3. Mose 8:17 - O Debleskro Drom 2021 (Sinte)

¹⁷ Kowa, hoi pral atchas kau viechestar, leskri hauta un leskro mass, un ko chapen, hoi an leskre buke his, chatchras lo an i jag win glan koi platsa, kai i menshe his, jaake har o baro Dewel leske penas, te krell lo.

O Debleskro Lab 2024 (Sinte-Manouche)

¹⁷ Kova, hoy pral ačas kava firhestar, leskri hauta oun leskro mass, oun ko rhapen, hoy an leskre bouke his, rhačras lo an i yag vin glan koy platsa, kay i menshe his, yaake har o baro Devel leske penas, te krell lo.

3. Mose 8:17 ပူးပေါင်းရင်းမြစ်များ

2. Mose 29:14

O mass, i hauta un ko chapen, hoi an i buke hi, chatchress tu win glan koi platsa, kai tumer djiwenna. Kowa lauter well jaake kerdo, te well i rashajengri doosh krik lino.

Ezekiel 43:21

Un tu less ko terno gurum, hoi i doshake maredo was, te well lo chatchedo ap i platsa, hoi koleske koi hi, win glan i massuri, hoi hi trul o Debleskro kheer.

3. Mose 16:27

Kowa, hoi pral atchas ko terno gurumestar un koi mursh busjatar, kolengro rat an i kutch isema anlo was, te well i doosh un o pale-tchiddo koowa krik lino, kol kotja anell jek win glan i platsa, kai i menshe hi, un chatchrell kote lauter, koi hauta, ko mass, un kol buke.

3. Mose 4:21

Kowa, hoi kau gurumestar pral atchas, anell job win, krik dran koi platsa, kai i menshe hi, un chatchrell les jaake har job kowa chatchras, hoi ko gurumestar pral atchas, hoi job peskri doshake maras. Jaake hunte well i gurumeha kerdo, hoi maredo well, te well i doosh i tsele Israelendar krik lino.

3. Mose 9:11

O mass un i hauta chatchras lo win glan koi platsa, kai i menshe his.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.