3. Mose 7:12 - O Debleskro Drom 2021 (Sinte)

¹² Te anell jek les, te kamell lo pes pash o baro Debleste te parkrell, palle hunte anell lo ninna merklia kerdo djeteha, an kolende kek shutlo jarro hi, un sane mare an kolende kek shutlo jarro hi, kai djet pral maklo was, ninna merklia kerdo dran latcho djob un djet.

O Debleskro Lab 2024 (Sinte-Manouche)

¹² Te anell yek les, te kamell lo pes pash o baro Debleste te parkrell, palle hounte anell lo ninna merklia kerdo djeteha, an kolende kek shoutlo yarro hi, oun sane mare an kolende kek shoutlo yarro hi, kay djet pral maklo vas, ninna merklia kerdo dran lačo djob oun djet.

3. Mose 7:12 ပူးပေါင်းရင်းမြစ်များ

2. Familjakro liil 29:31

Palle penas o Hiskija ap i menshende: “Kanna han djudjo o baro Debleske. Awenn un anenn tumare viechen, kolentsa parkrenn tumen pash o baro Debleste!” Un jon anan viechen, te parkrenn le pen pash leste. Un hakeno, kai kamas budeder te dell, anas sawe viechen, kai wan tseles chatchedo o baro Debleske.

2. Familjakro liil 33:16

Un job mukas o baro Debleskri chatchepaskri newes te krell, un anas o baro Debleske viechen, sawe, hoi chan le khetne glan leste, un sawe, te parkrell lo pes pash leste. Un ap i menshende an o them Juda penas lo, te mangenn le kokres o baro Debles an. Job hi o Dewel pral Israel.

Nehemia 12:43

Un ap ko diwes anan le bud viechen o Debleske. Un jon giwan un khelan i bachtjatar. O Dewel kras, te wan lengre djia bachtelo un san. Un ninna i djuwja un i tchawe dan gole i bachtjatar. Un koi bari bachteli gole an o foro Jerusalem was shunlo fun dural.

Debleskri gili 107:8

Jon hunte parkrenn pen pash o baro Debleste, te was lo jaake latches ap lende, un kras baro shukar koowa ap i menshende.

Debleskri gili 116:17

Pash tute kamau me man te parkrell, un tut an-mangell.

Debleskri gili 50:23

Kowa, kai pes pash mande parkrella, hi kowa, kai sharell man. Kowa hi o drom, kai sikrau leste, har latcho leske hom.”

Jeremia 33:11

kote well pale sapen shunlo un bachteli gole. O pirno un leskri pirni, kai i bijab krenn, giwenn pale. Un wawar anenn viechen an miro kheer, te parkrenn le pen pash mande, un giwenn koi pashel: Parkrenn tumen pash o baro Debleste, ko rajeste pral o bolepen un i phub; job hi kamles ap mende. Hako tsiro hi leskro latchepen menge koi. Me krau te djal kau themeske pale jaake mishto, har leske glan kowa djas.

Hosea 14:2

Tu Israel, dja pale pash o baro Debleste, ko tiro Dewel hi! Koi doosh, hoi ap tute anal, mukas tut an i bibacht te perell.

3. Mose 2:4

Te kameh i chapen glan o baro Debleste te anell, hoi peklo hi an i bob, palle an tchomone, kai kek shutlo jarro dren hi, nai wenn merklia dran latcho jarro khetne kerdo djeteha, nai wenn sane mare, hoi djet pral maklo well.

3. Mose 2:5

Te kameh i merkli te anell, hoi peklo hi ap i sasterno tcharo, palle le jarro, kai kek shutlo jarro dren hi, un hoi kerdo hi o djeteha.

3. Mose 22:29

Te marenn tumer i vieches o baro Debleske, te parkrenn tumen koleha pash leste, palle chan les ap ko emligo diwes, te dikell o baro Dewel latches ap tumende! Ma mukenn tchomone pral bis ap o wawar diwes! Me hom o baro Dewel.

3. Mose 6:16

Hako kopo, kai anell i rashai peske i chapen dran djob o baro Debleske, hunte well ko tselo chapen chatchedo. Kek chal les.

3. Mose 7:15

Ko mass kau viechestar, hoi jek glan o baro Debleste anas, te parkrell lo pes pash leste, hunte well ap kau emligo diwes chalo, un tchi kolestar atchell tchiddo bis taissarlakro.

Amos 4:5

Anenn shutlo maro o Debleske, te parkrenn pen pash leste! Denn win gole, te anenn i menshe pendar tchomone o Debleske! Un palle denn win gole, hoi hakeno anas. Sawo koowa kamenn tumer jaake, tumer Israelitarja! Kowa penell o baro Dewel, maro rai.

4. Mose 6:15

Ninna anell lo i kashteni piri, kai merklia un mare dren hi, kai kek shutlo jarro dren hi: merklia dran latcho jarro un djet, un sane mare, kai djet pre maklo hi, ninna ko tselo chapen dran jarro un koi mool, hoi koi pashel hi, te well lo dino o Debleske.

Louka 17:16

Job witsras pes glan o Jesuseskre pire tele, un parkras pes. Kowa his i Samaritari.

Louka 17:18

Hi kek wawar koi, kai was pale pale, te sharell lo o Debles har kau Samaritari?”

Remarja 1:21

Ninna te djinan le o Deblestar, sharan le les gar, un parkran pen gar pash leste. Na-a, jon djan pal kowa, hoi an lengro shero hi un tchi moldo hi. Un lengre djia haiwan buder gar, hoi mishto hi.

Efesarja 5:20

Parkrenn tumen hako tsiro pash o Debleste, maro dadeste, lautereske, hoi das lo tumen! Krenn kowa an o lab maro rajestar, o Jesus Kristestar!

Hebrearja 13:15

Dran kowa parkras men pash o Debleste, sharas les hako tsiro, un kras o Jesuseskro lab bares.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.