3. Mose 9:17 - O Debleskro Drom 2021 (Sinte)

¹⁷ Ninna anas lo ko jarro, kai djet dren hi, las i wast pherdo un chatchras les ap i chatchepaskri, jaake har kras lo ap i tsalla, har lo o vieches o Debleske anas, koleskro tselo mass chatchedo was.

O Debleskro Lab 2024 (Sinte-Manouche)

¹⁷ Ninna anas lo ko yarro, kay djet dren hi, las i vast pherdo oun rhačras les ap i rhačepaskri, yaake har kras lo ap i tsalla, har lo o firhes o Debleske anas, koleskro tselo mass rhačedo vas.

3. Mose 9:17 ပူးပေါင်းရင်းမြစ်များ

1. Familjakro liil 16:40

Jon hunte anan o baro Debleske hako diwes viechen, kai leske tseles chatchedo wenn ap i sasterni chatchepaskri, taissarlakro un ratsjakro. Jaake his glan tchinlo an o Moseskre lila, kai tardo hi, hoi o baro Dewel peskre menshendar Israel kamella.

2. Familjakro liil 2:3

Dik, kanna kamau me i kheer miro baro Debleske te krell, – i kheer, hoi leske hi, kai nai mangah les an, un nai chatchrah latcho sungepaskro koowa glan leste, un tchiwah hako tsiro maro glan leste win, un chatchrah viechen leske taissarlake un rati, ninna ap o Debleskro diwes, un ap ko diwes, kai o newo tchon diklo well, un ap wawar bare diwessa, te sharas maro baro Debles. Job penas menge, te kras mer kowa hako tsiro.

3. Mose 3:5

Un i rashaja dran o kheer Aron chatchrenn kowa lauter ap o Debleskri chatchepaskri, ap ko kasht, hoi pral i jag hi. Jon chatchrenn kowa khetne ko wawar viecheha, hoi well o Debleske tseles chatchedo. Un o sungepen, hoi well win, sungell mishto o baro Debleske.

3. Mose 9:1

Har o ochtato diwes was, kharas o Mose o Arones un leskre mursh tchawen un i phureder dran Israel pash peste,

Johanni 6:53

Koi penas o Jesus ap lende: “Tchatchepah, me penau tumenge: Te chan tumer gar o Menshengro Tchaweskro mass, un pijenn gar leskro rat, hi tumen gar o djipen, hoi gar pre-herella.

Galatarja 2:20

Kowa hom gar me, kai djiwau kanna. Hi o Jesus Kristo, kai djiwell an mande. Un ko djipen, hoi kanna djiwau, djiwau me an o patsepen ap o Debleskro tchaweste. Job kamas te djiwap, un das peskro djipen mange an o merepen.