4. Mose 12:14 - O Debleskro Drom 2021 (Sinte)

¹⁴ O baro Dewel penas ap o Moseste: “Te tchungrals lakro dad lat an o mui, hunte ladjals joi efta diwessa. Mukenn lat kokres efta diwessa win glan koi platsa, kai i plachtene khera hi! Pal kowa lenn lat pale pash tumende!”

O Debleskro Lab 2024 (Sinte-Manouche)

¹⁴ O baro Devel penas ap o Moseste: “Te čoungrals lakro dad lat an o mouy, hounte ladjals yoy efta divessa. Moukenn lat kokres efta divessa vin glan koy platsa, kay i plarhtene khera hi! Pal kova lenn lat pale pash t'mende!”

4. Mose 12:14 ပူးပေါင်းရင်းမြစ်များ

2. Rajengro liil 15:5

Un o baro Dewel mukas i djungelo nasslepen ap leste te well. Un jaake rah har job djiwas, his lo nasselo ap peskro mass, un hunte djiwas peske an i kheer. Leskro tchawo, o Jotam, his o pralstuno pral o rajeskro kheer, un his o tchatchepaskro rai pral i menshende an o them.

Hiob 17:6

Kanna wom jek, pral koleste i menshe sapaskre gilja giwenn, un koleske jon an o mui tchungrenn.

Hiob 30:10

Lenge well djungeles glan mande, un rikrenn pen dur krik mandar, un tchungrenn mange an o mui.

Jesaja 50:6

Me rikrom kolenge miro dumo, kai dan mange dawa, un rikrom mire tchamja kolenge koi, kai tserdan balla dran miri tchora. Me khatrom gar miro mui, har praassan le man un tchungran ap mande.

3. Mose 13:4

Te hi ko parno kotar ap leskri hauta gar dureder tele an leskro mass har koi wawar hauta, un i balla wan gar parno, palle pandell ko rashai ko menshes efta diwessa an i kheer dren.

3. Mose 14:8

Kowa, kai sasto was, thowell peskre koola un tchinell peskre tsele balla tele, un thowell pes. Palle hi lo erligo, un nai well pale ap i platsa, kai i menshe djiwenn. Efta diwessa atchell lo win glan peskro plachteno kheer.

4. Mose 5:1

Un o baro Dewel rakras o Moseha un penas:

Mateo 26:67

Un palle tchungran le leske an o mui, un dan les ap o shero. Wawar dan les an o mui,

5. Mose 25:9

palle stakrell koi djuwel glan leste, un glan i jaka kol phureder murshendar riwell li leske jek kircha win. Un tchungrell leske an o mui, un penell: “Jaake hunte well kerdo ko mursheske, kai kamell gar peskro phraleste i tchawes te dell.”

Hebrearja 12:9

Har tchawe hams, dan men mare dada i phagi. Un mer hunte shunam ap lende. Kitse budeder hunte shunas ap maro dadeste an o bolepen, te djiwas.