3. Mose 6:4 - O Debleskro Drom 2021 (Sinte)

⁴ Palle riwell lo peskre koola win un wawar koola an, un hidjrell koi jagakri tchik win dran koi platsa, kai i menshe hi, ap i platsa, hoi hi djudjo o Debleske.

O Debleskro Lab 2024 (Sinte-Manouche)

⁴ Palle rivell lo peskre koola vin oun vavar koola an, oun hidjrell koy yagakri čik vin dran koy platsa, kay i menshe hi, ap i platsa, hoy hi djoudjo o Debleske.

3. Mose 6:4 ပူးပေါင်းရင်းမြစ်များ

1. Mose 21:25

Tumendar kamau te djinell, hoske tire budepangre mari brunna krik lan.”

Nehemia 5:11

Denn len gomme kau diwes lengri hachetikri phub pale, ninna lengro drakengro them, lengre djeteskre ruka un lengre khera! Un mukenn lenge lengri tseli sijaan tele, hoi jon pash tumende hi, lowe, djob, mool un djet!”

Hiob 20:19

I tchorwelen rikras lo tele, un was lenge gar ap i rig. Job tradas menshen dran pengre khera, te lell lo peske kol khera, hoi job gar kras.

Hiob 24:2

O tchilatche tchiwenn kol barra ap i rig, hoi sikrenn har baro jekeskro them hi. Un jon tchorenn bakre un anenn len ap pengro kotar phub.

Jesaja 59:6

Kowa, hoi tumer win krenn, hi tchitcheske, hi gar budeder moldo har i ripen kerdo dran i netsa, hoi i spinna kras, un koleha nai tchakreh tchi tele. Kowa hoi tumer krenn, hi chochepen. Tumare wastentsa dukenn un marenn tumer.

Ezekiel 18:12

un rikrell i tchorwelen sorjah tele, ninna kolen, kolen gar doha djipaske hi, un lell sorjah peske, hoi gar leskro hi. Te patsas lo lowe win, dell lo kowa gar pale, hoi das les ko tchorwelo ko tsireske, kai les sijaan pash leste hi. Un job mangell i chochene deblen an, un krell, hoi glan o Debleske jaka djungeles hi.

Ezekiel 18:18

Leskro dad, kowa, kai chochras i wawaren, un las peske sorjah, hoi i wawares hi, un kras wawar tchilatcho koowa mank peskre menshende, kowa hunte merell ko tselo tchilatchepaske, hoi lo kras.

Ezekiel 18:7

Job rikrell kekes sorjah tele. Te patsas lo lowe win, dell lo kowa pale, hoi das les ko tchorwelo ko tsireske, kai les sijaan pash leste hi. Job lell kekestar tchomone sorjah peske. Peskro maro dell lo koles, kones bok hi, ninna koola koles, kai kek an-ripaske hi.

Ezekiel 33:15

un dell koleste kowa pale, hoi lo koleske las, har lo leske tchomone patsas, un dell ninna kowa pale, hoi lo tchoras, un djiwell kanna pal kol laba, hoi o djipen anenn, un krell buder gar o tchilatchepen – palle djiwell lo! Job merell gar!

Ezekiel 44:19

Te djan le ap i bari glanstuni platsa win pash i menshende, hunte riwenn le kol koola, an kolende jon budran, pale win, un tchiwenn len tele an kol iseme, hoi i rashajenge hi. Un riwenn wawar koola an, te taprenn i menshe gar i rashajengre koola an, un merenn.

3. Mose 24:18

Koon i vieches mulo dell, kowa hunte dell sau viecho pale: I djipen i djipaske.

3. Mose 24:21

Koon i vieches mulo dell, hunte dell sau vieches pale. Koon i menshes mulo dell, hunte merell.

3. Mose 4:12

kowa lauter hidjrell lo win, krik dran koi platsa, kai i menshe hi. Un anell kowa ap i djudji platsa, kote kai i jagakri tchik win tchoredo well. Kote chatchrell lo lauter an i jag dran kasht.

Amos 3:10

Jon dikenn gar ap o tchatchepen, penell o baro Dewel. Jon lenn penge brawlepen khetne an pengre khera, hoi tchoran le un lan le sorjah i wawarendar krik.

Micha 2:2

Kamenn le jekeskro kotar phub, randenn le les, un lenn penge khera wawar menshendar, har jon kamenna. Tchilatchi sorjah djan le ap jekeste, un lenn penge leskro kheer un kowa, hoi les peskro dadestar was.

Zefanja 1:9

Ninna dau kolen i phagi, kai stenn an o wudar dren, te stakrenn le gar ap o kasht tel o wudar. Ninna kolen dau i phagi, kai anenn an pengro rajeskro kheer sawo koowa, hoi lan le chochepah un tchorepah.

Maleachi 1:13

Un tumer penenn: ‘Dikenn, hawi budi hi men koleha! Ko well menge dran o nak win.’ Tumer anenn mange viechen, kai hi tchoredo, bango un nasselo. Penap me koi pre: ‘Kowa hi shukar, hoi tumer mange krenn’, penell o baro Dewel.

4. Mose 5:7

Un job hunte penell o tchilatcho koowa, hoi job kras, un krell kowa pale mishto, un dell ko pantchto kotar koi pashel, ap koleste job o tchilatchepen kras.