3. Mose 7:5 - O Debleskro Drom 2021 (Sinte)

⁵ O rashai mukell kowa lauter ap i chatchepaskri pre te chatchrell o baro Debleske. Jaake well ko mensheskri doosh pale mishto kerdo.

O Debleskro Lab 2024 (Sinte-Manouche)

⁵ O rashay moukell kova lauter ap i rhačepaskri pre te rhačrell o baro Debleske. Yaake vell ko mensheskri doosh pale mishto kerdo.

3. Mose 7:5 ပူးပေါင်းရင်းမြစ်များ

3. Mose 1:9

I buke un i herja hunte wan thodo. Kowa krell ko mursh, kai anas ko vieches. Un o rashai mukell halauter ap i chatchepaskri pre te chatchrell. Jaake hunte well i viecho anlo glan o Debleste, hoi well leske tseles chatchedo. Un o latcho sungepen, hoi well win, sungell mishto o baro Debleske.

3. Mose 2:16

O rashai lell i kotar kol djobendar un djetestar tele, un chatchrell kowa khetne ko tselo sungepaskro koowa. Kowa hi i sikepen, kai ko tselo djob, hoi anlo was, o baro Debleske hi.

3. Mose 2:2

Un job anell kowa pash i rashajende dran o kheer Aron. Jek lendar lell i wast pherdo jarro o djeteha un ko tselo sungepaskro koowa, un mukell kowa ap i chatchepaskri te chatchrell. Kowa sikrell, kai ko tselo chapen, hoi anlo was, o Debleske hi. Un o latcho sungepen, hoi well win, sungell mishto o baro Debleske.

3. Mose 2:9

Un o rashai lell tchomone lestar un chatchrell les ap i chatchepaskri. Kowa sikrell, kai ko tselo chapen, hoi anlo was, o Debleske hi. Un o latcho sungepen, hoi well win, sungell mishto o baro Debleske.

3. Mose 3:16

Un o rashai chatchrell kowa lauter ap o Debleskri chatchepaskri. Kolla hi kol kotja o viechestar, hoi o baro Debleske hi. Un o sungepen, hoi well win, sungell leske mishto. O tselo thulepen hi o baro Debleske.

3. Mose 3:3

I feteder kotja o viechestar wenn chatchedo o baro Debleske. Kal kotja hi: o thulepen, hoi ap un pral i buke hi,

3. Mose 5:7

Te hi ko mursh tchorwelo un nai anell kek bakri witar kek busni, nai anell lo dui taube. Kolla nai hi dui diwje taube oder dui wawar taube, jek, te well i doosh krik lino, un jek, hoi o baro Debleske tseles chatchedo well.

3. Mose 7:4

kol dui niere un ko thulepen, hoi ap lende hi, un ko thullo kotar, hoi ap i lebra hi. Pash i niere hunte well o thulepen tele tchinlo.

3. Mose 7:6

I mursha un i mursh tchawe dran i rashajengre familje nai chan o mass ap i Debleskri platsa. Ko mass well i viechestar, hoi o baro Debleske anlo was. Doleske nai chal les kek wawar.

Galatarja 2:20

Kowa hom gar me, kai djiwau kanna. Hi o Jesus Kristo, kai djiwell an mande. Un ko djipen, hoi kanna djiwau, djiwau me an o patsepen ap o Debleskro tchaweste. Job kamas te djiwap, un das peskro djipen mange an o merepen.

Galatarja 5:24

Kolla, kai djiwenn o Jesus Kristeha, kolla anan ko tsele tchilatcho koowa, hoi jon kran, pash o Jesuseste. Un kanna penenn le ‘na-a’ ap o djungelo koowa, hoi kamell an lengro dji te well.