4. Mose 11:10 - O Debleskro Drom 2021 (Sinte)

¹⁰ Har o Mose shunas, kai i tsele menshe khetne tardo his an i wudja glan lengre plachtene khera un rowan, koi tapras o baro Debles i choli, un ninna o Moseske his kowa doha.

O Debleskro Lab 2024 (Sinte-Manouche)

¹⁰ Har o Mose shounas, kay i tsele menshe khetne tardo his an i voudya glan lengre plarhtene khera oun rovan, koy tapras o baro Debles i rholi, oun ninna o Moseske his kova doha.

4. Mose 11:10 ပူးပေါင်းရင်းမြစ်များ

Debleskri gili 106:25

An pengre plachtene khera rakran le djungeles pral leste, un shunan gar ap o baro Debleste.

Debleskri gili 139:21

Baro Dewel, hunte choirap man gar ap kolende, hoi pen ap tute choirenn? Mange well djungeles, te dikau kolen, kai hadenn pen ap tute.

Debleskri gili 78:21

Har o baro Dewel kowa shunas, was lo chojedo ap o Jakobeskre tchawende. Peskri choli was ap o Israel har i jag.

Debleskri gili 78:59

Har o Dewel kowa shunas, was lo jaake chojedo, te das lo o Israel pre.

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Jeremia 17:4

Un tumer hunte djan dran kau them, hoi dom tumen hako tsireske. Un me krau, te wenn tumer budepangre kolenge, kai rikrenn tumen tele an i them, kai prindjrenn gar. Miri choli hi har i jag, hoi gar buder win djala.

4. Mose 11:1

Un kol menshe penan glan o baro Debleskre kanda, kai lenge djungeles djala. Un har o baro Dewel kowa shunas, was job chojedo un bitchras i jag, hoi chatchras win ap i platsa, kai lengre plachtene khera his.

4. Mose 11:11

Un o Mose penas ap o baro Debleste: “Hoske kreh tu mange, kai tiro budepaskro hom, o djipen jaake pharo? Hoske hi tut kek dji mange, un me hunte marap man tele kol tsele menshentsa?

4. Mose 11:9

Un te well rati i platsa sapeno, perell o manna koi pre.

4. Mose 12:3

O Mose his i mensho, kai kras pes gar bares. Kek mensho his ap i phub, kai his jaake har o Mose un hadas pes gar.

4. Mose 12:9

Un o baro Debleskri choli was pral lende. Un job djas krik.

4. Mose 16:27

Un jon djan penge un mukan koi platsa, kai djiwas o Korach un o Datan un o Abiram. O Datan un o Abiram djan win dran lengre plachtene khera un his tardo glan o wudar pengre djuwjentsa, tchawentsa, un tchawengre tchawentsa.

4. Mose 21:5

Un jon tchingran ap o Debleste un ap o Moseste un penan: “Hoske anal tu men dran o them Egiptia win, te meras mer an o mulo tato them, kai hi kek maro un kek pani? Un menge well djungelo ko chapastar, kai kek thulepen dren hi?”

Markus 10:14

Har o Jesus kowa dikas, was lo chojedo, un penas ap lende: “Mukenn kol tchawen pash mande te well! Ma rikrenn len pale! Sawe har jon, kolen das o Dewel gole, te djiwenn le khetne leha an o bolepen.

Markus 3:5

Kowa dukas les, kai lengro dji har i bar his. Un job dikas chojemen ap lende un penas ap ko mursheste: “Sike tiro wast!” Un job sikras peskro wast. Un ko wast was sasto.

5. Mose 32:22

Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.