3. Mose 6:20 - O Debleskro Drom 2021 (Sinte)

²⁰ Hako wawar, kai ko mass an-taprell, lell peskri phagi. Te well tchomone ko ratestar ap jekeskre koola, palle hunte thowell lo ko kotar ap i platsa, hoi djudjo hi o Debleske.

O Debleskro Lab 2024 (Sinte-Manouche)

²⁰ Hako vavar, kay ko mass an-taprell, lell peskri phagi. Te vell čomone ko ratestar ap yekeskre koola, palle hounte thovell lo ko kotar ap i platsa, hoy djoudjo hi o Debleske.

3. Mose 6:20 ပူးပေါင်းရင်းမြစ်များ

1. Familjakro liil 23:29

Lengri budi his, te dikenn le pal o Debleskre mare, pal ko latcho jarro, hoi leske chatchedo well, un pal o maro, hoi kek shutlo jarro dren hi, un pal o peklo chapen, kai djet dren hi. Ninna hunte dikenn le, kai kol barra, hoi ap waga tchiddo wenn, o tchatcho pharepen sikrenn, un kol kashta, hoi o lengstepen sikrenn, kowa tchatches krenna.

2. Mose 16:36

Kowa, hoi hakeno ap jek diwes chas his i khoro pherdo. Kowa hi jaake dui litarja.

2. Mose 29:2

Le ninna latcho jarro, tchip kek shutlo jarro dren, un kre pesse un sane mare, ninna merklia. An i merklia tchip djet dren, un ap i sane mare mak djet pre.

3. Mose 23:13

Koi pashel anenn glan leste dui-te-paash kilogramme latcho jarro, kai djet dren hi. Kau chapen well leske chatchedo. Un ko latcho sungepen, hoi well win, sungella mishto o baro Debleske. Koi pashel anenn jek litari mool, hoi well win tchoredo glan leste.

3. Mose 5:1

Te well jek glan i tchatchepangre anlo, te penell lo, hoi lo dikas un shunas, un job rikrell kowa peske, un penell tchi, ninna te dikas oder shunas lo, hoi koi his. Palle anas lo i doosh ap peste un hunte hidjrell lat.

3. Mose 5:11

Te hi kowa, kai doosh ap peste anas, jaake tchorwelo, te nai anell lo gar dui taube, palle anell lo jek kilogrammi latcho jarro o baro Debleske, te well leskri doosh krik lino. Job hunte tchiwell kek djet pre, witar kek sungepaskro koowa. Kawa hi i chapen, hoi o Debleske anlo well, te well i doosh krik lino.

3. Mose 6:11

Kokres kol mursh tchawe, kai wenn o Aronestar, nai chan kolestar. Kowa hi hako tsireske lengro kotar kolestar, hoi i menshe o baro Debleske anenna. Hako wawar, kai taprell kowa an, lell peskri phagi.

3. Mose 6:19

Ko rashai, kai leskre feteder kotja o Debleske chatchrell, chal o mass ap i glanstuni platsa glan o Debleskro plachteno kheer. Kaja hi i Debleskri platsa.

4. Mose 28:10

Kowa well o Debleske hako Debleskro diwes anlo. Koi pashel kowa, hoi well leske hako diwes chatchedo, un koi mool, hoi well leske win tchoredo.

4. Mose 28:3

Un pen ap lende: Kalla hi kol vieche, hoi hunte chatchrenn tseles o baro Debleske: hako diwes dui bakre, kai jek bersh phuro un gar nasselo hi.

4. Mose 4:16

Un o Eleasar, ko tchawo o rashajestar Aron, job dell garda ap o momelengro djet, un ap ko djet, hoi lenn le te makenn le i rashajen dren, un ap ko sungepaskro koowa, hoi well chatchedo o Debleske. Ninna dell lo garda ap o chapen, hoi hako diwes o Debleske chatchedo wella. Un job dell garda ap o tselo Debleskro kheer un ap ko tselo Debleskro koowa, hoi koi dren hi.

Hebrearja 5:1

Hako baro rashai hi dran i menshende win rodedo, te well lo lengro rashai glan o Debleste. Leske anenn le viechen, te anell lo len glan o Debleste, te well lengri doosh lendar krik lino.

Hebrearja 7:27

Job hi gar har kol wawar bare rashaja, un hunte anell gar hako diwes i maredo vieches o Debleske, te well peskri doosh krik lino. Ninna hunte anell lo gar i wawar menshenge marede viechen o Debleske, te well lengri doosh krik lino. Na-a, job kokres das peskro djipen an o merepen jek kopo hako tsireske.