4. Mose 11:16 - O Debleskro Drom 2021 (Sinte)

¹⁶ Un o baro Dewel penas leske: “Le tuke efta-deesh mursha kol phurendar an Israel, kolendar, kai tu djineh, kai hi jon pralstune pral i menshende. An len glan o Debleskro plachteno kheer. Kote wenn le glan tute tardo.

O Debleskro Lab 2024 (Sinte-Manouche)

¹⁶ Oun o baro Devel penas leske: “Le touke efta-deesh morsha kol phourendar an Israel, kolendar, kay tou djineh, kay hi yon pralstoune pral i menshende. An len glan o Debleskro plarhteno kheer. Kote venn le glan toute tardo.

4. Mose 11:16 ပူးပေါင်းရင်းမြစ်များ

1. Mose 46:27

O Josefes his dui tchawe, kai an o them Egiptia bolde wan. Khetne lentsa his jon efta-desha menshe an o Jakobeskri familja, kai djan an o them Egiptia.

2. Mose 18:25

Jaake rodas o Mose peske tchatche murshen win un kras lendar pralstune pral i Israelitarja: Pralstune pral i serja un pralstune pral i sheel, ninna pral i paash-sheel un pral deesh.

2. Mose 24:1

Un o baro Dewel penas ap o Moseste: “Ab kate pre pash mande, tu un o Aron, o Nadab, o Abihu un 70 (efta-desha) i phurendar dran Israel. Kal mursha atchenn dureder krik tardo un mangenn man kote an!

2. Mose 24:9

Palle djas o Mose, o Aron, o Nadab, o Abihu un 70 (efta-deesh) i phurendar dran Israel ap i berga pre.

2. Mose 4:29

Un khetne djan le an o them Egiptia un dan i phureden i menshendar Israel khetne gole.

Jeremia 19:1

O baro Dewel penell: Dja pash ko mursheste, kai krell pirja, un gin tuke i khoro! Un le tuha pralstunen un phureder rashajen.

Ezekiel 8:11

Glan kol figure his 70 (efta-deesh) phureder dran o kheer Israel tardo, mank lende o Jaasanja, koleskro dad o Shafan his. Un hakeno lendar his i tcharo an o wast, kai sungepaskro koowa dren hi. Un dran kowa hadas pes i tampa pre.

4. Mose 11:24

Un o Mose djas win un penas i menshenge o baro Debleskre laba, un las khetne efta-deesh mursha kol phurendar, un tchiwas len trul o Debleskro kheer.

4. Mose 16:25

O Mose stas pre, un djas pash o Datan un o Abiram, un kol phureder mank i Israelitarja djan leske palla.

Louka 10:1

Pal kowa rodas o Jesus wawar efta-deesh murshen win. Un job bitchras len ap o drom glan peste, te djan le an i forja un gaba, kai job ninna wella. Hako kopo djan dui mursha khetne.

Louka 10:17

Un kol efta-deesh wan pale pash o Jesuseste. Un jon his bachtelo, un penan leske: “Ninna i benga shunenn ap mende, te penah mer lenge an tiro lab: Djan dran i menshende win!”

5. Mose 1:15

Un me lom i pralstune murshen dran tumare bare familjen, gosewe un an-dikle murshen un tchiwom len pral tumende, te wenn le tumare tchatchepangre mursha. Jon wan pralstune pral 1.000 (jek sero), pral 100 (jek sheel) un pral 50 (i paash-sheel) un pral 10 (deesh).

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.

5. Mose 31:28

O Mose penas dureder: “Penenn, te wenn i phureder dran tumare familje un tumare pralstune kate pash mande khetne, te penap kai gili glan lengre kanda. Un ap o bolepen un ap i phub dau me gole, te shunenn jon, hoi wella pral tumende, te mukenn tumer man.