4. Mose 1:51 - O Debleskro Drom 2021 (Sinte)

⁵¹ Un te djan tumer dureder, tchiwenn kol Levitarja o Debleskro plachteno kheer khetne. Un te tchiwenn tumer tumare plachtene khera pre, palle tchiwenn i Levitarja o Debleskro kheer pale pre. Hako wawar, kai well pash o kheer, hunte merella.

O Debleskro Lab 2024 (Sinte-Manouche)

⁵¹ Oun te djan t'mer doureder, čivenn kol Levitarya o Debleskro plarhteno kheer khetne. Oun te čivenn t'mer t'mare plarhtene khera pre, palle čivenn i Levitarya o Debleskro kheer pale pre. Hako vavar, kay vell pash o kheer, hounte merella.

4. Mose 1:51 ပူးပေါင်းရင်းမြစ်များ

2. Samuel 6:7

Kowa hunte krals lo gar. Job hunte tapras gar i Debleskro koowa an. Koi was o baro Debleskri choli pral o Usa. Un o Dewel maras les koi. Un job meras koi pash o Debleskro mochton.

4. Mose 10:11

Ap o biishto diwes an o duito tchon an o duito bersh hadas pes koi bari wolka, hoi pral o Debleskro kheer his, kai o Debleskre deesh laba dren hi.

4. Mose 17:13

Un job his tardo mashkral kol mulende un kol djidende. Koi djas koi phagi krik.

4. Mose 17:5

jaake har penas o baro Dewel kowa o Moseske. Kol sane sasterne patria his i sikepen, te denn kol Israelitarja jak, te well kek mursh, kai gar o Aroneskre menshendar hi, un anell sungepaskro koowa glan o baro Debleste, te djal leske gar jaake har o Koracheske un kolenge, kai pash leste his.

4. Mose 18:22

Kanna un an ko tsiro, hoi wella, hunte djan kokres i Levitarja pash o Debleskro kheer, un gar i wawar Israelitarja, te lenn jon kek doosh ap pende un merenna. Kol Levitarja hunte krenn koi budi ap o Debleskro kheer. Un jon hunte hidjrenn i doosh ap pende, te well tchomone kerdo, hoi gar tchatcho hi. Kowa hunte well jaake hako tsireske pash kolende, kai pal tumende wenna. Un len hunte well kek kotar phub, hoi djal dureder o dadestar ap o tchaweste, har kowa i wawar Israelitarja lenna.

4. Mose 18:3

Un kol wawar Levitarja hunte budrenn tuke, un krenn koi budi ap o tselo Debleskro kheer. O Debleskri chatchepaskri un ko tselo Debleskro koowa, koleha budreh tu an o Debleskro kheer, kowa taprenn le gar an, te merenn jon gar, un tumer lentsa.

4. Mose 18:4

I Levitarja hunte wenn tumenge pash o wast pash i tseli budi ap o Debleskro kheer. Mukenn kek wawares tumenge pash o wast te well!

4. Mose 18:7

Tu un tire tchawe, tumer han mire rashaja, te krenn tumari budi pash o Debleskri chatchepaskri un dren an o kutch isema, hoi pal o wudar dran o kutch kotar than hi. Kai budi dom me tumen. Te well jek wawar pash o Debleskro koowa, hoi koi dren hi, hunte merell lo.

4. Mose 3:10

Ap o Aroneste un ap leskre tchawende hunte peness tu, te denn jon jak, te krell kek wawar lengre rashajeskri budi. Te well i wawar, te krell lo kai budi, hunte merell job.”

4. Mose 3:38

Glan o Debleskro kheer, ap koi rig, kai o kham pre djala, hunte well koi platsa o Moseske un o Aroneske peskre tchawentsa, te denn jon garda, te well o Debleskri budi mishto kerdo i tsele Israelenge. Un te well i wawar pash o Debleskro kheer, te krell lo kai budi, hunte merell lo.

1. Samuel 6:19

An o foro Bet-Shemesh his menshe, kai dikan an o mochton, kai o Debleskre deesh laba dren hi. Un o baro Dewel maras lendar efta-deesh (70) murshen. Un i tsele menshe rowan, te das len o baro Dewel jaake phares.