3. Mose 6:14 - O Debleskro Drom 2021 (Sinte)

¹⁴ An o sasterno tcharo well o jarro khetne kerdo o djeteha, palle peklo, an kotja phagedo un o baro Debleske chatchedo. Un ko latcho sungepen, hoi well win, sungell mishto o baro Debleske.

O Debleskro Lab 2024 (Sinte-Manouche)

¹⁴ An o sasterno čaro vell o yarro khetne kerdo o djeteha, palle peklo, an kotya phagedo oun o baro Debleske rhačedo. Oun ko lačo soungepen, hoy vell vin, soungell mishto o baro Debleske.

3. Mose 6:14 ပူးပေါင်းရင်းမြစ်များ

1. Familjakro liil 9:31

Un o Mattitja, jek kol Levitarendar, – job his o phureder tchawo o murshestar Shallum dran o kheer Korach – kowa das garda, te was hako tsiro o maro peklo, hoi was o Debleske dino un chatchedo.

3. Mose 1:17

Palle taprell o rashai o tchirkleskre mussja un tserdell o tchirkles pre, un chatchrell les ap i kasht pral i jag, hoi ap i chatchepaskri hi. Jaake hunte well i tchirklo anlo glan o Debleste, hoi well leske tseles chatchedo. Un o latcho sungepen, hoi well win, sungell mishto o baro Debleske.

3. Mose 1:9

I buke un i herja hunte wan thodo. Kowa krell ko mursh, kai anas ko vieches. Un o rashai mukell halauter ap i chatchepaskri pre te chatchrell. Jaake hunte well i viecho anlo glan o Debleste, hoi well leske tseles chatchedo. Un o latcho sungepen, hoi well win, sungell mishto o baro Debleske.

3. Mose 10:12

O Mose penas ap o Aron un ap koleskre dui mursh tchawende, kai leske pral atchan, ap o Eleasar un o Itamar: “Kowa, hoi pral atchas ko jarrestar, hoi glan o baro Debleste anlo was, nai lenn tumenge. Tchiwenn kek shutlo jarro koi pashel. Chan les pash o Debleskri chatchepaskri. Kau chapen hi i Debleskro chapen. Kokres i rashaja nai chan les, un kek wawar.

3. Mose 6:13

Ap ko diwes, kai well jek dran o kheer Aron an peskri budi dren tchiddo, te well lo miro rashai, hunte anell lo mange i khoro latcho jarro – jaake bud har ko chapaske lino well, hoi hako diwes o baro Debleske anlo well. Ko jek paash anell lo leske taissarlakro un ko wawar paash rati.

3. Mose 6:15

Un ko rashai dran o kheer Aron, kai pal Aroneskro merepen o pralstuno rashai well, kawa krell kowa, un chatchrell ko tselo chapen ap i chatchepaskri. Jaake hunte well kawa kerdo o baro Debleske hako tsireske.

4. Mose 15:6

Pash hako baro bakro, hoi chatchreh tu o Debleske, dess tu dui kilogramme latcho jarro, kai jek-te-paash litarja djet dren hi.

4. Mose 15:9

palle hunte dess koi pashel triin kilogramme latcho jarro, kai dui litarja djet dren hi.

Johanni 6:32

Penas o Jesus: “Tchatchepah, me penau tumenge: Hi gar o Mose, kai das tumen o maro dran o bolepen. Kowa hi miro dad, kai dell tumen ko tchatcho maro dran o bolepen.