4. Mose 11:26 - O Debleskro Drom 2021 (Sinte)

²⁶ Koi his dui mursha pash i plachtene khera, ko jek kharas Eldad, ko wawar Medad. Lengre laba his ninna pre-tchinlo an ko liil, kai i efta-desha phureder dren tchinlo hi. Jon atchan pash i plachtene khera un djan gar win pash o Debleskro kheer. Un o Debleskro ducho was ninna pral lende. Un ap i platsa mank i khera kharan le laba win har kol Debleskre rakepangre.

O Debleskro Lab 2024 (Sinte-Manouche)

²⁶ Koy his douy morsha pash i plarhtene khera, ko yek kharas Eldad, ko vavar Medad. Lengre laba his ninna pre-činlo an ko liil, kay i efta-desha phoureder dren činlo hi. Yon ačan pash i plarhtene khera oun djan gar vin pash o Debleskro kheer. Oun o Debleskro dourho vas ninna pral lende. Oun ap i platsa mank i khera kharan le laba vin har kol Debleskre rakepangre.

4. Mose 11:26 ပူးပေါင်းရင်းမြစ်များ

2. Familjakro liil 15:1

Un o Debleskro ducho was pral o Asarja, koleskro dad o Oded his.

Nehemia 9:30

Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

2. Mose 3:11

Koi penas o Mose ap o Debleste: “Me, koon hom me, te djap me pash o Farao, un anap i tsele Israelitarja dran o them Egiptia win?”

Jeremia 1:6

Un me penom: Baro Dewel, miro rai, me hom gar mishto doha te penap tiro lab. Me hom gar phuro doha.

Jeremia 36:5

Palle penas o Jeremia ap leste: Mange was penlo, te djap buder gar an o baro Debleskro kheer.

4. Mose 11:27

Koi nashas i terno mursh pash o Moseste un penas: “O Eldad un o Medad kharenn laba win har kol Debleskre rakepangre!”

4. Mose 24:2

un dikas kol Israelitarja, har lengre plachtene khera tardo hi, haki bari familja peske. Un o Debleskro ducho was ap leste.

1. Samuel 10:22

Un jon putchan o baro Deblestar: “Was ko mursh kai?” Un o baro Dewel penas: “Job khatras pes ap i platsa, kai i koola hi.”

1. Samuel 10:6

Un o baro Debleskro ducho well pral tute, un tu rakreh lentsa khetne o Debleskro rakepen win. Un kote weh tu i wawar mensho.

1. Samuel 20:26

O Saul penas ap ko diwes tchi. An peskro shero penas lo peske: Nai was leske tchomone, hoi kras les pale-tchiddo jek diweske. Doleske hi lo gar kai.