4. Mose 10:21 - O Debleskro Drom 2021 (Sinte)

²¹ Pal lende djan kol Kohatarja, un hidjran ko koowa o Debleskro plachteno khereske. Kau kheer hunte was pale pre-tchiddo, bis te kol Kohatarja pal wan.

O Debleskro Lab 2024 (Sinte-Manouche)

²¹ Pal lende djan kol Kohatarya, oun hidjran ko koova o Debleskro plarhteno khereske. Kava kheer hounte vas pale pre-čiddo, bis te kol Kohatarya pal van.

4. Mose 10:21 ပူးပေါင်းရင်းမြစ်များ

1. Familjakro liil 15:2

An ko tsiro penas o David: “Kek hunte hidjrell o mochton o Debleskre deesh labentsa, har kokres i Levitarja, kolen rodas o baro Dewel win, te hidjrenn jon ko mochton, un te budrenn jon leske hako tsiro.”

1. Familjakro liil 23:24

Kolla hi i tchawe o murshestar Levi, kai his biish bersh un phureder. Lengre laba his pre tchinlo pal lengre familjende, kolengre pralstune jon his. Jon wan win rodedo, te krenn le i budi an o baro Debleskro kheer.

4. Mose 1:51

Un te djan tumer dureder, tchiwenn kol Levitarja o Debleskro plachteno kheer khetne. Un te tchiwenn tumer tumare plachtene khera pre, palle tchiwenn i Levitarja o Debleskro kheer pale pre. Hako wawar, kai well pash o kheer, hunte merella.

4. Mose 10:17

Palle kran jon o Debleskro plachteno kheer tele. Un kol menshe dran i familje Gershon un Merari djan un hidjran ko plachteno kheer.

4. Mose 2:17

Pal lende djan i Levitarja. Jon hunte lenn o Debleskro plachteno kheer lentsa, kai o Debleskre deesh laba dren hi, un djan mashkral kol wawar menshende. Un jaake har jon pengre plachtene khera pre tchiwenn, jaake hunte djan jon ninna dureder: hakeno ap koi platsa, kai lengre pre-tchiddi plachta hi.

4. Mose 4:20

I Kohatarja hunte djan gar kokres koi dren, witar gar dikenn jon o Debleskro koowa, te merenn jon gar.”

4. Mose 7:9

Kolen, kai wan pal o Kohat, das job tchi. Lengri budi his, te hidjrenn le o Debleskro koowa, hoi an leskro kheer his. Kowa hunte hidjrenn le ap pengre phika.