4. Mose 1:2 - O Debleskro Drom 2021 (Sinte)

^2-3 Tu un o Aron, tchinenn an i liil har bud mursh Israelitarja koi hi, kai hi soreles doha, te wenn le lurde. Tchinenn i laba hake murshendar pre, kai hi biish bersha phuro un phureder! Tchinenn ninna pre dran hawi familja jon wenna un koon lengro dad hi!

O Debleskro Lab 2024 (Sinte-Manouche)

^2-3 Tou oun o Aron, činenn an i liil har boud morsh Israelitarya koy hi, kay hi zoreles doha, te venn le lourde. Činenn i laba hake morshendar pre, kay hi biish bersha phouro oun phoureder! Činenn ninna pre dran havi familya yon venna oun koon lengro dad hi!

4. Mose 1:2 ပူးပေါင်းရင်းမြစ်များ

2. Mose 12:37

Un i Israelitarja djan win dran o foro Ramses un djan pash o foro Sukkot. Kokres i mursha his 600.000 (shob-sheel-serja). Ninna lengre romja un tchawe his pashel.

2. Mose 30:12

Dik, har bud mursha hi mank i Israelitarja! Un pen lenge, te hunte denn le man lowe, te atchenn le djido, te well kek bibacht ap lende an kol diwessa, kai wenn lengre laba pre tchinlo.

2. Mose 38:25

Ko rup, hoi was khetne, har an i liil tchinlo was, har bud mursha koi hi, ko rup his budeder har 100 (sheel) zentnarja. Jek zentnari his jaake bud har jek zentnari an o Debleskro kheer pharo his.

2. Mose 38:26

I tsele mursha, kai phureder his har biish bersha, his 603.550 (shob-sheel-te-triin-serja-pantch-sheel-te-pantch-desha) mursha. Hakeno lendar das i paash rupeno kotar. Jek paash kotar rup his jaake bud har jek paash kotar rup an o Debleskro kheer pharo his.

4. Mose 1:18

Un jon anan i tsele Israelitarja khetne ap o ersto diwes an o duito tchon. Un i tsele mursha, hoi his biish bersh un phureder, mukan pengre laba an lila dren te tchinell. Jon wan jaake pre-tchinlo, te was diklo dran hawi familja hakeno was un koon leskro dad his.

4. Mose 1:19

Kowa kran le an o mulo tato them Sinai jaake har o baro Dewel ap o Moseste penas.