3. Mose 7:21 - O Debleskro Drom 2021 (Sinte)

²¹ Te taprell jek tchomone an, hoi pale-tchiddo hi, i menshestar oder i viechestar oder i wawar pale-tchiddo koowa, un palle chal lo kau mass, hoi glan o baro Debleste anlo was, kowa well infam un hi buder kek Israelitari.

O Debleskro Lab 2024 (Sinte-Manouche)

²¹ Te taprell yek čomone an, hoy pale-čiddo hi, i menshestar oder i firhestar oder i vavar pale-čiddo koova, oun palle rhal lo kava mass, hoy glan o baro Debleste anlo vas, kova vell infam oun hi bouder kek Israelitari.

3. Mose 7:21 ပူးပေါင်းရင်းမြစ်များ

1. Mose 17:14

Hako mursh, kai gar tchinlo hi ap peskro mass, kowa hunte atchell buder gar djido mashkral peskre menshende. Job rikras pes gar ap kowa, hoi mer win kram.”

2. Mose 12:15

Efta diwessa chan tumer maro, kai kek shutlo jarro dren hi. Ap o ersto diwes tchiwenn tumer o shutlo jarro krik. Kowa, kai an kol efta diwessa maro chal, kai shutlo jarro dren hi, kowa well pale-tchiddo, un hunte djiwell buder gar mank i Israelitarja.

2. Mose 12:19

Efta diwessa hunte well kek shutlo jarro an tumare khera hatslo. Hakeno, kai maro chala, kai shutlo jarro dren hi, well pale-tchiddo, un hunte djiwell buder gar mashkral i Israelitarja. Kowa nai well i wi-themari, ninna i Israelitari.

Ezekiel 33:25

Doleske pen lenge: Kawa penell o baro Dewel, maro rai: Tumer chan ko mass o rateha, un mangenn chochene deblen an un marenn menshen! Patsenn tchatchepah, ko them hi tumaro?

Ezekiel 4:14

Kote penom me: Ach miro rai, baro Dewel! An kek tsiro wom me pale-tchiddo. Fun tiknes pre bis kau diwes, chom gar viechen, kai meran, witar gar sawen, kai khetne dandedo wan. Kek mass, hoi pale-tchiddo hi, was an miro mui.

3. Mose 11:20

Ninna kal tsele tikne vieche, hoi len tchirklengre mussja hi un ap star herja djan, hi tumenge pale-tchiddo.

3. Mose 12:1

O baro Dewel penas ap o Mose:

3. Mose 17:10

Hako Israelitari, ninna hako wi-themari, kai mank tumende djiwell, kai rat chal, hawo ninna hi, koleske sikrau miro dumo, un krau, te djiwell lo buder gar mank mire menshende.

3. Mose 17:14

An o rat hi o djipen. Doleske penom me ap i Israelitarja: Ma chan rat! Koon les chal, well pale-tchiddo un nai djiwell buder gar mank peskre menshende!

3. Mose 18:29

Hakeno, koon sau pale-tchiddo koowa krell, well infam, un nai djiwell buder gar mank peskre menshende.

3. Mose 19:8

Un koon chal kolestar, hunte hidjrell peskri doosh, hoi job koleha ap peste las. Job kras, har te wals ko viecho, hoi mange, o baro Debleske, dino was, gar feteder har hako wawar mass. Sawo mensho well pale-tchiddo un nai djiwell buder gar mank peskre menshende.

3. Mose 20:3

Me dikau tchilatches ap hakeneste, kai kowa krell, un me mukau les buder gar te djiwell mank peskre menshende. Job das jek peskre tchawendar o Molocheste, un kras jaake miro kheer pale-tchiddo, un kras mantsa, har te woms gar kokres o tchatcho Dewel.

3. Mose 22:3

Pen lenge: Kau lab hi hakeneske tumare mursh tchawendar, kai pal tumende wenna: Hakeno lendar, koles i pale-tchiddo koowa ap leste hi, un kai well pash kowa, hoi anan i Israelitarja mange, o baro Debleske, kowa nai atchell buder gar miro rashai. Me hom o baro Dewel.

3. Mose 22:4

Kones o Aroneskre tchawendar i djungelo nasslepen ap peskri hauta hi, oder koleske tchomone dran leskro murshkano mass nashell, kowa te chal gar fun ko chapen, hoi mange anlo was, bis te hi lo pale erligo. Hako rashai, koon jekes an tapras, kai kras pes i muleha pale-tchiddo, oder koleske jek tele djas,

3. Mose 23:29

Hakeno, koon rikrell pes gar pale o chapastar, kowa well pale-tchiddo hako tsireske, un nai djiwell buder gar mank peskre menshende.

3. Mose 7:20

Kowa kai chal ko mass, hoi o baro Debleste dino was, un ap leste hi i pale-tchiddo koowa, kowa well infam un hi buder kek Israelitari.

3. Mose 7:22

Un o baro Dewel rakras ap o Mose:

3. Mose 7:25

Kowa, kai chal ko thulepen sawe viechendar, kai o baro Debleske anlo wan, kowa well infam un hi buder kek Israelitari.

3. Mose 7:27

Hakeno, kai chal o rat, well infam un hi buder kek Israelitari.”

4. Mose 19:22

Un halauter, hoi ko pale-tchiddo an-tapella, well pale-tchiddo. Un koon koles an-tapella, kai pale-tchiddo hi, hunte well pale-tchiddo bis ap i rati.

5. Mose 14:10

Halauter, hoi len kek flosse un kek shuppe hi, ma chan! Pale-tchiddo wenn le tumenge!

5. Mose 14:3

Tu chas tchi, hoi glan o baro Debleskre jaka pale-tchiddo hi.

1. Samuel 20:26

O Saul penas ap ko diwes tchi. An peskro shero penas lo peske: Nai was leske tchomone, hoi kras les pale-tchiddo jek diweske. Doleske hi lo gar kai.