4. Mose 10:9 - O Debleskro Drom 2021 (Sinte)

⁹ Te perenn wawar menshe an tumaro them dren un kamenn rai pral tumende te well, un tumer djan an o kurepen, te kurenn tumen lentsa, palle hunte phurdenn soreles an i phurdepangre, te wenn tumer tumaro baro Debleske an o shero. Un job lell tumen win dran lengre wasta.

O Debleskro Lab 2024 (Sinte-Manouche)

⁹ Te perenn vavar menshe an t'maro them dren oun kamenn ray pral t'mende te vell, oun t'mer djan an o kourepen, te kourenn t'men lentsa, palle hounte phourdenn zoreles an i phourdepangre, te venn t'mer t'maro baro Debleske an o shero. Oun yob lell t'men vin dran lengre vasta.

4. Mose 10:9 ပူးပေါင်းရင်းမြစ်များ

1. Mose 8:1

O Dewel bistras o Noah gar, witar gar i viechen, kai pash leste an o panjeskro kheer his: kol diwje vieche un kolla, kai gar diwje hi. Un o Dewel mukas i baro ducho pral i phub te phurdell. Koi djas o pani tele.

2. Familjakro liil 13:12

Dikenn, mentsa hi o Dewel un djal glan mende. Ninna leskre rashaja hi kate, te phurdenn le an i phurdepangre un denn men o sikepen, te djas mer an o kurepen tumentsa. Tumer Israelitarja, ma kurenn tumen o baro Debleha, kai o Dewel tumare phurendar hi! Tumenge djal kowa gar mishto win!”

2. Familjakro liil 13:14

Un har i lurde dran Juda pen trujel rissran, dikan le, kol Israelitarja his glan lende un ninna pal lende. Kote dan le ap o baro Debleste gole, un i rashaja phurdan an i phurdepangre.

Debleskri gili 106:4

Baro Dewel, tu dal tire menshende tiro lab, te wess ap lengri rig. Biste man gar un ab mange latcho!

Debleskri gili 106:42

Un kolla, kai lenge tchilatchepen kaman, rikran len tikno, un soreles his lengro wast ap lende tchiddo.

Debleskri gili 136:23

Job bistras men gar, har tele rikede hams. Leskro latchepen atchella hako tsireske!

Jesaja 18:3

Denn jak, tumer menshe, kai ap i phub djiwenn, te rikrell jek o themeskri plachta pre pral ap i berge, palle denn jak! Un te phurdell jek an i phurdepaskri, palle shunenn koi!

Jesaja 58:1

De bari gole! Rike tut gar pale! Hade tiri gole, te well li jaake sorelo har i phurdepaskri! Un pen mire menshenge, hawo tchilatcho koowa jon kran! Awa, pen o khereske Jakob, hawi doosh job ap peste las!

Jeremia 4:19

Har dukell man kowa, hawi daar hi an mande! Miro dji djal soreles an miro betch, me nai atchau gar pokones; me shunau koi phurdepaskri, un ko kurepaskri gole.

Jeremia 4:21

Har rah hunte dikap me kol kurepangro sikepen, un shunap koi phurdepangri gole?

Jeremia 4:5

Denn soreles gole an Juda, kharenn win an Jerusalem, un penenn: Phurdenn koi phurdepaskri an o tselo them! Denn win gole, te wenn le an i sorele forja khetne!

Jeremia 49:2

Doleske penell o baro Dewel: Ko tsiro well, kai mukau i kurepaskri gole te shunell: Lurde wenna pral o foro Rabba, ko baro foro fun i Ammonarja. O forestar Rabba atchell tchi pral har barra. Un kol wawar forja koi trujel wenn pre chatchedo. O Israel well o rai pral kolende, kai lan penge leskro them. Kowa penell o baro Dewel.

Jeremia 6:1

Tumer menshe dran o kheer Benjamin, nashenn dran Jerusalem! un phurdenn koi phurdepaskri an Tekoa! Krenn i jag ap i berga Bet-Kerem, te well o jagakro ducho i sikepen! Bari bibacht un merepen well kotar, kai norden hi.

