3. Mose 8:4 - O Debleskro Drom 2021 (Sinte)

⁴ O Mose kras jaake har o baro Dewel penas. Un i tsele Israelitarja wan khetne glan o wudar o Debleskro plachteno kherestar.

O Debleskro Lab 2024 (Sinte-Manouche)

⁴ O Mose kras yaake har o baro Devel penas. Oun i tsele Israelitarya van khetne glan o voudar o Debleskro plarhteno kherestar.

3. Mose 8:4 ပူးပေါင်းရင်းမြစ်များ

2. Mose 39:1

Un jon kran shukar rashajengre ripja dran kutch bakrengro bal, hoi blaueto, lolo un lolo har jag kerdo was, te riwell len o Aron pash peskri budi an o Debleskro kheer. Jon kran kal ripja jaake har o baro Dewel o Moseske penas, te krenn le len.

2. Mose 39:21

Palle tchiwan le i dori dran blaueto kutch bakrengro bal an kol dui gustria, hoi ap o betcheskri possita hi, un pandan lat jaake ap i gustria ap i damdira, te hi li soreles rikedo pral o pereskro pandepen, hoi rikrell i damdira khetne. Kowa kran le jaake har o baro Dewel o Moseske penas.

2. Mose 39:26

te well jek phabi, palle jek bashepaskri, palle jek phabi, un jaake trul i tseli baja. Kai baja riwell o rashai te djal lo an o Debleskro kheer. Lauter kran le jaake har o baro Dewel o Moseske penas.

2. Mose 39:29

Un o Aroneske kran le i pereskro pandepen an shukar wastengri budi dran latcho sorelo laintikro than, kai ninna kutch bakrengro bal dren hi, hoi blaueto, lolo un lolo har jag kerdo was. Lauter kran le jaake har o baro Dewel o Moseske penas.

2. Mose 39:5

Ko pereskro pandepen was jaake kerdo har i damdira: dran latcho sorelo laintikro than, kai sonakai dren sido was, ninna kutch bakrengro bal, hoi blaueto, lolo un lolo har jag kerdo was. I damdira un lakro pandepen his dran jek kotar than. Jon kran kowa jaake, har o baro Dewel o Moseske penas.

2. Mose 39:7

Un jon kran kol barra ap i damdira pre, kote, kai i phika hi, te bistrell o baro Dewel gar i Israelitarja. Jon kran kowa jaake har o baro Dewel o Moseske penas.

3. Mose 8:13

Un o Mose mukas o Aroneskre tchawe glan te well, un riwas lenge i laintikre gada an, un pandas lenge i pereskro pandepen trujel, un tchiwas i rashajengre stadja ap lengre shere. Kowa lauter kras lo jaake, har o baro Dewel kowa leske penas.

3. Mose 8:17

Kowa, hoi pral atchas kau viechestar, leskri hauta un leskro mass, un ko chapen, hoi an leskre buke his, chatchras lo an i jag win glan koi platsa, kai i menshe his, jaake har o baro Dewel leske penas, te krell lo.

3. Mose 8:29

O Mose las o betch ko duito bakrestar, un hadas les pre glan o baro Debleste, te sikrell lo, kai kowa leske hi. Kau betch his ko kotar, hoi nai las o Mose peske, te chal lo les. Jaake penas kowa o baro Dewel.

3. Mose 8:3

Muk i tsele Israelitarjen glan o wudar o Debleskro plachteno kherestar khetne te well.

3. Mose 8:35

Efta diwessa un ratsja hunte atchenn tumer glan o wudar o baro Debleskro plachteno kherestar. Krenn, hoi job penas, te merenn gar! Jaake penas lo kowa mange.

3. Mose 8:5

Un o Mose penas ap lende: Kawa hi, hoi o baro Dewel penas, te hunte kras mer.

3. Mose 8:9

Palle tchiwas lo o shereskro pandepen trul leskro shero, un glan ap koleste i tikno sonakaskro kotar, jaake har o baro Dewel les o Moseske penas.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

1. Korintarja 11:23

Hoi me tumenge penom, kowa penas mange o rai Jesus. Koi rati, kai was ap maro rajeste, o Jesuseste, phukedo, las job ko maro,

1. Korintarja 15:3

Ko bareder lab, hoi mange penlo was, un hoi me tumenge penom, hi kawa: O Jesus Kristo meras menge, te lell lo mari doosh mendar krik, jaake har an o Debleskro lab tchinlo hi.