3. Mose 7:6 - O Debleskro Drom 2021 (Sinte)

⁶ I mursha un i mursh tchawe dran i rashajengre familje nai chan o mass ap i Debleskri platsa. Ko mass well i viechestar, hoi o baro Debleske anlo was. Doleske nai chal les kek wawar.

O Debleskro Lab 2024 (Sinte-Manouche)

⁶ I morsha oun i morsh čave dran i rashayengre familye nay rhan o mass ap i Debleskri platsa. Ko mass vell i firhestar, hoy o baro Debleske anlo vas. Doleske nay rhal les kek vavar.

3. Mose 7:6 ပူးပေါင်းရင်းမြစ်များ

Ezekiel 42:13

O mursh penas ap mande: Kal isema, kolla ap i nordetikri rig, un kolla ap koi rig, kai o kham pralstunes tardo hi, hoi pash koi platsa tchiddo hi, hoi pal o Debleskro kheer hi, kolla hi kolenge, kai budrenn o Debleske. I rashaja, kai glan o baro Debleste pengri budi krenn, nai chan kote pengro kotar kolestar, hoi o Debleske anlo was, un hoi kokres i rashaja nai chan. An kal iseme tchiwenn le kowa, hoi o Debleske anlo was: ko djob, un ko mass kol viechendar, hoi i doshake maredo wan un doleske, te well lauter pale mishto. Kal iseme hi koleske, hoi o Debleske hi.

3. Mose 2:3

Kowa, hoi o jarrestar o djeteha pral atchell, hi o Aroneske un leskre tchawenge. Kowa hi i Debleskro chapen un hi i rashajenge kokres.

3. Mose 21:22

Ko chapen, hoi o Debleske anlo was, nai chal lo, ninna ko chapen, hoi kokres i rashajenge hi.

3. Mose 6:11

Kokres kol mursh tchawe, kai wenn o Aronestar, nai chan kolestar. Kowa hi hako tsireske lengro kotar kolestar, hoi i menshe o baro Debleske anenna. Hako wawar, kai taprell kowa an, lell peskri phagi.

3. Mose 7:5

O rashai mukell kowa lauter ap i chatchepaskri pre te chatchrell o baro Debleske. Jaake well ko mensheskri doosh pale mishto kerdo.

Haggai 2:12

“Te hidjrals jek an peskro ripen mass, hoi o Debleske hi, un taprals kau ripeha maro an, keredo chapen, mool, un djet, wals ko koowa palle ninna o Debleske?” Un i rashaja rakran pale pale, un penan “Na-a.”

1. Korintarja 10:18

Kowa hi jaake, har pash i menshende an Israel. Jon wan khetne un chan kol viechendar, kai anan le o Debleske. Lauter kolla, kai chan, his khetne. Un o Dewel his mank lende.

1. Korintarja 9:13

Djinenn tumer gar, kai kolla, kai an o Debleskro baro kheer budrenna, kote lenna, hoi len hunte well djipaske? Un kolla, kai anenn marede viechen glan o Debleste, kolla nai chan ninna i kotar kolestar, hoi o Debleste dino wella.