3. Mose 8:27 - O Debleskro Drom 2021 (Sinte)

²⁷ Kowa lauter das lo an i wasta o Aronestar un leskre mursh tchawendar. Un jon hadan les pre glan o baro Debleste, te sikrenn le, kai kowa leske hi.

O Debleskro Lab 2024 (Sinte-Manouche)

²⁷ Kova lauter das lo an i vasta o Aronestar oun leskre morsh čavendar. Oun yon hadan les pre glan o baro Debleste, te sikrenn le, kay kova leske hi.

3. Mose 8:27 ပူးပေါင်းရင်းမြစ်များ

Jeremia 30:21

Un lengro rai well dran lende. Awa, lengro pralstuno hi jek lendar. Me mukau les glan mande te well. Kek nai well glan mande un atchell djido, te mukau les gar. Kowa penell o baro Dewel.

3. Mose 14:12

O rashai lell ko jek terno bakro un ko jek-paash litari djet, un hadell kowa pre glan o baro Debleste, te well ko mensho pale erligo kerdo glan o Debleste.

3. Mose 8:28

Un o Mose las lauter pale dran lengre wasta, tchiwas les ap o Debleskri chatchepaskri pral pre ap ko mass ko viechestar, hoi well tseles chatchedo, un mukas les te chatchrell. Kawa hi ko chapen, hoi was o baro Debleske chatchedo, har wan i rashaja an pengri budi dren tchiddo. Un o latcho sungepen, hoi was win, sungas mishto o baro Debleske.

Hebrearja 9:14

kitse sorleder hi o Jesus Kristeskro rat. O Debleskro Ducho, kai djiwella hako tsiro, das o Jesus Kristeste i soor, te nai das lo peskro djipen an o merepen. Un job meras o Debleske jaake har i bakro, ap koleste kek doosh hi. Kowa kras lo, te lell lo mari doosh mendar, jaake te djiwas mer buder gar pal kol laba, hoi tchi moldo hi un i menshe an o merepen anenna. Kanna hi maro dji djudjo, un mer nai wah tchatchepah o djido Debleske koi.