3. Mose 7:34 - O Debleskro Drom 2021 (Sinte)

^34-36 O baro Dewel penell i Israelenge, kai anenn leske i vieches, te chan le les khetne glan leste, te denn le o betch un i tchatchi heri o rashajeste, o Aroneste, un leskre mursh tchawende. Kal kotja mass hi i rashajenge dran o kheer Aron hako tsireske fun ko diwes, kai wan le dren tchiddo an pengri rashajengri budi. Un i Israelitarja hunte denn len i rashajende. Kau lab atchell jaake hako tsireske, hoi wella.

O Debleskro Lab 2024 (Sinte-Manouche)

^34-36 O baro Devel penell i Israelenge, kay anenn leske i firhes, te rhan le les khetne glan leste, te denn le o beč oun i čači heri o rashayeste, o Aroneste, oun leskre morsh čavende. Kal kotya mass hi i rashayenge dran o kheer Aron hako tsireske foun ko dives, kay van le dren čiddo an pengri rashayengri boudi. Oun i Israelitarya hounte denn len i rashayende. Kava lab ačell yaake hako tsireske, hoy vella.

3. Mose 7:34 ပူးပေါင်းရင်းမြစ်များ

2. Mose 29:26

Le o betch kau duito bakrestar, un hade les pre glan o baro Debleste, te sikress, kai kowa leske hi. Palle nai chah tu les.

2. Mose 29:9

Palle tchip lenge o pereskro pandepen trujel un tchip i rashajengre stadja ap lengre shere, te wenn le mange rashaja hako tsireske. Un jaake aneh tu len an lengri budi:

3. Mose 3:17

Kek tumendar hunte chal o thulepen un o rat. Ap kowa hunte rikrenn tumen un tumare tchawe kanna un hako tsiro, kai tumer ninna djiwenna.

3. Mose 7:33

kai anell o rat un o thulepen glan o baro Debleste kol viechendar, hoi chan i Israelitarja palle khetne glan o Debleste.

4. Mose 5:9

Ninna ko wawar koowa, hoi i Israelitarja o baro Debleste denn, hi i rashajenge.

4. Mose 6:20

Palle lell o rashai kowa an peskre wasta un hadell les pre, te dell lo les o baro Debleste. Ko koowa, khetne o betch un i palstuni heri o bakrestar, hi o rashajeske. Koi pal nai pijell kowa, kai i tsireske o Debleske koi his, pale mool.

5. Mose 18:3

Kawa hi, hoi i rashajen hunte well: Te anell jek i grumni, oder i bakro o baro Debleske, hunte dell lo kolestar o phik, kol dui tchamja un i buke o rashajeske.