4. Mose 10:1 - O Debleskro Drom 2021 (Sinte)

¹ Un o baro Dewel rakras o Moseha un penas:

O Debleskro Lab 2024 (Sinte-Manouche)

¹ Oun o baro Devel rakras o Moseha oun penas:

4. Mose 10:1 ပူးပေါင်းရင်းမြစ်များ

1. Mose 42:13

Penan jon: “Miro rai, deesh-te-dui phrala ham mer. Ham tchawe jek romestar an o them Kanaan. O terneder hi kanna pash maro dadeste. Un jek hi buder gar koi.”

1. Mose 46:15

Kolla hi i tchawe un tchawengre tchawe o Jakobestar un i Lea, kai an Paddan-Aram bolde wan, ninna lengri tchai, i Dina. Lauter khetne his jon 33 (trijanda-te-triin) tchawe un tchawengre tchawe.

2. Samuel 6:15

O David un i tsele menshe dran Israel anan o baro Debleskro mochton pral an o foro Jerusalem, un dan gole i bachtjatar un bashran ap i phurdepangre.

2. Rajengro liil 11:14

Un dikas o newo baro rajes kote tardo, kai i platsa o baro rajeske his: pash i bari lengsto bar. Un trul leste his i pralstune lurde un i phurdepangre tarde. Un i tsele menshe ko themestar his bachtelo un phurdan an pengre bashepangre. I Atalja tserdas peskre ripja an kotja un das gole: “Phukepen, Phukepen!”

2. Familjakro liil 23:13

Un dikas o newo baro rajes ap peskri platsa an o wudar tardo. Un trul leste his i pralstune lurde un i phurdepangre tarde. Un i tsele menshe ko themestar his bachtelo, un i phurdepangre phurdan an pengre bashepangre. Ninna i gipangre his koi, un o bashepah ap pengre dorjengre bashepangre giwan le glan, un i menshe giwan lentsa. I Atalja tserdas peskre ripja an kotja un das gole: “Phukepen, Phukepen!”

2. Familjakro liil 7:6

Un i rashaja kran pengri budi. Un i Levitarja his pashel tardo un bashran ap pengre dorjengre bashepangre, hoi kerdo his o baro Debleske. Kal bashepangre mukas o baro rai, o David glan i tsiro te krell, te sharenn le o baro Debles. Jon bashran un giwan koi Debleskri gili, hoi o David kras: “Leskro latchepen hi an hako tsiro menge koi.” Un i rashaja his ap i wawar rig tardo, un phurdan an i phurdepangre. Un i tsele Israelitarja his koi tardo.

Esra 3:10

Un har tchiwan i budepangre i telstune barra pre o baro Debleskro khereske, his i rashaja koi tardo an pengre rashajengre ripja un phurdan an pengre phurdepangre. Un i Levitarja, kolengro phuro dad o Asaf his, kolen his pengre bashepangre, hoi kharenn Zimbale, ninna pashel, te nai sharenn le o baro Debles, jaake har o David, ko baro rai pral Israel kowa penas.

Debleskri gili 47:5

Job rodas menge o them win, un das les mende, te djiwas kote. Pral kowa ham bachtelo, mer, i tchawe o Jakobestar, kolen job bud kamell.

Debleskri gili 81:3

Giwenn leske Debleskre gilja! Denn ap i pauka! Bashrenn ap i dorjengre bashepangre!

Debleskri gili 98:6

Bashrenn ap i phurdepangre un shinga! Denn gole i bachtjatar glan o baro Debleste! Job hi tumaro baro rai.

4. Mose 1:52

Te djan tumer gar dureder, hunte beshenn pen i Israelitarja hakeno pash peskre menshende un pash ko pre-tchiddo kotar than, hoi sikrella, hawe menshendar jon hi.

4. Mose 10:2

Kre tuke dui phurdepangre dran latcho rup! An kolende well dren phurdedo, te kameh tu, te wenn i tsele Israelitarja khetne, ninna te hunte djan le dureder.

4. Mose 29:1

Un ap o ersto diwes an o eftato tchon hunte wenn khetne glan o baro Debleste. Kek budi hunte krenn ap ko diwes. Kawa hunte well tumenge i diwes, kai phurdenn i phurdepaskri.

4. Mose 7:2

Koi wan kol pralstune pral i Israelitarja un anan kutch koowa o Debleske. Hakeno his o pralstuno pral jek kol deesh-te-dui bare familjendar, kai wan kol deesh-te-dui Jakobeskre tchawendar. Un jon his kolla, kai tchinan i laba kolendar pre, kai an lengre familje hi.

4. Mose 9:23

Un te penas o baro Dewel, te atchenn jon, tchiwan jon pengre plachtene khera pre, un te penas job, te djan jon, jaake djan jon. Un jaake shunan jon ap o baro Debleste un kran halauter jaake, har job ap o Moseste penas.

Mateo 24:31

Un job bitchrell peskre bolepangren pral i tseli phub. Un kolla phurdenn an i bashepangre, te anenn le dran hako them kolen khetne, kai o Dewel peske win rodas.

Josua 6:4

Un efta rashaja hunte hidjrenn efta phurdepangre un djan glan o mochton, kai o Debleskre deesh laba dren hi. Ap o eftato diwes djan tumer efta kope trul o foro trujel. Un i rashaja phurdenn koi pashel an pengre phurdepangre.

Debleskro tsiro 8:2

Un me dikom kol efta bolepangren, kai glan o Debleskro beshepaskro tardo hi. Kolla lan efta phurdepangren.

Čačepangre 7:20

Kanna phurdan kol triin-sheel lurde an pengre phurdepangre, un dan pengre khore paash. Un jon rikran pengro serwo wasteha o kasht, hoi chatchell, un pengro tchatcho wasteha pengri phurdepaskri, te phurdenn le dren, un dan gole: “Kuras men o baro Debleske un o Gideoneske!”