Jeremia 6:17

Ninna dom tumen menshen, kai denn jak ap tumende. Denn garda koi pre, te phurdenn le i phurdepaskri, hoi sikrella: Bibacht wella … Jon penan: Mer kamah len gar te shunell.

Ezekiel 7:14

I menshe shunan, har an i phurdepaskri phurdedo was, te kharenn le len an o kurepen, un i kurepangre lan pengre karmangre. Un palle well miri choli jaake sik pral lende halauterende, te djal kek koi.

Hosea 5:8

Phurdenn an i phurdepaskri an i forja Gibea un Rama! Denn i kurepaskri gole an o foro Bet-Awen! Tumer kurepangre dran o kheer Benjamin, nashenn glan, mer nashah tumenge palla!

3. Mose 23:24

Pen ap i Israelitarja: Ko ersto diwes an o eftato tchon hunte well tumen sawo diwes, kai budrenn gar. Ap ko diwes phurdenn an i phurdepangre, un awenn khetne glan o baro Debleste.

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Zefanja 1:16

i diwes, kai i kurepaskri gole shunlo well, un an i phurdepangre phurdedo well, te djan i lurde an o kurepen, un phagenn tele kol sorele forja un bare massurja.

4. Mose 31:6

Un o Mose bitchras len an o kurepen. Lentsa djas o Pinhas, koleskro dad o rashai Eleasar his. Un o Pinhas las o Debleskro koowa peha, ninna kol kurepaskre phurdepangre.

1. Korintarja 14:8

Te djan i lurde an o kurepen, palle phurdell jek ap i bashepaskri. Un job te phurdella jaake djungeles, te haiwell les kek, palle djal kek an o kurepen.

5. Mose 20:1

Te djan tumer win an o kurepen, te kurenn tumen kolentsa, kai kamenn tumen gar an o them, un tumer dikenn lengre graja un kurepaskre wurdja un lengre lurden, kai hi bud budeder har tumer, palle ma darenn lendar! Tumaro baro Dewel hi tumentsa, kowa kai tumen dran o them Egiptia win anas.

Josua 6:5

Te shunenn i lurde, har i rashaja lengsto an pengre phurdepangre phurdenn, hunte denn le halauter i bari kurepaskri gole. Palle perenn i pre-tchidde barra trul o foro an pende khetne. Un i tsele lurde nai djan haki rigjatar an o foro dren.”

Čačepangre 10:12

i Sidonarja, i Amalekarja un i Maonarja? Un har tumer ap mande gole dan, lom me tumen dran lengre wasta win.

Čačepangre 10:8

Un 18 (deesh-te-ochta) bersha lan jon kol Israelitarjen palla, kai djiwenn ap i wawar rig o panjestar Jordan an o them Gilead, kai i Amorarja djiwan, un kran lenge o djipen phares.

Čačepangre 2:18

Un te mukas o baro Dewel lenge tchatchepangre murshen pre te stell, palle his job ko tchatchepaskro mursheha, un las len win dran i tchilatche wasta. Les khaitas lengro ropen pral kolende, kai lenge o djipen phares kran. Jaake rah har ko tchatchepaskro rai djiwas, shunan le ap o baro Debleste.

Čačepangre 3:27

Un har lo kote was an o pralstuno them Efrajim, phurdas lo an i phurdepaskri, te kharell lo i Israelitarjen khetne o kurepaske. Un jon djan leha i berga tele. Un job djas glan lende,

Čačepangre 6:34

Kote was o baro Debleskro ducho pral o Gideon. Un job phurdas an i phurdepaskri, te dell lo i Abijesarja khetne gole, te wenn le leske palla an o kurepen.

Čačepangre 6:9

un lom tumen win dran i wasta i menshendar an o them Egiptia un lauterendar, hoi tumenge o djipen phares kran, un tradom len glan tumende win, un dom tumen lengro them.

1. Samuel 10:18

Un job penas ap lende: “Kawa penell o baro Dewel, kai o Israeleskro Dewel hi: Me anom o Israel dran o them Egiptia win, un lom tumen dran o wast i Egiptarendar win, un ninna dran i wasta lauterendar, kai an i themma trul tumende djiwenn un tumen tiknes rikran.