3. Mose 6:3 - O Debleskro Drom 2021 (Sinte)

³ O rashai riwell peskro laintikro gad an, un ninna kol laintikre cholopja. Job lell i jagakri tchik krik, hoi well ko viechestar, koleskro tselo mass chatchedo was. Un job tchorell koi tchik win pash i chatchepaskri.

O Debleskro Lab 2024 (Sinte-Manouche)

³ O rashay rivell peskro layntikro gad an, oun ninna kol layntikre rholopya. Yob lell i yagakri čik krik, hoy vell ko firhestar, koleskro tselo mass rhačedo vas. Oun yob čorell koy čik vin pash i rhačepaskri.

3. Mose 6:3 ပူးပေါင်းရင်းမြစ်များ

2. Mose 23:4

Te dikeh tu i grumni, i burika, hoi nashedo hi, hunte aness ko viecho pale pash koleste, koles ko viecho hi, ninna te hal tu leha an o tchingepen.

2. Mose 28:42

Muk lenge ninna laintikre telstune cholopja te krell. Kolla riwenn le tel i wawar koola, te wenn le kote gar nanges.

Gosewe laba 24:28

Ma an chochepen pre ap i wawareste! Pen o tchatchepen!

Gosewe laba 30:9

Te wals man budeder har man hunte well, nai penaus: “Koon hi o baro Dewel?” Un te wals man gar doha, nai tchoraus un anaus ladj ap miro Debleste.

Jeremia 5:2

Ninna te denn jon pen sowel pash o djido Debleste, hi kowa chochepen.

Jeremia 7:9

Tumer han tchorepangre un marepangre, kai denn wawaren mulo, tumer mursha chochenn tumare romjen wawar djuwjentsa, tumer djuwja, chochenn tumare romen, wawar murshentsa, tumer denn tumen sowel un rikrenn koja gar dren, tumer chatchrenn viechen o chocheno debleske Baal un nashenn pal wawar deblende.

Ezekiel 44:19

Te djan le ap i bari glanstuni platsa win pash i menshende, hunte riwenn le kol koola, an kolende jon budran, pale win, un tchiwenn len tele an kol iseme, hoi i rashajenge hi. Un riwenn wawar koola an, te taprenn i menshe gar i rashajengre koola an, un merenn.

3. Mose 1:16

Leskri meen un kowa, hoi an late hi, witsrell lo win ap i jagakri tchik, hoi pash o chatchepaskri tchiddo hi ap koi rig, kai o kham pre djal.

3. Mose 16:4

Glanstunes hunte thowell lo pes, un riwell i rashajengre koola an: ko laintikro gad, un ko laintikro cholop koi tel. Job pandell i pereskro laintikro pandepen trul peste, un i shereskro pandepen trul peskro shero.

3. Mose 19:12

Ma denn tumen i chocheno sowel pash miro lab! Sau koweha anenn tumer ladj ap miro lab. Me, o baro Dewel, hom tumaro Dewel.

Zakarie 5:4

O baro Dewel, ko rai pral o bolepen un i phub, penell, ko praassepen te well pral o tchorepaskro kheer un an o kheer kolestar, kai dell pes i chocheno sowel an o lab o baro Deblestar. Ko liil atchell an lengre khera, un chal len pre, ninna lengro kasht un lengre barra.”

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.