3. Mose 6:5 - O Debleskro Drom 2021 (Sinte)

⁵ Un koi jag ap i chatchepaskri chatchell dureder, un djal ko tselo tsiro gar win. Haki taissarla tchiwell o rashai kasht pre, un koi pre ko mass ko viechestar, hoi well tseles chatchedo, ninna kol kotja thulepen ko viechestar, hoi i menshe khetne chan. Un o rashai mukell lauter pre te chatchrell.

O Debleskro Lab 2024 (Sinte-Manouche)

⁵ Oun koy yag ap i rhačepaskri rhačell doureder, oun djal ko tselo tsiro gar vin. Haki taysarla čivell o rashay kasht pre, oun koy pre ko mass ko firhestar, hoy vell tseles rhačedo, ninna kol kotya thulepen ko firhestar, hoy i menshe khetne rhan. Oun o rashay moukell lauter pre te rhačrell.

3. Mose 6:5 ပူးပေါင်းရင်းမြစ်များ

2. Samuel 12:6

Ninna hunte plaissrell job star kope jaake bud ko bakreske, hoi lo las, doleske, kai his les kek dji o tchorweleske.”

Nehemia 10:35

Mer anah hako bersh o kasht chatchepaske an maro Debleskro kheer, te nai well les chatchedo ap i chatchepaskri maro baro Deblestar, jaake har tchinlo hi an o Moseskro liil. Mer, i rashaja, i Levitarja un i wawar Israelitarja, witsrah tikne barra, te sikrenn le, koon mare familjendar an hawo tsiro kau kasht anell.

2. Mose 22:1

Te well i tchorepaskro tapedo, har job rati an i kheer dren phagell, un well jaake dino, te merell lo, hi koles, hoi les das, kek doosh ap leskro rat.

2. Mose 22:4

Te dell i mursh gar jak ap peskre viechende, un mukell len ap i wawareskro them te djal un kote te chal, palle hunte dell lo kowa pale. Te chan i vieche djob, palle dell lo o latcheder djob, hoi leskro hi. Te chan i vieche drake, palle dell lo peskre latcheder drake.

2. Mose 22:7

Te well ko tchorepaskro gar hatslo, palle dell pes ko mursh, dran koleskro kheer ko koowa tchoredo was, glan o Debleste sowel, te tchoras lo ko koowa gar kokres.

2. Mose 22:9

Te dell jek o wawares i burika, i grumni, i bakro, ninna i wawar viecho, te dell lo jak ap leste, un ko viecho merell, dukrell pes, oder well krik tradedo un kek dikas tchomone,

2. Mose 30:7

Ap ko sonakaskro bob chatchrell o Aron ko kutch koowa, hoi o Debleske shukar sungella. Kowa krell lo hako diwes taissarlakro, te tchorell lo o djet an i momlia,

Jesaja 58:6

Kanna penau tuke, hoi i diwes hi, hoi glan mire jaka mishto hi: I diwes, kai kreh tu kol shelle pre kolendar, kai pandlo wan, un kai kek tchilatchepen kran. Muk kolen te djan, ap kolende pharo koowa tchiwal! Le ko koowa krik, koleha len tele rikral! Un phage kol shelle, hoi trul lengre menja pandlo hi.

Jesaja 58:9

Palle deh tu gole, un o baro Dewel rakrell ap tute pale! Hako kopo, kai deh gole ‘ab ap miri rig’, penell job: ‘Kate hom.’ Tu rikress kekes tele pash tute, un aness tchi ap jekeste pre, hoi gar tchatcho hi, un rakress gar djungeles pral leste.

Ezekiel 33:15

un dell koleste kowa pale, hoi lo koleske las, har lo leske tchomone patsas, un dell ninna kowa pale, hoi lo tchoras, un djiwell kanna pal kol laba, hoi o djipen anenn, un krell buder gar o tchilatchepen – palle djiwell lo! Job merell gar!

3. Mose 5:16

Un ninna hunte anell lo ko koowa, hoi anas lo gar o baro Debleske, un o pantchto kolestar gomme pashel. Un kowa lauter dell lo o rashajeste an o wast. Un o rashai marell ko bakro un chatchrell leskro thulepen, te well lauter pale mishto mank o Debleste un o mensheste. Un o baro Dewel bistrell koi doosh.

Louka 19:8

O Zacheo his koi tardo un penas ap o Jesuseste: “Mo rai, me dau i tchorwelende i paash lauterestar, hoi man hi. Un te chochrom jekes, dau les kanna star kope jaake bud pale.”

1. Samuel 12:3

Doleske hom kanna glan tumende tardo: Stenn pre un rakrenn kate glan o baro Debleste un glan o baro rajeste, kones job win rodas: Koneskri grumni lom me? Koneskri esla? Kones chochrom me? Konestar lom i sorjah, hoi leske his? Konestar mukom man te plaissrell, te pandap mire jaka glan leskro tchilatcho koowa. Me te krom kowa, palle kamau les me pale te dell.”