3. Mose 6:22 - O Debleskro Drom 2021 (Sinte)

²² I tsele mursha un mursh tchawe an i rashajengre familje nai chan kau mass. Jon kokres doleske, kai kau mass ko viechestar was, hoi o baro Debleske anlo was.

O Debleskro Lab 2024 (Sinte-Manouche)

²² I tsele morsha oun morsh čave an i rashayengre familye nay rhan kava mass. Yon kokres doleske, kay kava mass ko firhestar vas, hoy o baro Debleske anlo vas.

3. Mose 6:22 ပူးပေါင်းရင်းမြစ်များ

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

Hosea 4:8

Tumer rashaja chan ko mass, hoi denn i menshe o Debleste pengri doshake. Doleske han tumer bachtelo pral i menshengri doosh.

3. Mose 3:17

Kek tumendar hunte chal o thulepen un o rat. Ap kowa hunte rikrenn tumen un tumare tchawe kanna un hako tsiro, kai tumer ninna djiwenna.

3. Mose 4:24

Un tchiwell peskro wast ap o viecheskro shero un marell les glan o baro Debleste, kote kai i vieche maredo wenn, hoi o Debleske chatchedo wenn. Jaake well i viecheha kerdo, hoi maredo well, te well i doosh krik lino.

3. Mose 4:3

Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

3. Mose 6:11

Kokres kol mursh tchawe, kai wenn o Aronestar, nai chan kolestar. Kowa hi hako tsireske lengro kotar kolestar, hoi i menshe o baro Debleske anenna. Hako wawar, kai taprell kowa an, lell peskri phagi.

3. Mose 6:21

Te was ko mass keredo an i piri, hoi dran tchik kerdo was, hunte well koi piri an kotja phagedo. Te was ko mass an i sasterni piri keredo, palle well li sorjah un panjeha win thodo.

3. Mose 6:23

Te was o rat sau viechestar an o Debleskro kheer dren lino, te well lauter pale mishto mank i menshende un o baro Debleste, palle hunte chal kek leskro mass. Kau mass well an i jag chatchedo.

3. Mose 8:21

Un job thowas leskre buke un leskre herja o panjeha, un tchiwas len ninna ap i chatchepaskri, un mukas ko tselo vieches pre te chatchrell ap o Debleskri chatchepaskri. Jaake har o baro Dewel penas, was ko tselo bakro leske chatchedo. Un o latcho sungepen, hoi was win, sungas mishto o baro Debleske.

5. Mose 10:6

Un i Israelitarja mukan Beeroth-Bene-Jaakan pal pende un djan dureder an Mosera. Kote meras o Aron un was paskedo. Un leskro tchawo, o Eleasar was rashai pal leste.

Hebrearja 7:23

An ko tselo tsiro his bud rashaja. Kolla lauter hunte meran. Har jek meras, was pale i wawar.