3. Mose 5:4 - O Debleskro Drom 2021 (Sinte)

⁴ Te dell jek pes sowel, jaake te rakrell leskro mui sik, un job haiwell pal i tsiro, hoi lo kras, – hi jek, te hi kowa, hoi lo penas, latcho oder tchilatcho leske – palle anas lo i doosh ap peste.

O Debleskro Lab 2024 (Sinte-Manouche)

⁴ Te dell yek pes sovel, yaake te rakrell leskro mouy sik, oun yob hayvell pal i tsiro, hoy lo kras, – hi yek, te hi kova, hoy lo penas, lačo oder čilačo leske – palle anas lo i doosh ap peste.

3. Mose 5:4 ပူးပေါင်းရင်းမြစ်များ

2. Samuel 21:7

Un job rodas efta murshen win. O Mefi-Boshet, koleskro dad o Jonatan his un koleskro papo o Saul his, kowa his gar mank kolende. Glan i tsiro das o David glan o baro Debleste o Jonataneske i sowel, te mukell lo leskre tchawen djido.

2. Rajengro liil 6:31

Un job penas: “O Debleskri choli mu well pral mande, te dau me kai diwes gar ko shero o Elisestar tele, koleskro dad o Shafat hi.”

Debleskri gili 106:33

Jon kran les jaake chojedo, te rakras job sik, un leskre laba his gar gosewo.

3. Mose 5:13

Jaake krell o rashai, te well i doosh kolestar krik lino, hoi doosh ap peste anas an hako koowa, kolestar kate penlo well. Un lauter well pale mishto mank ko mensheste un o baro Debleste. Un o baro Dewel bistrell leskri doosh. O jarro, hoi pral atchell, hi o rashajeske, jaake har pash o wawar chapen dran djob, hoi o Debleske dino was.

3. Mose 5:3

Ninna te taprell lo ap i mensheste, kai hi pale-tchiddo, hoi kowa ninna hi, palle anas lo doosh ap peste, ninna te haiwas lo gar, hoi lo kras.

4. Mose 30:6

Te kamell lakro dad kowa gar an ko diwes har job kolestar shunas, palle hunte rikrell joi gar, hoi das li pes sowel, un hoi joi las ap peste. Un o baro Dewel djinell, kai lakro dad gar kamas te krell joi kowa, un job hidjrell lake tchi palla.

4. Mose 30:8

un lakro rom penell tchi koi pre ap ko diwes, kai shunell lo kowa, palle hunte rikrell joi peskri sowel, un hunte krell, hoi li ap peste las.

Mateo 14:7

te das lo pes sowel, te dell lo lat lauter, hoi joi lestar mangella.

Mateo 14:9

Har o Herodes kowa shunas, khaitas les, hoi job lake penas. Palle dikas lo ap kol tsele menshende, hoi shunan, har job pes sowel das. Doleske penas lo ap peskre lurdende, te denn le lat, hoi joi kamas.

Markus 6:23

Un job das pes sowel: “Hoi tu mandar ninna mangeh, kowa dau tut, ninna te mangeh mandar o paash miro themestar un brawlepen.”

Bičepangre 23:12

Taissarlake wan budeder har star-deesh bibolde khetne, un dan pen sowel, te chan le un te pijenn le tchi jaake rah, bis te jon o Paules maran.

Josua 2:14

Kote penan kol mursha ap late: “Mer dah men sowel pash maro djipen: Te phukreh tu men gar, krah mer kek tchilatchepen ap tumende ap ko tsiro, kai dell men o baro Dewel kau them, un wah latches ap tumende.”

Josua 9:15

Un o Josua kras lentsa win, te well kek kurepen mashkral lende dujende. Un job das peskro wast koi pre, te mukell lo len te djiwell. Un i pralstune pral o Israel dan pen ninna sowel koi pre.

Čačepangre 11:31

palle dau tut koles, kai dran miro khereskro wudar win wella, un pash mande well ap ko diwes, kai wau an o latchepen pale dran o kurepen kolentsa dran o them Ammon. Koles chatchrau tuke.”

Čačepangre 21:18

Mare tchen nai dah len gar te romedinerenn le len. I tsele Israelitarja dan pen sowel, un penan: ‘Praassedo well kowa, hoi i Benjamines i djuwjat dell.’”

Čačepangre 21:7

Hoi nai kras mer kolenge, kai djido atchan, te well len romjen? Kek mendar dell len peskri tchai. Jaake dam men sowel glan o baro Debleste.”

Čačepangre 9:19

Te his kowa lauter mishto, hoi kran tumer ap o Gideon un ap leskro kheer, palle krenn dureder jaake un wenn bachteles khetne, tumer un o Abimelech!

1. Samuel 1:11

un das pes sowel un penas: “Tu, baro Dewel un rai pral o bolepen un i phub, tu te dikeh kanna tiri tchorweli budepaskretsa an, un bistreh lat gar, un deh tiri budepaskretsat i mursh tchawes, palle dau me les tute o tselo tsiro, hoi job djiwella. Un kek tchuri well ap leskre balla, hoi tchinals len tele.”

1. Samuel 25:22

O Dewel mu dell man i phagi, te mukau jek murshes djido leskre tsele murshendar, bis te djal o kham taissarlakro pre.”