3. Mose 7:2 - O Debleskro Drom 2021 (Sinte)

² Ap koi platsa, kai well ninna ko viecho maredo, koleskro tselo mass chatchedo well, ap kai platsa hunte well ko viecho maredo, hoi jek anas, te well leskri doosh pale mishto kerdo. Un o viecheskro rat well win tchoredo trul o Debleskri chatchepaskri.

O Debleskro Lab 2024 (Sinte-Manouche)

² Ap koy platsa, kay vell ninna ko firho maredo, koleskro tselo mass rhačedo vell, ap kay platsa hounte vell ko firho maredo, hoy yek anas, te vell leskri doosh pale mishto kerdo. Oun o firheskro rat vell vin čoredo troul o Debleskri rhačepaskri.

3. Mose 7:2 ပူးပေါင်းရင်းမြစ်များ

Jesaja 52:15

Un kanna dikenn bud menshe dran wawar themma bare jakentsa ap leste, un lengre rajenge atchell o rakepen krik. Kowa, hoi lenge gar dren ginlo was, dikenn le kanna. Un kolestar jon tchi shunan, kowa dikenn le un haiwenn les.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Ezekiel 40:39

Un an i wudareskri halla fun kau wudar his star chapangre tardo, dui ap haki rig. Un ap lende wenn kol vieche maredo, hoi o Debleste dino wenn, kolla kai wenn tseles chatchedo, un kolla kai wenn maredo, te well i doosh krik lino, ninna kolla kai wenn maredo, te well lauter pale mishto.

3. Mose 1:11

Un job marell les glan o baro Debleste pash koi chatchepaskri, ap koi rig, kai norden hi. Un i rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja.

3. Mose 1:3

Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

3. Mose 1:5

Palle marell lo kai grumni glan o baro Debleskro kheer. Un kol rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja. Kai chatchepaskri hi tardo glan o wudar o plachteno kherestar.

3. Mose 14:13

Pal kowa marell lo ko terno bakres kote, kai wenn ninna vieche maredo, te well i doosh un o pale-tchiddo koowa krik lino, un kol wawar, kolengro tselo mass chatchedo well. Kai platsa hi i Debleskri platsa. Jaake har hi o rashajeske ko mass i viechestar, hoi well maredo, te well i doosh un o pale-tchiddo koowa krik lino, jaake hi ninna o rashajeske ko mass i viechestar, hoi well maredo, te well ko mensho pale erligo kerdo glan o Debleste. O mass sau viechestar, hoi o Debleske anlo was, nai chan kokres i rashaja un kek wawar.

3. Mose 3:2

Job tchiwell peskro wast ap o viecheskro shero un marell les glan o wudar o Debleskro plachteno kherestar. Un i rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja.

3. Mose 3:8

palle tchiwell job peskro wast ap leskro shero un marell les glan o Debleskro plachteno kheer. Un i rashaja lenn o rat un tchorenn les trul o Debleskri chatchepaskri win.

3. Mose 4:24

Un tchiwell peskro wast ap o viecheskro shero un marell les glan o baro Debleste, kote kai i vieche maredo wenn, hoi o Debleske chatchedo wenn. Jaake well i viecheha kerdo, hoi maredo well, te well i doosh krik lino.

3. Mose 4:29

Un job hunte tchiwell peskro wast ap o viecheskro shero un marell les kote kai i vieche maredo wenn, hoi chatchedo wenn o Debleske.

3. Mose 4:33

un tchiwell peskro wast ap o viecheskro shero, un marell les kote, kai i vieche maredo wenn, hoi o Debleske chatchedo wenn. Kowa hunte krell lo, te well leskri doosh krik lino.

3. Mose 5:16

Un ninna hunte anell lo ko koowa, hoi anas lo gar o baro Debleske, un o pantchto kolestar gomme pashel. Un kowa lauter dell lo o rashajeste an o wast. Un o rashai marell ko bakro un chatchrell leskro thulepen, te well lauter pale mishto mank o Debleste un o mensheste. Un o baro Dewel bistrell koi doosh.

3. Mose 5:7

Te hi ko mursh tchorwelo un nai anell kek bakri witar kek busni, nai anell lo dui taube. Kolla nai hi dui diwje taube oder dui wawar taube, jek, te well i doosh krik lino, un jek, hoi o baro Debleske tseles chatchedo well.

3. Mose 5:9

Job witsrell ko ratestar ap i rig fun i chatchepaskri, un mukell o tselo wawar rat win ratell tella pash i chatchepaskri. Jaake hunte well i viecheha kerdo, hoi maredo well, te well i doosh krik lino.

3. Mose 6:7

Un jaake hunte well kerdo o jarreha, hoi o baro Debleske dino well. I rashaja dran o kheer Aron anenn les glan o baro Debleste pash koi chatchepaskri.

4. Mose 6:12

te well lo newes o baro Debleske koi ko tsireske, kai das lo pes sowel. Un job hunte lell i bakro, hoi jek bersh phuro hi, un dell les o Debleste, te well halauter pale mishto. Kol diwessa glan te wan leskre balla pale-tchiddo, his tchitcheske.

Hebrearja 11:28

O Dewel penas leske, hawi bibacht pral o them Egiptia wella. Un job penas leske ninna, hoi i Israelitarja hunte krenn, te well koi bibacht gar pral lende. Koi patsas o Mose, te well kowa tchatcho, hoi o Dewel penas. Un o Mose penas ap i Israelitarja, te marenn le bakren, un te chan le len – kau chapen was kharedo Passa – un te makenn le i viechengro rat ap pengre wudja. Har palle o bolepaskro was, te marell lo i tsele phureder tchawen, koi atchan i Israeleskre tchawe djido. Jon his an i khera, kai o rat ap i wudja hi.

Hebrearja 12:24

Kote hi ninna o Jesus, maro rakepaskro, kai kras menge o newo drom, te djiwas khetne o Debleha. Job meras menge, un leskro rat las mari doosh mendar. O Jesuseskro rat hi feteder har o Abeleskro rat. Har o Abel maredo was, das leskro rat gole pal i phagi pral o Kain. O Jesuseskro rat lell mari doosh mendar.

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!