenge leskre laba.

Debleskro tsiro 11:10

I menshe ap i phub hi bachtelo, un giwenna un khelenna. Un jek bitchrell o wawareske shukar koowa. Jaake bachtelo hi le, te hi kol dui Debleskre rakepangre mulo, kai dukran kolen, kai ap i phub djiwenna.

Debleskro tsiro 11:3

Un me bitchrau dui rakepangren an ko foro. Kolla penenn i menshenge o tchatchepen pral mande. Lengre ripja hi kerdo dran gone. Deesh-te-dui-sheel-te-shob-desha (1.260) diwessa penenn jon lenge mire laba.”

1. Samuel 28:6

Un o Saul putchas o baro Debles, hoi te krell lo. Un kowa penas leske tchi, das les kek suni, rakras gar leha kol tikne barrentsa, hoi witsedo wan, te sikrenn le, hoi kerdo hunte wella. Witar gar nai penas leske i Debleskro rakepaskro, hoi te krell lo.

1. Samuel 3:15

Un o Samuel atchas tchiddo bis taissarlakro. Palle stas lo pre un kras i wudja pre glan o baro Debleskro kheer. Job daras te penell lo o Eljeske, hoi o baro Dewel les sikras.

1. Samuel 3:21

Un o baro Dewel was pale te pale an peskro kheer an Shilo un rakras ap o Samuel. Un o Samuel penas leskre laba ap i Israelitarja.