3. Mose 8:33 - O Debleskro Drom 2021 (Sinte)

³³ Atchenn efta diwessa glan o wudar o baro Debleskro kherestar! Djan gar kotar krik, bis te kol diwessa trujel hi, kai i vieche maredo un chatchedo wenn doleske, kai wenn tumer dren tchiddo an tumari budi.

O Debleskro Lab 2024 (Sinte-Manouche)

³³ Ačenn efta divessa glan o voudar o baro Debleskro kherestar! Djan gar kotar krik, bis te kol divessa trouyel hi, kay i firhe maredo oun rhačedo venn doleske, kay venn t'mer dren čiddo an t'mari boudi.

3. Mose 8:33 ပူးပေါင်းရင်းမြစ်များ

2. Mose 29:30

Koon leskre tchawendar rashai wella, kowa riwell o Aroneskre koola an ap ko diwes, kai well lo rashai. Job hidjrell len an kol efta diwessa, kai djal lo an o Debleskro plachteno kheer, te budrell lo o Debleske.

2. Mose 29:35

Jaake kress tu o Aroneha un leskre tchawentsa lauter, hoi me tuke penom. Efta diwessa kress tu jaake, te wenn le rashaja.

3. Mose 14:8

Kowa, kai sasto was, thowell peskre koola un tchinell peskre tsele balla tele, un thowell pes. Palle hi lo erligo, un nai well pale ap i platsa, kai i menshe djiwenn. Efta diwessa atchell lo win glan peskro plachteno kheer.

3. Mose 15:13

Te well ko nasselo pale sasto, ginell lo peske efta diwessa tele. Palle thowell lo peskre koola un thowell pes djudjo panjeha tele; palle hi lo pale erligo.

3. Mose 8:34

Jaake har kau diwes vieche un chapen glan o baro Debleste anlo wan, jaake hunte well kerdo ap kol diwessa, kai wenna, te well tumari doosh krik lino. Kowa penas o baro Dewel.

4. Mose 19:12

Job hunte thowell pes ap o triinto diwes un ap o eftato diwes ko panjeha, hoi lell i pale-tchiddo koowa i menshestar krik. Palle well lo djudjo un erligo. Te thowell lo pes gar jaake ap o triinto diwes un ap o eftato diwes, atchell lo pale-tchiddo.